“Ali məktəblərə qəbul imtahanlarında abituriyentlərin 9,8 faizi 500-700 arası bal toplayıb”

Bunu təhsil eksperti Kamran Əsədov deyib. O, 2018-2019-cu il üçün ali məktəblərə ilk qəbul imtahanlarının bəzi nəticələrini açıqlayıb. Bildirib ki, yaz qəbul imtahanlarında ümumilikdə I-IV ixtisas qrupu üzrə 68 min abituriyent imtahan verib:

“I ixtisas qrupu üzrə 27478 nəfər iştirak edib, onlardan 1916 nəfər 500-700 arası bal toplayıb. II ixtisas qrupu üzrə nəfər 16700 iştirak edib, onlardan 1328 nəfər 500-700 arası bal toplayıb. III ixtisas qrupu üzrə 18900 nəfər iştirak edib, onlardan 2145 nəfər 500 – 700 arası bal toplayıb. IV ixtisas qrupu üzrə 4981 nəfər iştirak edib, onlardan 1365 nəfəri 500-700 arası bal toplayıb”.

Kamran Əsədov qeyd edib ki, 2018-2019-cu tədris ili üçün ali məktəblərə 45 min plan yeri ayrılıb: “Yaz sessiyasının qəbul imtahanlarında 10 nəfər maksimum nəticə, 700 bal toplayıb”.