İsa Qəmbəri 2003-cü ildə necə aldadıblar? — Sirlər AÇILIR

İsa Qəmbəri 2003-cü ildə necə aldadıblar? — Sirlər AÇILIR













AMİP katibi Əli Orucov bildirib ki, 2003-cü ildə ölkənin müxalifət düşərgəsi Etibar Məmmədovun namizədliyi üzərində dayanıb.


Hətta AXCP, Müsavat, ADP və AMİP liderlərinin Londonda keçirilən zirvə toplantısında müxalifətin vahid namizədi kimi Etibar Məmmədovun irəli sürülməsi barədə ilkin razılığa gəlindiyini deyib və sonradan bu razılaşmaya Moskvada mühacirətdə olan sabiq prezident Ayaz Mütəllibov da qoşuldu.


AMİP rəsmisinin bu açıqlamasına ADP sədri Sərdar Cəlaloğlu münasibət bildirib.


Demokrat.az xəbər verir ki, "Yeni Müsavat”a açıqlamasında Sərdar Cəlaloğlu deyib ki, 2003-cü ildə ADP-nin baş katibi idi və prezident seçkiləri ilə bağlı müxalifətdaxilində gedən proseslər barədə hadisələrin iştirakçısı olaraq tam məlumatlı olub.


Bildirib ki, Etibar Məmmədovun vahid namizəd olması barədə razılıq əldə olunduğu barədə deyilənlər həqiqəti əks etdirmir. Çünki belə bir razılıq olmayıb:


"ADP 2003-cü ildə Etibar Məmmədovun vahid namizəd olması məsələsinə dəstək verməyib. Sadəcə olaraq seçkidən öncə Londonda 4 partiya lideri arasında məlum görüş olmuşdu. Həmin görüşdə liderlər razılaşmışdılar ki, seçki kampaniyasının gedişatında kimin xalq arasında reytinqinin çox olduğu, kimin seçki mitinqlərinə çox sayda insan qatıldığı müşahidə edilərsə həmin namizədin ətrafında hamı birləşsin və sonda vahid namizəd olaraq onu müdafiə etsin. Seçki kampaniyasının bir müddəti arxada qaldıqdan sonra Əli Kərimli məni dəvət etdi və dedi ki, İsa Qəmbərin mitinqləri onun Etibar Məmmədovdan açıq-aşkar üstünlüyə, daha çox xalq dəstəyinə malik olduğunu göstərir, ona görə də London razılaşmamıza görə gəlin İsa Qəmbəri vahid namizəd elan edək. Əli Kərimli bildirdi ki, bu barədə Etibar Məmmədovla da danışacaq. Mən də Rəsul Quliyevlə bu barədə danışdım və Rəsul Quliyev də razılaşmaya əməl edərək İsa Qəmbəri dəstəkləməyə hazır olduğunu dedi. Getdim İsa Qəmbərin yanına bütün bunlar barədə məlumat verdim.


Sonra Əli Kərimli ilə Etibar Məmmədov İsa Qəmbərlə ”Kiyev" restoranında görüşmüşdülər. Orada İsa Qəmbəri aldatmışdılar ki, guya Rəsul Quliyev heç bir böyük vəzifə istəmədiyini deyib.


Həmçinin orada İsa bəyə onun namizədliyini Prezident Şurası yaradılacağı, Etibar Məmmədovun həmin Şuraya sədr təyin edilməsi, Əli Kərimlinin baş nazir olması şərtləri ilə dəstəkləməyə hazır olduqlarını demişdilər. Əgər Etibar Məmmədovun müxalifətin vahid namizədi olması barədə razılıq var idisə onlar niyə gedib İsa Qəmbərlə belə bir danışıq aparmışdılar?


Etibar Məmmədovun vahid namizədliyi məsələsi qətiyyən olmayıb. Bu məsələ o zaman heç bizim ağlımıza belə gəlmirdi. Sadəcə olaraq bizim partiyada Qurban Məmmədov, Aydın Quliyev və digər bir-iki nəfər Etibar Məmmədovun namizədliyinin müdafiə edirdilər. Əvvəllər Rəsul Quliyevdə də Etibar Məmmədovu müdafiə eləmək meyli hiss edilirdi. Lakin mən qətiyyən bu mövqenin əleyhinə idim. Seçkiyə az qalmış gecə saat üçdə Rəsul Quliyevlə İsa Qəmbər arasında İsa Qəmbərin dəstəklənməsi barədə protokol imzaladıq. London razılaşmasının şərtlərini əsas tutaraq Rəsul Quliyev bu protokolu imzalamışdı. Protokolda İsa Qəmbərin prezident seçiləcəyi halda Rəsul Quliyevin baş nazir olacağı da əksini tapmışdı".


S.Cəlaloğlu onu da xatırlatdı ki, Əli Kərimlinin sonradan Etibar Məmmədovu dəstəkləməsi vəzifə bölgüsündən narazı qalması ilə bağlı olub:


"Mənim bir səhvim oldu. Əli Kərimliyə dedim ki, Etibar Məmmədov Milli Məclisin sədri olacaq, sən də olacaqsan Konstitusiya Məhkəməsinin sədri. Əli Kərimli bu təklifin əslində İsa Qəmbərin mövqeyi olduğunu bildiyindən bunu real təklif kimi qəbul edərək narazı qalıb. Əli Kərimli Etibar Məmmədovun baş nazir, özünün isə Milli Məclisin sədri olmasını istəyirdi. İsa Qəmbəri də buna görə dəstəkləmək istəyində idi. Rəsul Quliyevin baş nazir olacağı məsələsinin ortaya çıxmasından sonra Əli Kərimli Etibar Məmmədovu dəstəklədi.


Beləliklə, müxalifətin bütün qüvvələrinin vahid namizədlə seçki qutusuna getməsi planı pozuldu. Bu iki şəxsin mövqeyi hakimiyyət dəyişikliyinə imkan verməyən məsələlərdən biri oldu. Əli Kərimlinin Etibar Məmmədovu dəstəkləməsi Etibar Məmmədovun müxalifətin vahid namizədi olması demək deyildi”.

Tarix:14-09-2019, 14:16 Baxış Sayı:32 Kateqoriya:gundem
SON XƏBƏRLƏR
Hafiz Hacıyevə ağır itki üz verib
Sabahın hava proqnozu açıqlanıb
İlham Əliyev Hacıbala Abutalıbovu vəzifədən azad edilməsi ilə bağlı verdiyi ərizəsi ilə əlaqədar qəbul edib
Əli Həsənov vəzifəsindən azad edildi
Dogruxeber.az daha bir qeyri-adi hadisəylə rastlaşdı! - Foto
Sürücülərlə bağlı yeni QƏRAR
“Polis mitinqdə çox səbrli davranırdı” — Deputat
Sabah yağış yağacaq
Xərçənglə əlaqəli 100 illik sirr açıldı
Sarkisyanın Qarabağla bağlı razılaşdığı HƏLL PLANI AÇILDI: – “7 rayon qaytarılır, əraziyə beynəlxalq sülməramlılar gəlir…”
Şagirdlərin elektron yerdəyişməsinə yenidən start verildi
Sabahın hava proqnozu açıqlandı
Elçin Əlibəyli Əli Kərimlini tənqid etdiyinə görə döyüldüyünü açıqladı – FOTO
Gələn ilin elm və təhsil xərcləri bu qədər olacaq - RƏQƏMLƏR
Azərbaycanda yüngül narkotik vasitələrdən istifadə leqallaşdırılacaq
Azərbaycanlı iş adamı qardaşı oğluna səsləndi: "Əli, dərhal get polisə və təslim ol!" - Video
Azərbaycanda seçkilərin vaxtı açıqlandı — Dekabrın 23-də
Prezident “Dövlətqaçqınkom”un sədrini qəbul etdi
Paşinyan Təhlükəsizlik Şurasını təcili topladı
"Radikal və dağıdıcı müxalifətdən qurtuluşun zamanı yetişib" - Əli Həsənov
Şənbə günü yağış yağacaq
Əfqan Muxtarlı bu gün azadlığa çıxa bilər
Avropa çempionumuza nə olub? - Özü DANIŞDI
Keçmiş hərbçilər icazəsiz aksiyalara qarşı ÇIXDILAR
Deputatın zavodu tənəzzül yolunda – 26 faiz azalma
18 oktyabr - Azərbaycanın Dövlət Müstəqilliyi Günüdür
Tatarıstan Azərbaycanda yeni zavod açır
“Məmurlar arasında düşmənçilik o həddə çatıb ki…” — Deputatdan SƏRT AÇIQLAMA
Elina Hacıyevanın anası Prezident İlham Əliyevə müraciət etdi
Ermənilər ekoloji TERROR törətdilər: Azərbaycana axan çay rəngini dəyişdi

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla