Sabunçu sakinləri üfunət içində: SOCAR-dan cavab - Video

Sabunçu sakinləri üfunət içində: SOCAR-dan cavab - Video












Sabunçu qəsəbəsi Qamboy Vəzirov küçəsi döngə 4-də yaşayan sakinlər üstü açıq kanalın antisanitariya şəraiti yaratmasından şikayət edirlər. Onlar bildirirlər ki, sözügedən kanaldan ətrafa üfunət yayılır və yağış yağarkən kanal daşır, çirkab sular küçələrə axır. Bu isə koronavirusun tüğyan etdiyi bir zamanda ərazinin virus mənbəyinə çevrilməsinə səbəb olur.

Sakinlərin sözlərinə görə, ətrafdakı evlərin kanalizasiya və tullantı suları buraya axıdılır, lakin kanal kanalizasiya üçün nəzərdə tutulmayıb. Həmçinin o da bildirilib ki, illər öncə kanalın üstü nazik betonlarla örtülüb, lakin kimlərsə betonu oğurlayıb.

Məsələ ilə bağlı Axar.az-a açıqlama verən Sabunçu Rayon İcra Hakimiyyətinin nümayəndəsi Arif Osmanov bildirib ki, sözügedən kanal SOCAR-a məxsusdur və məsələnin həlli üçün SOCAR-a müraciət edilib:

“Kanalın üstünün bağlanması üçün SOCAR-a müraciət edilib. Bununla bağlı tədbir görüləcək. Biz həmin kanalı bu yaxınlarda təmizlətdik. Üstünün bağlanmasını isə SOCAR edəcək”.

Məsələ ilə bağlı saytımıza açıqlama verən SOCAR-ın mətbuat katibi İbrahim Əhmədov isə bildirib ki, sözügedən yer Balaxanı Əməliyyat Şirkətinin fəaliyyət göstərdiyi mədən ərazisidir.

Balaxanı Əməliyyat Şirkətindən saytımıza bildirilib ki, həmin ərazidə vətəndaşların məskunlaşması qanunla qadağandır:

“Azərbaycan Respublikasının qanunvericiliyində neft mədənlərinin ərazisində əhalinin məskunlaşması qadağandır. Xüsusilə də intensiv neftçıxarma aparılan ərazilərdə radiasiya fonu, lay suları və s. kimi təzahürlər insanlar üçün ziyan olduğuna görə neft şirkətlərinin mühafizə xidmətləri bu ərazilərdə vətəndaşların qanunsuz “gecəqondu” şəklində məskunlaşmasını qarşısını almağa çalışsa da, onilliklər ərzində minlərlə insan bəzən müxtəlif dəllalların köməyi ilə, bəzən məlumatsızlıq, bəzən imkansızlıq ucbatından bu ərazilərdə məskunlaşmışlar. Balaxanı mədənində neftçıxarma prosesində neftdən ayrılan lay suları əvvəlki dövrdə bu açıq kanal vasitəsilə utilizasiya qurğusuna nəql olunurdu. Lakin sonradan həmin mədənin ərazisində qanunsuz olaraq insanlar məskunlaşdı və bunun nəticəsində bu gün onların evləri həmin kanalı əhatə edir. İnsanların burada qanunsuz məskunlaşdığına baxmayaraq, müvafiq qurumlar onları müxtəlif kommunal xidmətlərlə təchiz etdilər. Ancaq bildiyimiz qədər, həmin əraziyə kanalizasiya xətti hələ çəkilməyib. Buna görə insanlar Balaxanı Əməliyyat Şirkətinə məxsus olan bu kanaldan həm də kanalizasiya kimi istifadə etməyə başladılar. Bu hadisələrin nəticəsində kanal artıq faktiki insanların yaşadığı ərazidən keçdiyinə görə Balaxanı Əməliyyat Şirkəti bu kanal vasitəsilə lay sularını nəql etməmək qərarına gəldi və bunun üçün tam ayrı olan, yəni həyətlərin arasından keçməyən və qapalı olan bir kanal xəttini inşa etdirdi. Bununla da şirkət öz mənəvi öhdəliyini yerinə yetirməyə çalışaraq, faktiki insanların yaşadığı ərazidə lay sularının keçməsinin qarşısını aldı”.

Şirkətdən o da bildirilib ki, qəsəbə sakinlərinin istəyi ilə lay suları o kanaldan axıdılır:

“Lakin həm sakinlərin özləri, həm də icra hakimiyyəti orqanlarının bəzi əməkdaşları da şirkətə müraciət edərək, lay sularının bir hissəsinin köhnə açıq kanal vasitəsilə axıdılmasının davam etdirilməsində inad etdilər. Çünki əks halda insanların həmin kanala axıtdığı kanalizasiya suları hərəkət etmir, nəticədə qanunsuz tikilən bu qəsəbədə ifrat dərəcədə üfunət yayılır. Hazırda lay sularının əsas hissəsi ayrı xətt üzrə nəql olunsa da, kiçik bir hissəsi sırf insanların bu xahişlərinə görə qanunsuz tikililər arasından keçən kanal xətti üzərindən nəql olunmaqdadır. Şirkət hər an bütün lay sularını təhlükəsiz qapalı xəttə yönləndirməyə hazırdır, lakin sakinlər özləri buna qarşı çıxır. Bu əraziyə kanalizasiya xətti çəkilməyincə hazırkı açıq xəttin üstünün bağlanması haqqında icra hakimiyyətinin nümayəndələri ilə danışıqlar olmuşdu. Danışıqlar SOCAR-la deyil, Balaxanı Əməliyyat Şirkətinin nümayəndələri ilə aparıldı. Şirkətin sərəncamında gələcəkdə izafi qalan tikinti materialları olacağı təqdirdə sözügedən kanal xəttinin örtülməsinə istifadə olunması haqqında ilkin şifahi razılıq əldə olundu. Təbii ki, Balaxanı Əməliyyat Şirkəti neftçıxarma şirkətidir, kanalizasiya xidməti deyil və buna görə burada onun hər hansı öhdəliyindən söhbət gedə bilməz. Ancaq gələcəkdə belə bir imkan olarsa, sosial yardım məqsədi ilə şirkətdə bu məsələyə baxıla bilər. Problemin real həlli buraya normal kanalizasiya xəttinin çəkilməsidir. Problemin köklü həlli isə ümumilikdə neft mədənləri ərazilərində insanların qanunsuz məskunlaşmamasıdır. Çünki bütün kommunal xidmətlər təmin olunsa belə, mədən ərazisi istehsalat sahəsidir, burada yanğından tutmuş yüksək radiasiya fonuna qədər insan həyatı üçün müxtəlif təhlükələr mövcuddur və məhz bu səbəbdən neft şirkətlərinin mühafizə xidmətləri insanları bundan daim çəkindirməyə çalışırlar”.
(Axar.az)

Tarix:29-07-2020, 16:03 Baxış Sayı:59 Kateqoriya:gundem / sosial / hadise
SON XƏBƏRLƏR
İlham Əliyev indoneziyalı həmkarını təbrik etdi
Koronavirusdan sağalan həkim Cavid Paşayev evə buraxılıb (FOTO)
Bakıda 29 dərəcə isti olacaq
Xırdalanda koronavirus pandemiyası ilə əlaqədar reyd keçirildi
"HARDTalk" verlişi Paşinyanın zəifləyən reytinqini daha da aşağı saldı" ÖZƏL-MÖVQE
TƏBİB-dən ölkəyə koronavirus peyvəndlərinin gətirilməsi ilə bağlı RƏSMİ AÇIQLAMA
Azərbaycanda açıq havada fəaliyyət göstərən kafe və restoranların açılmasına icazə verildi - RƏSMİ
Deputat: “Ermənilərin bütün bu separatçı, işğalçı hərəkətlərinin qarşısını almağın bircə yolu var – Azərbaycan işğal altında olan torpaqlarını azad etməlidir”
"Rusiyanın qeyri-adekvat münasibəti münaqişənin həllində maraqlı olmadığını göstərmiş oldu” ÖZƏL-MÜNASİBƏT
Ceyhun Məmmədov:Azərbaycanın xarici siyasət xəttində artıq yeni dönəm başlayıb
Azərbaycanda yüksək vəzifəyə TƏYİNAT
Sabahdan Bakıda daha bir qadağa qüvvəyə minir - RƏSMİ
Müdafiə Nazirliyindən cəbhədəki son vəziyyətlə bağlı AÇIQLAMA
Abşeronda COVİD-19 əleyhinə aparılan təbliğat işləri bu gün də davam etdirilib
Metropoliten işçi qəbulu elan edib
Sabah bəzi rayonlarda yağış yağacaq, dolu düşəcək
Məmur övladının avtomobil kolleksiyası/Foto
Korona xəstəsi Bakıdan qaçmaq istədi, tutuldu
Abşeronda təbliğat işləri gündəlik həyata keçirilir
Çarəsiz durumda olan vətəndaşın dərdinə məlhəm olmayan İcra başçısı-Video
190 manat almaq üçün 278 min şəxsin siyahısı aidiyyəti banklara göndərilib - Nazirlik
KİV: Yeni dərs ili ilə bağlı təlimatlar verilib
Millət vəkili Dubayda iki oğlunun təhsil alması üçün 300 min dollar xərcləyib
Mobil qruplar Abşeronda təbliğat aparır
Sabahın havası açıqlandı
"Azərsu" ASC-nin sədrinə məxsus dəb-dəbəli villası-Foto
Düşmən atəşkəs rejimini pozdu
İradə Gülməmmədova Xırdalanda təbliğat işləri apardı
Ucar rayon İcra hakimiyyətində korrupsiya halları baş verir?-bir qrup şəxslər tərəfindən ağır ittiham/Video-Foto
Daha bir iri məmur övladının xaricdə olan biznesi-Foto

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla