Daha bir icra başçısının topdağıtmaz sərvəti — SİYAHI

Daha bir icra başçısının topdağıtmaz sərvəti — SİYAHI




Araşdırmaçı jurnalist Cavanşir Həsənli sosial şəbəkə hesabında Qaradağ rayon icra başçısının əmlakı haqda məqalə yayımlayıb.

Dogruxeber.az sözügedən məqaləni təqdim edir:
"Qaradağ rayonu İcra Hakimiyyətinin başçısı Süleyman Mikayılovun rayon ərazisindəki çınqıl karxanası ilə bağlı yazmışdım. O karxana ki, "Qaradağ Çınqıl” MMC adı ilə 2016-cı ilin oktyabrında dövlətdən ünvanlı sosial yardım alan Sahil qəsəbə sakini Pərvin Məhyətdin Ağasoltan oğlunun adına rəsmiləşdirilib.

Amma ictimaiyyətdə "Çakır” ləqəbilə məşhurlaşmış Süleyman Mikayılov heç də çörəyi təkcə "daşdan çıxan” biri deyil.

Süleyman Mikayılovun rəsmi tədbirlərdə Qaradağ rayonunun sosial-iqtisadi inkişafı ilə bağlı tez-tez özünün "uğurlu fəaliyyətin nəticəsi” kimi haqqında danışdığı şirkətlər, müəssisələr diqqəti çəkir. Cənab Mikayılov hesabat xarakterli çıxışlarında xüsusilə "ASKORP” MMC tərəfindən yaradılan Qızıldaş qəsəbəsində müxtəlif üzlük daşlar və kərpic məmulatları, eləcə də rayonun Lökbatan qəsəbəsində müasir idman malları istehsalı müəssisələrinin adlarını çəkir. Özünün dediyinə görə, hər iki müəssisə üzrə 4 milyon manatdan çox investiya qoyulub. Müəssisələr Azərbaycan Respublikasının regionlarının 2014-2018-ci illərdə sosial-iqtisadi inkişafı Dövlət Proqramı” çərçivəsində yaradılıb, Sahibkarlığa Kömək Milli Fondundan "ASKORP” MMC-yə külli-miqdarda güzəştli kreditlər yönəldilib.

İlk baxışdan təqdirəlayiq işlərdir. Amma…

Əmması bu ki, icra başçısının dövlət vəsaitlərini yönəltdiyi şirkət və sözügedən müəssisələr Süleyman Mikayılovun 1994-cü il təvəllüdlü oğlu Elvin Mikayilova məxsusdur. "ASKORP” MMC 2016-cı ilin yanvarında 20 manat nizamnamə kapitalı ilə Yasamal rayonu HÜSEYN CAVİD PR., ev A, m. 6, 8, 9, MƏH. 556/57 ünvanında Elvin Süleyman oğlu Mikayılovun təsisçiliyi ilə qeydiyyatdan keçib. O zaman Elvin Mikayilovun 22 yaşı olub İngiltərənin COVENTRY universitetini yenicə başa vurmuşdu. Məlumat üçün qeyd edim ki bu universitetdə illik təhsil 16,8 min funt sterlinq təşkil edir və "Çakır” oğlunun 4 illik təhsil haqqı olaraq 70 min funt sterlinq ödəniş edib.

"ASKORP” MMC-nin idman malları istehsalı müəssisəsi yaradılarkən Qaradağ rayon rəhbərliyi məhsulların dünya bazarına çıxarılacağı barədə ölkə rəhbərliyinə boğazdanyuxarı vədlər verib. Müəssisədə indiyədək istehsalı məlum olan cəmi bir adda məhsul var – "Aloff” futbol topu. İcra başçısının oğlu dövlət vəsaitləri hesabına açdığı müəssisənin məhsulunu "dünya bazarına çıxmaq üçün” Sədərəkdə” dükan da açdı. Amma məlum olanı "Aloff” heç yerli futbol klublarının da brendi ola bilmədi.

Bu azmış kimi icra başçısı öz əlaqələrindən istifadə edərək bir müddət əvvəl "Askorp” MMC üçün "AFB Bank” ASC-dən külli-miqdarda kredit götürüb. Kreditin qaytarılması problemə çevrilib və ötən ildən bəri "Çakır”ın oğluna məxsus şirkət bankla məhkəmə çəkişmələrinə cəlb olunub. Sonuncu proses ötən ilin dekabrında Bakı Appelyasiya Məhkəməsində keçirilib (e-2-2(103)-894/2019).

"Askorp” MMC Süleyman Mikayılovun oğlunun təsis etdiyi yeganə şirkət deyil. Bundan əvvəl – 2015-ci ilin avqustun 20-də Elvin Mikayilov 20 manat nizamnamə kapitalı ilə "ASPAN” MƏHDUD MƏSULİYYƏTLİ CƏMİYYƏTİni qeydiyyatdan keçirib. Bu şirkətin də hüquqi ünvanı HÜSEYN CAVİD PR., ev A, m. 6, 8, 9, MƏH. 556/57-dir. Amma şirkətin fəaliyyəti ilə bağlı ətraflı məlumat yoxdur.

"Çakır”ın qaranlıq işləri Azərbaycanla məhdudlaşmır. İcra başçısının oğlunun biznesi Avropaya qədər uzanıb. Arasının sayəsində Sahibkarlığa Kömək Milli Fondunun güzəştli kreditləri hesabına özünə biznes quran və əlavə olaraq "AFB Bank”dan kreditlər götürüb qaytarmayan Elvin Mikayilov 2017-ci ilin dekabrın 29-da Almaniyada 25 min avro nizamnamə kapitalı ilə EFFEST GMBH-ni təsis edib və Viktor Pauls adlı şəxslə müştərək iş qurub. Şirkət Bad Oeynhausen ədliyyəsində HRB 15248 saylı lisenziya ilə ZILLESTR. 63 ünvanında qeydiyyatdan keçib.

Süleyman Surxay oğlu Mikayılov 2010-cu ildən Qaradağ rayon İcra Hakimiyyətinin başçısıdır. Bundan əvvəl o, Yardımlı (13 may 2005-ci il — 21 dekabr 2005-ci il) və Lənkəranın (21 dekabr 2005-ci il — 4 mart 2010-cu il) icra başçısı olub.

Daha əvvəllər Bakı Baş Gömrük İdarəsinin Qaçaqmalçılıq və Gömrük Qaydalarının Pozulmasına Qarşı Mübarizə şöbəsinin rəisi, idarə rəisinin birinci müavini, idarənin rəisi, Gömrük Komitəsinin İşlər İdarəsi rəisinin müavini, bir müddət Vergilər Nazirliyinin Operativ Nəzarət İdarəsinin rəisi işləyib”. (hit.az)
Daha bir icra başçısının topdağıtmaz sərvəti — SİYAHI
Daha bir icra başçısının topdağıtmaz sərvəti — SİYAHI

Tarix:12-05-2020, 12:05 Baxış Sayı:312 Kateqoriya:gundem / sosial / ustxeber
SON XƏBƏRLƏR
“Soyuducunu qoşmaq istəyəndə gördüm ki…” - Baku Electronics şirkətindən şikayət var
MM-in iclasları TV-də yayımlanacaq – Sahibə Qafarova
Nazirliyin müəllimlərlə bağlı bu tapşırığı müzakirələrə səbəb oldu
1 İyun Uşaqların Beynəlxalq Müdafiəsi günüdür!
Buraxılış imtahanlarının vaxtı açıqlandı
Azərbaycanda daha 257 nəfərdə koronavirus aşkarlandı - 3 nəfər vəfat etdi, 202 pasiyent sağaldı
Xəzər dənizində dalğanın hündürlüyü 4.5 metrə çatıb - FAKTİKİ HAVA
Turizmə göstərilən dövlət dəstəyinin məbləği açıqlandı – RƏSMİ
Bu gündən 11 nömrə də “BakuBus”a keçdi
Hərbçilər Qərbi Azərbaycan əyalətinə hücum etdi
Azərbaycan daxilində uçuşlar gələn həftədən bərpa edilə bilər
Azərbaycan bu il dezinfeksiyaedici vasitələrin idxalını 3 dəfəyə qədər artırıb
Mənzillə təmin edilən şəhid ailələri və müharibə əlillərinin sayı 7700-ə çatdı
Şəhid ailələrinə və Qarabağ müharibəsi əlillərinə 100 mənzil, 50 avtomobil təqdim edildi
Bu yerlərdə tibbi maskaların taxılması məcburidir - Qərar
Azərbaycan bu qadağanın müddəti uzadılır - Rəsmi
Lənkəran rayon İH-n əlil ailəsi ilə bağlı münasibət
Təbriz Məhərrəmoğlu “Xüsusi xidmətlərə görə” Ordeni ilə təltif edildi
Qobustan rayon Mərkəzi xəstəxanasının baş həkimindən rüşvət almanın yeni üsulu: Şok iddia-Video
Bakı sakinlərinin nəzərinə: Sabah küçəyə çıxmayın!
Mayın 31-də Azərbaycanda bu qadağa ləğv ediləcək? - AÇIQLAMA
Məkkənin ziyarətinə qoyulan məhdudiyyətlər yumşaldılır
Azərbaycan Xalq Cümhuriyyətinin 102 yaşı qeyd olunur
Daha bir marşrut xətti “BakuBus”a verildi
Millət vəkili Ramil Səfərovla bağlı məsələyə aydınlıq gətirdi
Ruhani İlham Əliyevə məktub göndərdi
Qaz sayğacları ilə bağlı əhaliyə MÜHÜM AÇIQLAMA
AzTV-də “sezon finalı”: Nə dəyişdi, nə qaldı və nə baş verir..?
Deputat yeni icra başçısı barədə: “Seymur Ağstafaya ingiliscə danışmağa göndərilməyib”
Qobu Park yaşayış massivində vergidən yayınan Apteklə "JEK"in nə əlaqəsi-VİDEO

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla