dunya
29.05.2018, 08:39
Paraqvay prezidenti istefa verib
Paraqvay prezidenti Orasio Kartes vaxtından əvvəl dövlət başçısı postunu tərk etməyi qərara alıb.
DogruXeber.az-ın “Gazeta.ru”-ya istinadən verdiyi xəbərə görə, onun prezidentlik müddəti bu ilin avqustunda bitəcəkdi. Prezident səlahiyyətlərini müvəqqəti olaraq ölkənin vitse-prezidenti Alisiya Puçeta icra edəcək.
Paraqvay Konstitusiyasına əsasən, ölkə başçısı vəzifəsini tərk etdikdən sonra fəaliyyətini senatda davam etdirə bilər.
Qeyd edək ki, Orasio Kartes, 2013-ci ilin avqust ayından Paraqvayın prezidenti vəzifəsini tuturdu. Bu ilin aprelində keçirilən seçkilərdə isə Mario Abdo Benites ölkənin yeni prezidenti seçilib. O vəzifəsinin icrasına avqustun 15-də başlayacaq.