Tovuzda Qarabağ Qazisi İNTİHAR HƏDDİNDƏ... - Başçıdan ŞİKAYƏT


DogruXeber.az: - “Bu gün özümə qəst etməyi fikirləşirdim, qoca, başsız anam dəyişdirdi fikirimi”. Bu haqda Qarabağ qazisi, Tovuz rayon, Aşağı Öysüzlü kənd sakini Məmmədli Coşqun Baris oğlu tərəfindən göndərilən şikayət məktubunda vurğulanır. Şikayətçinin məktubunu olduğu kimi dərc edirik:

“Qarabağ qazisyəm, 10 ildir hərbi xidmətdəyəm. Füzulidə gedən döyüşlərdə yaralanmışam, 11 qəlpə yarası almışam. Hal-hazırda bədənimdə 9 qəlpə ilə yaşayıram. Cənab İlham Əliyev tərəfindən “Cəsur döyüşçü” və “Füzulinin azad olunması” medalları ilə təltif edilmişəm.

5 aydır dəfələrlə Tovuz rayonunun icra başçısı Məmməd müəllimin, onun müavini Niftalı məllimin, qazi və şəhid ailələri üçün yaranan şöbənin müdiri Oruc məllimin, Aşağı Öysüzlü kənd bələdiyyəsi Hikmət müəllimin, icra nümayəndəsi Nazim müəllimin, Cırdaxan kənd bələdiyyəsi Orxan müəllimin yanında olmuşam. Məni qəbul ediblər, ancaq mənə köməklik gostərməyiblər, həmişə “yox” cavabını almışam. Bu gün məni acılayaraq, icra binasından geri göndərdilər.

Mənim istəyim 2 sot torpaqdır, həmişə mənə yerin olmadığını bildiriblər. Amma özüm olan yerlərin videosunu da, şəkillərini də göstərmişəm. Mənə dediklərinə görə, həmin yeri sənədləşdirmək mümkün deyil, amma həmin yerlərdə hal-hazırda ağaclar kəsilir, texnikalar işləyir, tikinti gedir. Amma mən yenə onlarla razılaşıram, fikrimi bildirirəm ki, göstərdiyim yerləri sənədləşdirmək mümkün deyilsə, sizdən xahiş edirəm, mənə yer göstərin, həmin yeri sənədləşdirin. Amma yenə də “yox” cavabını alıram.

Sizdən xahişim odur ki, isıqlandırasınız. Mən sizin qəzet vasitəsi ilə cənab İlham Əliyevə səslənmək istəyirəm. Çünki bu rayonda qaziyə, şəhid ailəsinə hörmət, güzəşt etmirlər.

Mənim son ümidim sizsiniz. Mən bu gün özümə qəsd etməyi fikirləşirdim, qoca, başsız anam fikrimi dəyişdirdi”.

Qarabağ qazisinin şikayəti ilə bağlı Tovuz rayon İcra Hakimiyyəti ilə əlaqə saxladıq. Rayon icra başçısının müavini, sosial-iqtisadi inkişafın təhlili və proqnozlaşdırılması şöbəsinin müdiri Niftalı Qasımov qazinin ona təklif edilən torpaq sahəsini istəmədiyini bildirib:

“Bu məsələdən xəbərim var. Həmin qazimizi cənab başçı və eyni zamanda mən də qəbul etmişəm. O, sahibkarlıq fəaliyyəti məqsədilə torpaq sahəsinin ayrılmasını istəyir. O, elə yerdən torpaq sahəsi istəyir ki, həmin ərazidən ona torpağın ayrılması mümkün deyil. Ona təklif etdiyimiz torpaq sahələrini də istəmir. Deyir ki, tez bir zamanda torpaq sahəm verilsin”.

Daha sonra Tovuz rayon İcra Hakimiyyətinin Qazi və Şəhid ailələrinin işi üzrə şöbəsinin müdiri Oruc Məmmədovla da əlaqə saxladıq. O da qeyd etdi ki, qazinin istədiyi torpaq sahəsini sənədləşdirmək mümkün deyil:

“Qanuni yolla necə mümkündürsə, həllini tapacaq. Mümkün olan vaxtda torpaq sahəsi ayrılacaq. Heç bir problem olası deyil. Sadəcə, onun istədiyi torpaq sahəsi hazırda verilə bilmir. Ona torpaq sahəsi təklif edilərkən orda iştirak etməmişəm. Mən iki-üç aydır ki, bu şöbədə fəaliyyət göstərirəm. Məndən əvvəl də ona təkliflər olunubdur. Sadəcə olaraq, o, torpaq sahəsini sahibkarlıq məqsədilə istəyir. Həmin torpaq sahəsini də sənədləşdirmək mümkün deyil. Sənədləşdirmək mümkün deyilsə, biz necə qanunsuz yolla torpaq sahəsini ona verə bilərik?” Bu, mümkün deyil”.

Hər halda, inanırıq ki, rayon rəsmilərinin qeyd etdiyi kimi, məsələ tezliklə həllini tapacaq. Ümid edirik ki, Tovuz rayon İcra Hakimiyyəti sağlamlığını Vətən uğrunda fəda edən qazimizə 2 sot torpaq sahəsini çox görməyəcək.//dia.az


Oxunub: 283

Son xəbərlər

Naxçıvanın məşhur daxili işlər naziri azadlığa buraxıldı

"Jurnalistlər qonaq deyil" - Sahibə Qafarova

Bakıda sahilə yaxın ərazidəki qurğu yanır

Milli Məclisin növbəti iclasının vaxtı açıqlandı

İnzibati Xətalar Məcəlləsində dəyişiklik edildi

“Nar” NETTY 2022 milli internet mükafatının əsas tərəfdaşıdır

Moped idarə etmək üçün sürücülük vəsiqəsi tələb olunacaq

"Azərpoçt” MMC karqo xidmətini istifadəyə verdi

NATO Baş katibi İrana xəbərdarlıq etdi

"Təəssüf ki, bu gün siyasi partiyalardan danışanda..." - Komitə sədri

Ermənistanda iki deputat mantadından istefa verdi

Ev alanlara ƏDV necə qaytarılacaq? - AÇIQLAMA

"Dərsə gəlməmək 10 manatdır" - Daha bir direktorun SƏS YAZISI

Naxçıvan Baş Gömrük İdarəsinə rəis vəzifəsi ona həvalə olundu

“Siyasi partiyalar haqqında” qanun layihəsi müzakirə olunur

Bu dövlət rüsumu ləğv edilir

Rusiyada Hesablama Palatasının rəhbəri istefa verdi

Qanunsuz ov edənlər cəzalandırıldı

İlham Əliyev tatarıstanlı həmkarı ilə görüşdü

Əcnəbi tələbələr universitetdən QOVULDU - SƏBƏB

Düşmən Füzuli, Tərtər, Xocavənd, Şuşa və Xocalıdakı mövqelərimizi ATƏŞƏ TUTDU

İlham Əliyev ərəb naziri qəbul etdi

Yelena Zelenski Rişi Sunakın xanımı ilə görüşdü

Kərim Vəliyev Pentaqon rəsmisi ilə görüşdü

DTX Naxçıvanda daha bir qurumda əməliyyata başladı

Azərbaycan nefti ucuzlaşdı

Həbsdə olan general müalicə müəssisəsinə yerləşdirildi

"Mənə iş və pay torpağı vermək üçün məndən rüşvət istəyirlər" - Müharibə veteranı canlı efirdə belə dedi // VİDEO

Rusiya hərbi peyk buraxdı

İran Rusiya ilə 300 milyonluq müqavilə imzaladı

Bütün xəbərlər