Şirkət rəhbəri prezidentə müraciət etdi

Şirkət rəhbəri prezidentə müraciət etdi










“Azər-Rabitə” MMC-nin direktoru Fikrət Fərzəliyev Prezident İlham Əliyevə və Birinci vitse-prezident Mehriban Əliyevaya müraciət edib.

Dogruxeber.az “Yeni Sabah”a istinadən xəbər verir ki, şirkət rəhbəri öz müraciətində illərdir Nəqliyyat, Rabitə və Yüksək Texnologiyalar Nazirliyi və “Aztelekom” İB-də qarşılaşdığı problemin həllini xahiş edib. Onun müraciətini təqdim edirik:

Sizin rəhbərliyinizlə ölkəmizdə aparılan islahatlar hamı kimi mənidə sevindirir. Dövlətin siyasi nüfuzuna kölgə salan korrupsiyaya və eyş-işarətə qurşanmış məmurları vəzifədən kənarlaşdırılması və barələrində cinayət işlərinin açılması və məsuliyyətə cəlb olunmaları məndə həm də bütün xalqımızda ədalətli gələcəyə ümid hisləri yaratmışdır.

Televiziya vasitəsi ilə xalqa müraciətinizdən sonra mən bir daha Sizə müraciət etmək qərarına gəldim.

2013-cü ildə Azərbaycanda keçrilən Prezident seçkiləri öncəsi mən bir rabitə mütəxəssisi və sahibkar olaraq “Aztelekom” İB-yə dəvət olundum. Birliyin rəhbəri məndən xahiş etdi ki yerlərdə əhalinin sosial problemlərinin həlli ilə əlaqədar bəzi şəhər və raonlarda yeni telefon şəbəkələr tikilməlidir.

Lakin bildirdilər ki, bu işlər üçün hələ vəsait ayrılmadığından icra olunacaq tikinti-quraşdırma işlərinin dəyəri işlər başa çatdıqdan sonra ödəniləcəkdir.

Mən verilən vədlərə inanaraq həvəslə işə başladım. Bu işlərin icrası üçün öz daxili imkanlarımdan, tanışlardan və borc hesabına olmaqla vəsait xərcləyərək investisiya proqramında təsdiqlənmiş layihələrin tikintisinə başladım.

İşləri qısa müddətdə və keyfiyyətlə başa çatdıraraq sifaruişçi təşkilatlara “Aztelekom” İB-nin tabeliyində olan Abşeron, Göygöl, Füzuli, və Siyəzən TKQ-lərə uyğun sənədləşmələr aparmaqla təhvil verdim.

Təhvil verdiyim həmin obyektlər artıq beş ildən artıqdır ki, Rabitə Nazirliyinə və “Aztelekom” İB-yə küllü miqdarda gəlir verməkdədir.

Rabitə Nazirliyi sistemində baş vermiş məlum hadisələrdən sonra “Aztelekom” İB-nin rəhbərliyi dəyişdirildi.

Mən də digər rabitə işçiləri kimi ümüd etdik ki, yeni rəhbərlik dagha ədalətli, daha peşəkar idarəetmə tətbiq edəcək.

Lakin çox təəsüfki biz hamımız yanıldıq.

Nazirliyin və “Aztelekom” İB-nin rəhbərliyi dəfələrlə etdiyim müraciətlərə baxmayaq mövcud qanunlara əsaslanmayan arqumentsiz dəlillər gətirməklə devitor borcunu ödəməkdən yayındılar.

Onu da bildirirəm ki, bu illər ərzindəmənə qarşı aparılan bu ədalətsizliyə qanunsuzluğa görə Azərbaycan Respublikasının Prezidentinə,vitse Prezidentə, Parlamentə, Sahibkarların hüququnu qorumalı olan İqtisadi İnkişaf Nazirliyinə, Rabitə nazirliyinə, “Aztelekom” İB-yə və ya digər təşkilatlara müraciətlər etmişəm.

2015-ci ildə Baş Prokurora etdiyim müraciətdən sonra işlərin yerində bir daha araşdırılması məqsədilə “Aztelekom” İB-də komissiya yaradıldı. Komissiya üzvləri 10 gün ərzində mənim iştirakım ilə tikinti-quraşdırma işlərin həcmini yoxlayaraq hesabat hazırladılar. Hesabata əsasən işlərin yerində olduğu bir daha təsdiqləndi.

Azərbaycan Respublikası Baş Prokurorluğunun Agir Cinayətlərə dair məhkəməsinin Maliyyə Nazirliyi 06 iyun 2016-cı il tarixli aktı da nəzər alınmaqla 27 iyul 2017-ci il tarixli hökmü ilə də devitor borcunun yekun məbləği bir daha təsdiqlənsə də, hələ borcların ödənməsi təmin olunmamışdır. Bu Azərbaycan Hüququna da bir sayqısızlıqdır.

Onu da qeyd etmək lazım bilirəm ki, adı çəkilən təşkilatlara etdiyim müraciətlərə bir qayda olaraq Nazirlikdən və “Aztelekom” İB-yə daxil olmuş cavablarda bildirmişdir ki müraciətlərə baxılır, araşdırılır, araşdırmalar bitdikdən sonra vəsaitin ödənilməsinə başlanacaq və s.

Yalnız bir dəfə 2018-ci ildə “Aztelekom” İB-nin baş direktorunun birinci müavini Z.Verdiyevin imzası ilə daxil olmuş cavab məktubunda ödəmənin olmayacağı bildirilmişdir.

Nazirlik bu müddətdə debitor borcu olan digər təşkilatların vəsaitlərini ödəməli ləngitmədi. Bunun səbələrini mən də bilirəm lakin hələ bu məsələyə toxunmaq istəmirəm.

Cənab Prezident!

Siz öz çıxışınızda bəzi məmurların özlərini qudurğan, hətta xan kimi apardıqlarını, xalqa xidmət etmədiklərini bildirirsiniz.

Mən təəssüf edirəm ki, bunu gün Rabitə Nazirliyində “Aztelekom” İB-də rəhbər vəzifələrdə preşəkar rabitə işçilərinə çox böyük ehtiyac var. Mən tam əminəm ki, o vəzifələrdə peşəkarlar olsaydı mən, o cümlədən Azərbaycan rabitəsi bu vəziyyətə düşməzdi.

Mən inanıram ki, Sizin ədalətiniz rabitə sistemində də öz əksini tapacaq.

Hal-hazırda bu işlə əlaqədar mən vəkilimlə ədalət məhkəməsinə müraciət etmişik. Məhkəmənin ilkin iclasında iştirak edən “Aztelekom” İB-nin məhsul nümayəndəsi yalan danışmaqla heç bir tutarlı arqument gətirə bilməyərək məhkəməyə təsir etməyə cəhd etdi.

Mən ona onu məhkəməyə göndərib təlimat verənlərə çatdırıram ki, bu prosses bütün mərhələlərlə davam etdiriləcəkdir.

Hörmətli cənab Prezident!

Sizdən bir Azərbaycan vətəndaşı, bir rabitə mühəndisi və minlərlə rabitə işçiləri adından xahiş edirəm ki, ölkədə hazırda aparılan islahatlar Rabitə Nazirliyini və “Aztelekom” İB-ni də əhatə etsin. Bununla Siz tək məni yox minlərlə rabitə işçilərini naşı və rabitədən anlayışı olmayan, onun problemlərini anlamayanlardan xilas etmiş olarsınız”.

Tarix:21-09-2020, 11:02 Baxış Sayı:225 Kateqoriya:gundem / sosial
SON XƏBƏRLƏR
29 obyektdə qaydalara əməl olunmadığı aşkarlandı
Suqovuşan və Talış kəndlərinə gedən tarixi yolların bərpası başladı - FOTOLENT
Prezident İlham Əliyevin Yaponiyanın "Nikkei" qəzetinə müsahibəsinin-TAM MƏTNİ
Vəng kəndinin Çinarlı adlandırılması məsələsi MM-in plenar iclasına tövsiyə edilib
Ermənistana məxsus daha bir PUA məhv edildi
Qarabağda döyüşməyə gələn erməni Federasiya prezidenti məhv edildi - FOTO
“İti qovan” PUA-ları Ordumuzun istifadəsinə verildi
İşğaldan azad olunmuş ərazilərdə yeraltı sərvətlərlə bağlı araşdırmalara başlanılır - RƏSMİ
Abşeronda COVİD-19 əleyhinə növbəti reyd keçirildi – sürücülər cərimələndi
Zaqatala bazarı dezinfeksiya edildi
Yardımlı rayon təhsil müəssisəsində nələr baş verir?-VİDEO
Ermənilərə dəstək verən Tatulovanın Bakıdakı kafesi bağlandı
Ermənistanın növbəti PUA-sı məhv edildi
Armen Sarkisyan Brüsselə gedib
Baş nazirin müavini Əli Əhmədov Gəncəyə gedib
Erməni təxribatı nəticəsində 63 mülki şəxs həlak olub, 292 nəfər yaralanıb
Goranboyun başçısından rüsvayçılıq: üstümüzə ağzı söyüşlü qadın göndərdi, iş polisdə... - Təfərrüat
Müdafiə Nazirliyi: “Xudafərinlə bağlı erməni tərəfinin yaydığı məlumat dezinformasiyadır”
Koronavirusu nəfəslə müəyyən etmək mümkün olacaq
İlham Əliyevdən işğaldan azad edilmiş torpaqlarımızla bağlı paylaşım
Düşmənin ölən daha 43 hərbçisinin adı açıqlandı - Siyahı
Zəngilan işğaldan azad olundu
Polislər yaralı əsgərlərimizi ziyarət etdilər - FOTOLAR
XİN: Ceyhun Bayramovun Vaşinqtonda Pompeo və həmsədrlərlə görüşü gözlənilir
MN: Tərtər və Ağdam rayonlarının əraziləri atəşə tutulur
Nazir: “Düşmən işğaldakı torpaqlarda endemik bitkiləri məhv edib”
Aprel döyüşlərində iştirak etmiş daha bir erməni məhv edildi - Foto
Gəncə təxribatı: Rəsmi şəxslər sakinlərlə görüşdü - Foto
“Nar” cəbhəyanı bölgələrə dəstəyini davam etdirir
Prokurorluq: Ermənilərin atəşi nəticəsində Ağdamda 4 nəfər xəsarət alıb

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla