Millət vəkili: Ölkəmiz ərazi bütövlüyünü bərpa etdi, işğala son qoydu

Millət vəkili: Ölkəmiz ərazi bütövlüyünü bərpa etdi, işğala son qoydu







“Rəşadətli Azərbaycan Ordusunun əzmi və cənab Ali Baş Komandan İlham Əliyevin uzaqgörənliyi, qətiyyəti və yenilməz iradəsi nəticəsində Laçın rayonu işğaldan azad olundu. Üstəlik də bir güllə atılmadan, bir şəhid verilmədən. Beləliklə, bu gün Laçın şəhəri nəhayət 28 ildən sonra azaddır. Laçın düşmən tapdağından azad olunaraq öz doğma sakinlərinə qaytarılıb. Uzun illər işğalda saxlanılmış bu böyük rayonun Azərbaycanın nəzarətinə keçməsi dövlət sərhədlərinin tam bərpası deməkdir və bununla Azərbaycan tarixi qələbəyə imza atdı. Bu çox böyük siyasi qələbədir.”

Bu fikirləri “Yeni Gündəm”ə açıqlamasında Milli Məclisin deputatı Anar Məmmədov deyib.

A.Məmmədov bildirib ki, hər birimiz tam əminik ki, siyasi yolla olmasa da hərbi yolla Azərbaycan Ordusu mütləq Laçını, Kəlbəcəri və Ağdamı düşmən tapdağından azad edəcəkdi: “Buna heç bir şübhə yoxdur. Amma, eyni zamanda biz hər birimiz bilirik ki, yerləşdikləri çətin relyefdə mövsüm şərtləri də nəzərə alınarsa bizim çoxsaylı itkilərimiz olacaqdı. Sadəcə onu xatırlamaq kifayətdir ki, Ağdamda 5 müdafiə xətti var idi. Bunların hər birinin aşılması zamanı itkilər qaçılmaz idi. Buna görə də sözügedən üç rayonun danışıqlar yolu ilə geri qaytarılması Azərbaycanın böyük və möhtəşəm siyasi qələbəsidir. Təbii ki, düşmən buna öz xoşu ilə razı olmadı. Bu birbaşa Azərbaycan Silahlı Qüvvələrinin cəbhədə əldə etdiyi qeyri-şərtsiz qələbənin məntiqi davamı idi. Nəticə etibarilə ölkəmiz BMT Təhlükəsizlik Şurasının bütün qətnamələrini faktiki olaraq məhz özü hərbi-siyasi yolla yerinə yetirdi. Bununla da Azərbaycan dünyada dondurulmuş münaqişələrin hərb yolu ilə də həlli yolunun olmasının nümunəsini yaratdı.”

Deputat qeyd edib ki, dünən Laçının azad olunması ilə bağlı xalqa müraciət edən Prezident İlham Əliyev bir sıra vacib və maraqlı fikirlər səsləndirdi: “Başlıca məqam ondan ibarətdir ki, ölkəmiz ərazi bütövlüyünü bərpa etdi, işğala son qoydu, bölgədə bu gün və gələcək üçün yeni təhlükəsizlik, əməkdaşlıq formatı yaratdı. Ölkə başçısının da qeyd etdiyi kimi, bu format nədən ibarət olacaq, bunu həyat göstərər. Hər halda yeni əməkdaşlıq formatının yaradılması üçün lazımi işlər görüldü, düşməni torpaqlarımızdan qovduq və noyabrın 10-da imzalanmış Bəyanatda göstərilən məsələlər həllini taparsa, onda bölgədə yeni əməkdaşlıq çərçivələri yaradılacaq. Cənab Prezident dünənki müraciətində həmçinin Ermənistanın işğalçılıq siyasətinin bölgədə yaratmış olduğu müəyyən mahiyyət daşıyan çətinlikləri və İrəvan üçün faciəvi xarakter daşıyan durumu konkret faktlarla ortalığa qoyuldu. Təkrar şəkildə mənfur düşmənə bildirildi ki, əgər zamanında işğalçılıq siyasətini dayandırsaydı, Azərbaycandan Avropaya gedən enerji layihələrindən pay sahibi ola, gəlirlər götürə bilərdilər. Digər sahələrdə də əlaqələrimiz inkişaf edə bilərdi. Lakin rəsmi İrəvan bu gün bütün bunlardan məhrum olunub. Bundan sonra artıq kommunikasiyaların açılması heç şübhəsiz dövlətimizin rəyi ilə həll olunacaq.”

A.Məmmədov vurğulayıb ki, ölkə başçısı nitqində indiyə qədər heç vaxt cəmiyyətə açıqlanmayan bir məqamı da dilə gətirdi: “Belə ki, ölkə başçısı bildirdi ki, danışıqlar prosesində açıq-aşkar səsləndirilməsə də Laçın rayonunun hansısa formada Ermənistana qalmalı olduğu fikri mövcud idi. Ermənistan tərəfi, bütün Laçın rayonunun onlara dəhliz kimi verilməli olduğu mövqeyindən çıxış edirdi. Bunun nəticəsidir ki, Laçın rayonunda digər işğala məruz qalan rayonlarımızdan fərqli olaraq qanunsuz məskunlaşmanın həcmi daha böyük idi. Ancaq Azərbaycan Respublikasının Prezidenti bununla heç vaxt razılaşmayıb və hətta buna görə bəzi təzyiqlərə belə məruz qalıb. Bu gün reallığa gəlincə isə Ermənistan və ona havadarlıq edən dövlətlər bir daha dərk etdilər ki, saxta tarix heç zaman reallıqları dəyişə bilməz. Ötən 17 il ərzində həm beynəlxalq müstəvidə, həm ölkə daxilində, həm iqtisadi məsələlərin həllində, həm də ordu quruculuğunda bütün gücümüzü səfərbər edib, cənab Prezidentin dediyi kimi düşmənin belini qırdıq və bu gün biz yeni reallıq yaratdıq.”

Milli Məclisin deputatı onu da bildirib ki, Prezident sonda belə bir fikir səsləndirdi ki, elə bir strategiya, elə bir taktika müəyyənləşəcək ki, bundan sonra ölkəmizdə heç bir halda bu cür təhlükə mənbəyi olmasın: “Belə yanaşma təkcə bölgədə deyil, bütövlükdə dünyada sülhün və təhlükəsizliyin təmin olunmasına xidmət edən yanaşmadır. Belə ki, cənab Prezident hər kəsin yaddaşında əbədi qəhrəman, qalib sərkərdə olmaqla yanaşı eyni zamanda dünya səviyyəli böyük dövlət xadimi kimi də həkk olundu. Sonda bir daha qeyd etmək istərdim ki, bu gün hər bir azərbaycanlı əmindir ki, hakimiyyətə gəldiyi ilk gündən verdiyi bütün vədlərə əməl edən Azərbaycan Prezidenti İlham Əliyevin rəhbərliyi altında dövlətimiz və xalqımız işğaldan azad edilmiş əraziləri yenidən gülüstana çevirəcək, infrastrukturu bərpa edəcək və oraya həyat qaytaracaqdır. Buna görə də bizlərə yaşatdığı qürurlu və tarixi günlərə görə ilk növbədə Ali Baş Komandana və Şanlı Azərbaycan Ordusuna öz təşəkkürümü bildirir, şəhid olan igid oğullarımıza allahdan rəhmət diləyirəm. Vətən əgər uğrunda ölən varsa vətəndir! Yaşasın Azərbaycan Prezidenti, Müzəffər Ali Baş Komandan! Yaşasın qalib Azərbaycan Ordusu!”

Tarix:3-12-2020, 14:22 Baxış Sayı:111 Kateqoriya:siyaset
SON XƏBƏRLƏR
Məğlubedilməz “Ailə Strategiyası”...-Rövşən Novruzoğlunun yeni tədqiqatlarından
Qarabağda hərbi hissələrə və şəhərciklərə nə qədər vəsait xərclənəcək?
Azərbaycan məhkəmələrində işlərin təxirəsalınma müddəti uzadılıb
Jurnalistikada hərşeyşünaslardan imtina olunmalı, - rəqabətli media mühiti yaradılmalıdır
“Vüqar Səfərli işi” daha kimlərin həbsinə apara bilər... - İLGİNC
"Əli Həsənov və Ramiz Mehdiyev təcili həbs edilməlidir" - AÇIQLAMA
“Az-Granata”da BÖHRANLI GÜNLƏR... - Kütləvi ixtisarlar gözlənilir...
Rafael Cəbrayılov necə “toxunulmaz” oldu? - ŞOK DETALLAR
Xırdalanda yeni inşa edilən nasos stansiyasına baxış keçirilib
Qarabağda Birgə Monitorinq Mərkəzinin fəaliyyəti NİYƏ yubanır... - İLGİNC
Süni valyuta qıtlığının yaranması nəyə və kimlərə xidmət edir? - GƏLİŞMƏ
MEDİA Azərbaycan mediasına nə verəcək? - Gözlənti
Bərbərxana və gözəllik salonları açılır - RƏSMİ
İslahatlar dalğası mediamıza çatdı: bizi nə gözləyir? - GƏLİŞMƏ
Korrupsiya ilə mübarizə ardıcıl davam etməsə... - əlavə problemlər yarana bilər
Xəstəxanalarda və reanimasiyada çarpayı yeri xeyli boşalıb - TƏBİB
FHN Akademiyasında fövqəl tender! - dəftər-qələmə 4 milyon manat xərcləyəcək
Eyyub Yaqubova ağır itki
"Tənqid edir, sonra da deyirsiniz, öz işidir"
“Deputatın qardaşı əmlakımı qanunsuz yolla ələ keçirib” - İTTİHAM
Çavuşoğlu Qarabağda Rusiya sülhməramlılarının statusuna dair anlaşmanın imzalanmalı olduğunu bildirib - MÜHÜM
 “Jurnalistlər binası”ndakı bəzi mənzillər hazırkı sahiblərindən geri alına bilər” - ŞOK AÇIQLAMA
Lavrov və Cavad Zərif Dağlıq Qarabağı müzakirə edəcəklər
“Güllələnmiş heykəllər” Şuşaya qaytarıldı - Fotolar
Əhməd İsmayılov mediada tətbiq olunacaq yeniliklərdən danışdı - MÜSAHİBƏ
"Bu il Füzulidəki hava limanının uçuş-enmə zolağı istifadəyə verilməlidir" - Prezident İlham Əliyev
Deputat və icra başçısı Naftalanda şəhid məzarlarını ziyarət etdi - Fotolar
Saray qəsəbəsində kanalizasiya xətti çəkilir – İradə Gülməmmədova əraziyə gəldi
“Rayondan gələnlər xəbər verdi ki, Bakıda obyektinizi söküb park salıblar” - GİLEY
"Vüqar Səfərli danışsa, mətbuatda olan bu şəxslərin başı ağrıyacaq" - ŞOK AÇIQLAMA

"Dogruxeber.az"-ı Facebookda izləyin

Zəhmət olmasa 10 saniyə gözləyin Bağla