"Kontakt Home" şefinin deputatlıq arzusu - İTTİHAM

"Kontakt Home" şefinin deputatlıq arzusu - İTTİHAM




Fevralın 9-da Milli Məclisə keçiriləcək seçkilər namizədlərin çoxluğu və rəngarəngliyi ilə diqqət çəkir. Orta məktəb müəllimindən tutmuş, heç bir yerdə işləməyənə, fermerdən tutmuş iş adamına qədər müxtəlif peşədən və təbəqədən olan insanlar seçilmək hüququndan istifadə edir. Bu, Azərbaycanın demokratikləşməsi yolunda mühüm addımdır və dövlətin seçmək və seçilmək hüququnu müdafiə etməsi təqdirəlayiqdir. Hərçənd, namizədlər arasında elə şəxslər var ki, onların ümumiyyətlə seçki prosesinə qoşulması yenilənən Azərbaycanın imicini ictimai rəydə zədələyir.

Belə namizədlərdən biri də Elnur Allahverdiyevdir. Bu şəxsin namizədliyini irəli sürməsi qızğın və maraqlı seçki prosesinə xələl gətirən məqamlardandır. Onun namizədliyinin hakim Yeni Azərbaycan Partiyası tərəfindən irəli sürülməsi isə cəmiyyətin haqlı nifrətinə səbəb olur və təbii olaraq, "Ümumilli lider Heydər Əliyevin yaratdığı, Prezident İlham Əliyevin lideri olduğu, nəinki Azərbaycanın, ümumilikdə regionun ən böyük və güclü partiyası ictimai rəydə "sələmçi” ləqəbi ilə tanınan Elnur Allahverdiyev kimilərəmi qalıb” sualını yaradır.

Əldə etdiyimiz məlumata görə, E.Allahverdiyevin atası, Dövlət Poliqrafiya və Kitab Ticarəti İşləri Komitəsinin sədri müavin, daha sonra sədri, "Bərpaçı” mərkəzinin rəisi, mədəniyyət nazirinin müavini, Respublika Xalq Nəzarət Komitəsi sədrinin birinci müavini, Azərbaycan Respublikası Prezidenti yanında Ali Nəzarət İnspeksiyasının sədri kimi vəzifələrdən işləmiş Marat Allahverdiyev vaxtilə ulu öndər Heydər Əliyevin əleyhinə çıxıb, haqqında kəskin ifadələr işlədib. Belə bir şəxsin oğlunun ulu öndərin qurduğu partiyanın namizədlər siyahısında olması olduqca acınacaqlıdır.

Hazırda deputatlığa namizədlərin təbliğat-təşviqat kampaniyası davam edir. YAP-ın 17 saylı Yasamal üçüncü seçki dairəsindən deputatlığa namizəd olaraq irəli sürdüyü Elnur Allahverdiyev seçicilərlə görüşlər keçirir. Və bu adam, sələmçilik edən, vətəndaşların cibinə girən, insanların ləyaqətini alçaldan, sözün gerçək mənasında "faciə istehsalçısı” olan bu adam seçicilərinə "haqdan ədalətdən, yaxşı gələcəkdən” dəm vurur, onlara kömək edəcəyinin sözünü verir. Onun bütün vədlərinin yalan olduğunu və yalnız seçki müddətinə hesablandığını, seçkilər bitəndən sonra heç bir vətəndaşın nəinki qapısını döyməyəcəyi, öz qapılarını da vətəndaşların üzünə bağlayacağı dəqiqdir.

E.Allahverdiyevin vətəndaşların başına açdığı oyunlarla bağlı mətbuatda yayılan faktlar hər şeyin belə olacağını asanlıqla deməyə əsas verir.

Əziz oxucu, E.Allahverdiyevin jurnalist həmkarlarımızdan birinin başına açdığı oyundən bəhs edək, sizlər də nəticəni özünüz çıxarın.

Həmkarlarımızdan biri "Kontakt Home” mağazalar şəbəkəsinin 3-cü mikraryon dairəsində yerləşən mağazasından kreditlə mobil telefon alıb. Cəmi bir gün sonra xarab olan telefonu qaytarmaq istəyəndə mağaza imtina edib. Halbuki, mövcud qanunvericilik istehlakçının bütün məhsulların 14 gün ərzində geri qaytarılmasını tələb edir. Həmkarımız mövcud qanunvericiliyi göstərib, özünün jurnalist olduğunu deyib, lazımi yerlərə şikayət edəcəyini bildirib, aldığı cavabsa belə olub:

– Nə qanun, kimdir qanunu sayan, get kimə deyirsən denən, arxamızda Elnur Allahverdiyev dayanıb, heç kim heç nə edə bilməz.

Həmkarımız deyir ki, məsələ təkcə qanunsuzluq etmələri yox, həm də kobudluq etmələri və heç kimi saymamalarıdır.

Elnur Allahverdiyevin rəhbərlik etdiyi "Kontakt Home” həmkarımıza həm işləməyən telefon satıb, həm də 415 manat ziyan vurub. İndi həmkarımız soruşur: Elnur Allahverdiyev bu ölkədə qanunlardan üstündürmü?!

Jurnalist həmkarımız E.Allahverdiyevin "böyük biznesi”nin qurbanlarından yalnız biridir. Mətbuatda yayılan informasiyalar qurbanların sayının yüzlərlə, minlərlə olduğunu təsdiqləyir.

E.Allahverdiyevin əsas gəlir yeri sələmçilikdir. Belə ki, "Kontakt Home” bank, yaxux kredit təşkilatı olmadığı halda məhsullarını kreditlə satır. Məhsullarının böyük qismi də ya yararsız olur, ya da "Çin malı” dediyimiz keyfiyyətsiz mallardır, lakin hər məhsulun üstünə 40 faizdən çox pul qoyulur. Alıcıların sözlərinə görə, "Kontakt Home”də məhsulu satarkən, olduqca nəzakətli davranırlar, lakin ödənişlərə gələndə şirkət əsl üzünü göstərir. Alıcıların ən çox üzləşdiyi problemlərdən biri də bu mağazaya olan borclarının bitməməsidir. Belə ki, şirkət məhsulun qiymətini istədiyi formada hesablayır və kredit ödənişi başa çatanda əlavə ödəniş də tələb edirlər. İmtina etdikdə isə məhkəmə, yaxud fiziki təqiblə hədələyirlər. Bununla yanaşı, bank, yaxud kredit şirkəti olmadığı halda kredit verən "Kontakt Home” minlərlə manat vergini ödəməkdən də yayınır.
"Kontakt Home" şefinin deputatlıq arzusu - İTTİHAM
"Kontakt Home”nin fırıldaqları haqda faktları sadalamaqla bitmir. Misal üçün, müştərilərdən biri deyir ki, telefonu alanan iki ay sonra servisə gətirmək məcburiyyətində olub. 14 günə düzələcəyinə söz versələr də, iki aydan çox çəkib.

"LG Q6” markalı telefonu 800 manata kreditə götürmüşdüm. Artıq telefona yox, verdiyim 800 manata yanıram. Telefon servisdə olduğu halda mən aylıq krediti ödəyirdim. İki aydan çox servisdə qaldı”, – vətəndaş danışır.

Şikayətçilər eyni zamanda, "Kontakt Home” kredit şərtlərini asan edərək müştəriləri aldatdığını qeyd edirlər. Onların dediyinə görə, bunun əvəzinə məhsullar digər mağazalarla müqayisədə həddən artıq baha qiymətə insanlara satılır. Şirkətin saytında paltaryuyan "Gorenje W7523A/S”in qiyməti 703.2 AZN göstərilib. Reklamda 12 ay faizsiz yazılıb. Kredit şərtlərində paltaryuyan maşının ödənişi 12 ay boyunca 74 manatdan təklif olunur. Bunu hesabladıqda isə 12 ay boyunca ödənilən cəmi məbləğ 888 manat olur ki, bu da öz qiymətindən 185 AZN (26.3%) çoxdur. Şirkət faizsiz verdiyi kreditdən 200 manata qədər əlavə pul qazanır.

Göründüyü kimi, Elnur Allahverdiyevin "Kontakt Home” şirkəti vətəndaşlara əsl müsibət yaşadır. İnsanları aldadan, onların cibinə girən, min cür fırıldaqla məşğul olan Allahverdiyev indi deputat olmaq istəyir ki, yumşaq kresloda oturub zülmə daha rahat davam etsin?! Belə bir adamı kim müdafiə edir, yaxud Prezident İlham Əliyevin Azərbaycanın güclənməsi, vətəndaşların rifahının yüksəlməsinə hesablanmış köklü islahatlarının "kölgəsində” gizləməyinə, xal qazanmağına kim dəstək verir?! O şübhəsizdir ki, E.Allahverdiyevin nəinki deputat seçilməsi, ümumilikdə namizədliyini verməsi belə qanunverici orqanın ictimai rəydəki legitimliyini indidən zəiflədir.

Vahid Məmmədov

Mənbə: https://telegra.ph/V%C9%99t%C9%99nda%C5%9Flara-m%C9%99n%C9%99vi-terror-ya%C5%9Fadan-namiz%C9%99d-01-20 (https://www.aztoday.az/news/64439.html)

//Aztoday.az

Tarix:21-01-2020, 17:13 Baxış Sayı:67 Kateqoriya:gundem
SON XƏBƏRLƏR
Azərbaycanda bu kənddə təhlükəli xəstəlik yayıldı
İnsan sümüklərindən hörülmüş divar aşkarlandı
"AQROLİZİNQ" ASC-in şöbə müdir Rövşən Əsgərovun küllü miqdarda rüşvət aldığı iddia olunur: Məhbusdan məktub
Vəliəhdin istədiyi olmasa neft 40 dollara düşə bilər
Erməni KİV-i Kasprşikin Dağlıq Qarabağda keçirdiyi görüşlərlə bağlı izahat istədi
ABŞ-dan Çinə növbəti qadağa
Xəstəxanalarda ödənişlər kart vasitəsilə aparılacaq
MSK ötür-ötürlə vaxt uzadır - Seçki şikayətlərinin çoxu yenidən DSK-lara niyə göndərilir?
Məzahir Pənahov namizədi zaldan qovdu - MSK-da insident
ATƏT Kasprşiklə bağlı ermənilərə cavab verdi
Azərbaycanda yüzlərlə vəzifəli şəxsə töhmət verilib - RƏSMİ
Cibimizə girən lombardlar — Fəaliyyətləri nəzarətə götürüləcək – VİDEO
Fevralın 19-da xarici valyutaların manata qarşı məzənnələri
Prezident Administrasiyasına ən çox hansı məhkəmələrlə bağlı müraciətlər daxil olur? - SİYAHI
Bəzi məcburi köçkün qadınlara verilən "çörəkpulu" niyə kəsilib? - RƏSMİ AÇIQLAMA
«Banklardakı «qara siyahı»lar - BİZNESƏ MANE OLUR» – İŞ ADAMI
Türkiyə - Azərbaycan oyununun vaxtı bəlli oldu
Bu dairənin namizədləri narazılıq edir - MSK-nın qarşısında (FOTO)
Hər 3 gündə 1 ölü - Erməni ordusundan etiraf
Hökumətdən varlılara ŞOK xəbərdarlıq: Bahalı villalar kütləvi satışa çıxarılır
İlham Əliyev: “Kifayət qədər parkinq yerləri olmalıdır”
Bəşər Əsəd: `İdlib və Hələbdəki əməliyyatlar düşməni sarsıtdı`
Zakir Fərəcov məhkəməyə verildi - Milyonluq borc qalmaqalı
“Mənəm-mənəm deyən modellərdən daha üstün olduğumu sübut ədəcəm!” – kids model Sirac Quluzadə
Ermənilər 13 itki verdi, Qarabağın “müdafiə naziri” istefaya getdi
MSK-nın iclası başladı: İlk qərar verildi - Təcili
Boris Consondan çılğın layihə: İki ölkəni 20 milyardlıq körpü ilə birləşdirəcək
Bu məhsulun qiyməti qalxdı – Satıcılar vəziyyətin daha da pisləşəcəyini deyir
ASTARA TƏHSİL İDARƏSİNİN “BAŞ MƏSLƏHƏTÇİ”SİNİN ÖZBAŞINALIĞI DAVAM EDİR!
Bank rəhbərinin 17 yaşlı oğlunun ölüm SƏBƏBİ BİLİNDİ — FOTO / YENİLƏNİB

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla