Məmmədyarov gələn ay erməni nazirlə görüşə bilər
"Bakı və İrəvanın Qarabağ üzrə dialoqu ən yüksək səviyyədə davam etdirmək üçün prinsipial istəkləri var"
Azvision.az “RİA Novosti”yə istinadən xəbər verir ki, bu barədə regiona səfərləri çərçivəsində Bakıda olan ATƏT-in Minsk qrupunun rusiyalı həmsədri İqor Popov jurnalistlərə açıqlamasında deyib.
Həmsədr hesab edir ki, gələn ay Azərbaycan və Ermənistanın XİN rəhbərləri görüşə bilər: “Ümid edirik ki, gələn ay xarici işlər nazirlərinin görüşü olacaq. Görüş ATƏT-in Xarici İşlər Nazirlərinin iclası çərçivəsində İtaliyada keçirilə bilər. Biz bu məsələni Ermənistanın xarici işlər naziri ilə müzakirə etdik. Birazdan Azərbaycanın xarici işlər naziri ilə görüşəcəyik və onunla da bu məsələyə toxunacağıq. Nazirlərin görüşündə nizamlanmanın başlıca məsələləri və vəziyyətin inkişafı, iki ölkə rəhbərləri arasında qarşılıqlı münasibətlərin necə qurulacağını nəzərə alaraq etimadın möhkəmləndirilməsi üzrə qəbul olunacaq tədbirlər müzakirə ediləcək. Prinsipial planda biz anladıq ki, yüksək səviyyədə dialoqu davam etdirmək üçün istək var".