Gürcüstanın NATO üzvlüyünə dəstək verdiyimizi bir daha təsdiqləyirik. Gələn ilin martında Gürcüstanda NATO-nun təlimlərinə hazırlıq məsələlərini müzakirə edəcəyik.

Bu sözləri NATO-nun baş katibi Yens Stoltenberq deyib.

NATO müdafiə nazirlərinin zirvə görüşündə çıxış edən Yens Stoltenberq Gürcüstanın təşkilata üzvlüyünün vacibliyinin fərqində olduqlarını açıqlayıb.

NATO-nun baş katibi həmçinin Rusiyanı Orta mənzilli Nüvə Qüvvələri Müqaviləsinin tələblərinə əməl etməyə çağırıb. Onun sözlərinə görə, “9M729” adlı yeni raket sistemi müqavilənin açıq şəkildə pozulması deməkdir./Teleqraf.com