Əlili zəlil edən məmur “işgəncəsi” - Video

Əlili zəlil edən məmur “işgəncəsi” - Video





Yaradan yaratdıqlarını bilərəkdən bir qüsurla yaratdı ki, hər kəsin bir əskik qalan yanı olsun. Verdiyi natamamlıq kiminin fiziki görünüşündə, kiminin mənəviyyatında, kimininsə əxlaqında təzahür etdi. Fiziki qüsuru olan insanlar cəmiyyətdə gözlə görünən qədər seçildikləri üçün onları fiziki qüsurlu şəxslər adlandırıb, çox zaman cəmiyyətdən kənar saxladılar. Hətta gözlərinin içərisinə baxa-baxa qəddarlıqla, utanmadan yararsız biri olduğunu üzünə vurdular. Amma onların məhdud fiziki və maddi imkanları ilə nələrə qadir olduqlarını görmək istəmədilər. Bəs mənəviyyatdan bu qədər zəlil, əlil olanlar kimlərdir?

"DogruXeber.az” İnformasiya Agentliyinin redaksiyasına müraciət edən vətəndaş Binnətov Şamil Camal oğlu anadangəlmə əlildir. Dövlət tərəfindən ömürlük II qrup əlillik statusu daşıyır. Buna baxmayaraq uzun illər Bakı şəhərində yerləşən orta məktəblərdə alman dili müəllimi olaraq fəaliyyət göstərib. Şamil müəllim həyatının 72 "qışını” geridə qoyub. Həyat onun üzünə bahar rüzgarlarını çox xəsisliklə əsdirib. Birinci həyat yoldaşı ilə dörd övladları dünyaya gəlib. 1996-cı ildə həyat yoldaşının faciəli şəkildə qətli ilə ailə və dörd azyaşlı uşağın səfil həyatları başlayıb. Əl ağacları ilə gəzən ata övladlarının zəruri məişət ehtiyaclarını ödəyə bilmədiyi üçün ikinci dəfə ailə həyatı qurur. İkinci nigahdan dünyaya gələn övladlarla birlikdə ailənin sayı on bir nəfərə çatır. Lakin belə bir söz var ki, "dərd gələndə xalvarla gələr”. Ailənin sayının çoxalması ilə yanaşı ailədə əlillərin sayı da çoxalmağa başlayır. Evdə dörd əlil insanın olması ailənin sosial durumunu acınacaqlı hala salır. Ailə düşdüyü vəziyyətdən az da olsa xilas olmaq üçün müxtəlif qapılar çalır. Lakin çaldığı qapıların arxasında oturan məmurlar iş otaqlarının havasını kasıb, əlil vətəndaşların nəfəsi ilə "çirkləndirməkdən” ehtiyat etdikləri üçün qapılarını üzünə bərk-bərk bağlayırlar.

Şamil müəllim Sabunçu rayonunda yaşayır. Neçə-neçə kitabların müəllifi və yazıçılar birliyinin üzvüdür. Eləcə də Yeni Azərbaycan Partiyasının ilkin üzvlərindəndir. Şamil müəllim həyatının qırx ilini bu millətin övladlarına elm öyrətməyə həsr edib. Bəs bu gün səlahiyyət sahibləri əlil müəllim, yazıçı Şamil müəllim üçün nə edib?

Sabunçu rayonunda yaşayan şikayətçimizə "Sabunçu rayon İcra Hakimiyyətinə müraciət etdiniz mi?” deyə sual verdik. Müəllim sanki dərsini bilməyən şagirdi kimi başını aşağı salıb, "onun o qədər ciddi işləri var ki, narahat etməkdən çəkinirəm”. Düzünü söyləyim ki, onun haqqı olanı bu qədər utancaqlıqla istəməsi məmurların yerinə bizi utandırdı.

2012-ci ilin aprel ayından Sabunçu rayonuna İcra Başçısı təyin olunan Adil Vəliyev yeddi ildə bir dəfə olsun maraqlanmayıb ki, rəhbəri olduğu rayonda belə ağır sosial durum içərisində yaşayan ailə vardır. On bir nəfərlik ailə dörd əlil üzvü ilə otuz kv/m-lik mənzilə sığınıb. Hətta əminik ki, bu ailənin varlığından belə bixəbərdir. Yəni dəyərli zamanını "dəyərsiz” əlil insanların probleminə sərf etmək yerinə, oğlunun şakəri olduğu bahalı avtomobil kolleksiyalarına sərf etməyi daha "faydalı” hesab edir. Əks təqdirdə bu ailənin ən azından bayram günlərində belə qapısını döyən bir məmur olardı.

Düşünürsünüz ki, Adil Vəliyev bu ailəni unutdusa da, yəqin ki, Azərbaycan Respublikası Əmək və Əhalinin Sosial Müdafiəsi nazirliyi dörd əlili olan ailəni diqqətdə saxlayar. Burada da yanılırsınız. Vəziyyətlərinin dözülməzliyi ilə bağlı nazirliyə müraciət edən ailə, Sahil Babayevdən və ya komandasından "Sizlər ümumi əlilsiniz. Biz sizlərə kömək edə bilmərik” deyə başdan ediliblər. Əlbəttə, bu bizləri əsla təəccübləndirmir. Çünki, nazirliyin əlil vətəndaşların problemlərindən "çox-çox vacib işləri var”. Məsələn: Güzəştli vətəndaşlara dövlət tərəfindən verilən pulsuz mənzillərin pulla satılması kimi "əhəmiyyətli” işlər. (bu başqa bir mövzudur)

Məqaləmizin əvvəlində qeyd etdik ki, Şamil Binnətov YAP-nın fəallarından olub. On bir nəfər ailə üzvləri ilə birgə yaşadığı Sabunçu rayonundan namizədliyini irəli sürən YAP-nın nümayəndəsi Fazil Qəzənfərlinin deputatlığına səs veriblər. Döydüyü qapılardan ümidsiz qayıdan Şamil müəllim son ümidlə problemlərini, dərdlərini götürüb Fazil Qəzənfərliyə üz tutur. Fazil Qəzənfərliyə də digər deputat həmkarları kimi seçicilərinin səsləri lazımdır. Onların problemləri yox. Əli hər yerdən üzülən Şamil müəllim nəhayət mətbuatın qapılarında çarə arayaraq "DogruXeber.az”-la səsini aidiyyatı qurumlara çatdırmağa çalışdı. Həyatının ahıl çağında əlil təqaüdçü müəllimin, yazıçının halını anlamaq heç də çətin deyil. Bunun üçün sadəcə mənəviyyatdan əlil olmamaq kifayət edər. Çox təəssüflər olsun ki,bu gün ölkə başçısının güvənib, etimad göstərdiyi bəzi məmurlar vəzifə kürsüsünün havasını alar-almaz mənəvi əlillərə çevrilirlər ki, onlarınsa əlacı tapılmayıb.



"DogruXeber.az”

Tarix:28-10-2019, 16:28 Baxış Sayı:212 Kateqoriya:gundem / sosial / hadise / maraqli / ustxeber
SON XƏBƏRLƏR
Sumqayıt səmasında uçan helikopterlərdən sakinlər üçün dəvətnamə atılıb
Sarkisyan aprel döyüşləri ilə bağlı ifadə verəcək
Avropaya "siyasi mühacir" kimi "sığınıb" Azərbaycanda "demokratiya" davası döyənlər sadəcə ucuz alverçilərdir - Azər Həsrət
Psixoloqların da diaqnostik qiymətləndirilməsi keçiriləcək - Təhsil Nazirliyi
"Türkiye" qəzetində Mehriban Əliyeva haqqında məqalə dərc olunub - FOTO
Məhkəmə Ağstafada keçmiş polis yoldaşını öldürən rəislə bağlı qərar verdi
İcazəsiz aksiyada inzibati həbs olunan daha 3 nəfər azadlığa buraxıldı
Azərbaycan Prezidenti: Naxçıvan ordusu ən müasir silahlarla təchiz edilib, texnikanın alınması təşkil olunub və bu proses davam etdirilir
Cəlil Məmmədquluzadənin ev muzeyi yenidən açıldı - Foto
Ermənilər ruslara qarşı nümayişə çıxdılar
Baş nazir əhalinin sağlamlığı ilə bağlı qurumlara tapşırıq verdi
Azərbaycanlı jurnalistlər bu gün İrəvana gedir?
“288” saylı tam orta məktəbdə keçirilən uğurlu tədbir-Foto
Deputat yol polisinin “plyonka” qərarını dəstəklədi
Gələn aydan dəmir yolunda biletləri onlayn geri qaytarmaq mümkün olacaq
İki azərbaycanlı alim Rusiya Elmlər Akademiyasının müxbir üzvü seçildi
Bakı-Sumqayıt yolu genişləndiriləcək? - Açıqlama
Almaniya “Mühacir alveri” qurbanlarının işinə yenidən baxa bilər
Bakıda azyaşlı qıza təcavüz edən şəxsin məhkəməsi başladı
Milli Onkologiya Mərkəzinin direktor müavini: "Azərbaycanda xərçəngdən ölənlərin sayı artıb"
Leyla Məmmədovadan fermerlərə MÜRACİƏT: “Onlara inanmayın”
"Bəzi rayonlarda açıq meşə sahələri uzunmüddətli icarəyə verilib"
Serbiya Prezidenti xəstəxanaya yerləşdirildi
Bazar günü hava dumanlı olacaq
Bu şəxslərə pul ödəniləcək - Baş Nazirdən növbəti QƏRAR
Yeni icra başçısı birinci müavinini vəzifəsindən azad etdi
Elçin Əlibəyli televiziya ilə vidalaşdı
DYP: Jalüz və plyonka istifadə edilməsinə görə sürücülər cərimələnmir
Vilayət Eyvazovdan yeni - TƏYİNAT
Daha bir aparıcı ATV-dən ayırıldı

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla