Telegram Facebook Twitter Youtube Instagram
dogruxeber.az
dogruxeber.az

Buradan laqeyd keçməyin... - Yol kənarında fındıq satan müharibə iştirakçısı var

27-07-2021, 11:38

 Buradan laqeyd keçməyin... - Yol kənarında fındıq satan müharibə iştirakçısı var










Bakıdan İsmayıllı, eləcə də digər şimal-qərb rayonlarına hərəkət edən yolçular yəqin ki, avtomobil yolunun kənarında duraraq əlində fındıq satan bu gənci görüblər. Onu görənlər və tanıyanlar üçün təkrarda fayda var deyək, tanımayanlar üçünsə tanıdaq.

Şamaxı rayonu, Qərəvəli kənd sakini 27 yaşlı Teyyub Nağıyev. Vətən müharibəsi başlayan günə qədər həyətində yetişdirdiyi məhsulları yol kənarında satmaqla ailəsini dolandıran qəhrəmanımız, döyüşlərin başladığı ilk günlərdən ordu sıralarına qatılıb.

Teyyub Nağıyevin Sputnik Azərbaycan-ın müxbiri Rəşad Kərəmoğluna bildirdiyinə görə, müharibənin ilk günlərində Goranboy rayonu, Ağcakənd istiqamətində N saylı hərbi hissəyə göndərilib. Orada 3 gün qaldıqdan sonra Talış kəndi istiqamətində gedən döyüşlərə yollanıb.

"Talış istiqamətində döyüşlərdə iştirak etmişəm. Həmin kənd alınandan sonra, Suqovşan istiqamətində döyüşlərə qatılmışam. Daha sonra Murovdağ istiqamətindəki döyüşlərdə iştirak etmişəm. 2020-ci ilin dekabrın 31-də müvafiq sərəncamla ehtiyata buraxılmışam", - deyə Nağıyev bildirib.

O, müharibədən qayıdandan sonra yenidən öz işinin başına dönüb. Yol kənarında mövsümə uyğun olaraq kənd təsərrüfatı məhsullarının satışı ilə məşğul olur.

Qəhrəmanımız döyüşlərdən qayıdandan bir neçə gün sonra iş üçün Şamaxı rayon Məşğulluq Mərkəzinə müraciət edib. Onu dərhal qeydiyyata alıblar. Ötən həftə isə ona 3 baş iribuynuzlu inək verilib. Günün bir neçə saatını yol kənarında məhsul satmaqla qazanc əldə edən Teyyub Nağıyevin ən böyük arzusu sevdiyi peşə ilə məşğul olmaq və evinin yarımçıq qalan tikintisini tamamlamaqdır.

"Yeganə çətinliyim odur ki, evdə işləyən təkcə mənəm. Anam 250 manat pensiya alır, atamın 67 yaşı var, işləyə bilmir. Gündə 15-20 manatlıq, şənbə və bazar günləri isə 20-30 manatlıq qoz-fındıq satıram. Rabitə və texnologiya sahəsini yaxşı bilirəm. Əsgərlikdə 1 il 6 ay rabitəçi olmuşam. Müharibə dövründə də 96 gün ərzində rabitəçi olmuşam. Bu işi yaxşı bildiyim üçün əgər rabitə sahəsindən təklif gəlsə, məmnuniyyətlə işləyərəm", - deyə keçmiş döyüşçü ona gələcək iş təkliflərini gözləyir.

Teyyubun gəlirlərinin az olması səbəbindən tikintisi yarımçıq qalan evinə gəlincə, ümid edirik ki, imkanlı şəxslər və müvafiq dövlət qurumları inşaat işlərinin başa çatdırılmasına yardım etməklə onun sevincinə səbəb olacaqlar.
 Buradan laqeyd keçməyin... - Yol kənarında fındıq satan müharibə iştirakçısı var
 Buradan laqeyd keçməyin... - Yol kənarında fındıq satan müharibə iştirakçısı var
 Buradan laqeyd keçməyin... - Yol kənarında fındıq satan müharibə iştirakçısı var
 Buradan laqeyd keçməyin... - Yol kənarında fındıq satan müharibə iştirakçısı var















Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 
Telegram Facebook Twitter Youtube Instagram