DogruXeber.az: - “Müharibə təhlükəsi həmişə mövcuddur, amma yaxın gələcəkdə bunun baş verəcəyini düşünmürəm”. JAMAZ.İNFO xəbər verir ki, bunu Ermənistanın keçmiş müdafiə naziri, müxalif “Haystan” blokunun parlament fraksiyasının rəhbəri Seyran Ohanyan deyib.

Onun sözlərinə görə, bölgədə əsasən Türkiyə ilə Azərbaycan arasındakı əməkdaşlıqdan irəli gələn müəyyən təhdidlər var. Buna baxmayaraq, o hesab edir ki, Ermənistan hakimiyyəti bu təhdidləri düzgün təhlil etməyib. “Düşünürəm ki, İranı hərbi təlimlər keçirməyə məcbur edən bu tandemin formatı idi. Onlar sərhədləri daxilində təhlükəsizliyi təmin etməyə çalışırlar. Buna baxmayaraq, real qiymətləndirmə aparmaq, mümkün hərbi əməliyyatların başlanğıcı haqqında nəticə çıxarmaq üçün Təhlükəsizlik Şurası, Müdafiə Nazirliyi və Baş Qərargahın əlində olan məlumatlara tam sahib olmaq lazımdır. Hesab edirəm ki, həmişə müharibə təhlükəsi var, amma yaxın gələcəkdə bunun real olduğunu düşünmürəm”.