Jony "özünü sudan quru çıxartdı" - FOTO
Rusiyada fəaliyyət göstərən məşhur azərbaycanlı ifaçı Jony (Cahid Hüseynli) sosial mediadakı paylaşımı ilə diqqət çəkib.
DogruXeber.az bildirir ki, izləyiciləri onu Azərbaycanla bağlı paylaşım etmədiyi üçün tənqid atəşinə tutmuşdular. Ölkədə yaşanan hadisələrə biganə yanaşan məşhur bununla bağlı instaqram hesabında açıqlama verib.
İşi ilə əlaqədar paylaşım etməməyə məcbur olan Jony özünü "sudan qura çıxartmaq" üçün bəhanə gətirib:"Salam, mənim dəyərli Azərbaycan xalqım. Bildiyiniz kimi, ölkəmizdə yaranmış vəziyyətlə bağlı paylaşımlar edib, bacardığım qədər ölkəmizin haqlı mübarizəsini dünyaya çatdırıb dəstəkləmişəm. Artıq 10 gündən artıqdır ki işimlə bağlı paylaşımlar etmirəm, hər nə qədər məcbur olsam da amma sənətimlə bağlı buna məcburam. Xalqımızdan xahişim məni başa düşmələridir, bu, mənim işimdir.
Hər qarış torpağımızın işğaldan azad olunduğu xəbərin eşitdikdə şiddətli sevinc hissi ilə yanaşı qürur hissi də yaşayıram ki, mən azərbaycanlıyam. Ümid edirəm ki, Ali Baş Komandanımızın rəhbərliyi altında işğal olunmuş ərazilərimiz tam azad olunacaq və Azəbaycanın ərazi bütövlüyü təmin ediləcək. Hər zaman ölkəmin yanındayam, Allahdan şəhidlərimizə rəhmət və ailələrinə səbr diləyirəm.
Biz birlikdə güclüyük. Qarabağ Azərbaycandır!!!”
(Big.az )