Sahibkarla əlbir olub  "nəfəsimizi kəsirlər"... - VİDEO

Haqqında hər gün, gündə bir neçə dəfə faktlara söykənən fərqli məlumatlar yayımlanan Ekologiya və Təbii Sərvətlər Nazirliyinin səlahiyyətli əməkdaşlarının şəxsi maraqları qarşılığında özlərinin yaratdığı, yaxud göz yumduqları ekoloji ziyanlar barəsində məlumatlar izləyirik, oxuyuruq, yaxud şahidi oluruq.
Odur ki, bu mövzuya "təmtəraqlı" giriş verməyə artıq ehtiyac duymadan, birbaşa keçid edirik redaksiyamıza daxil olan növbəti məlumata.

Belə ki, "DogruXeber.az" redaksiyasına belə bir məlumat daxil oldu ki, Bakı - Sumqayıt magistral yolunda, Ceyranbatan qəsəbəsi ərazisində, "101" avtoyuma məntəqəsinin qarşısında bir neçə müxtəlif cinsli ağaclar kəsilib.

Məlumatda bildirilir ki, həmin ünvandakı ağac kəsimi Abşeron rayonunun keçmiş İcra Hakimiyyəti başçısı İradə Gülməmmədovanın vəzifədə olduğu zamanlar İcra Hakimiyyəti və Ekologiya və Təbii Sərvətlər Nazirliyi ilə müəyyən maraqlar qarşılığında razılaşdırılmış şəkildə həyata keçirilib. 10.000 (on min) AZN qarşılığında təbiətə vurulan böyük zərərdən Ekologiya və Təbii Sərvətlər Nazirliyinin də məlumatlı olduğunu duyduq. Verilən məlumatda o da bildirilir ki, sözügedən ağac kəsimi Ekologiya və Təbii Sərvətlər Nazirliyinin Dövlət Ekspertiza İdarəsinin rəisi Mirsalam Qəmbərovun rəyi əsasında həyata keçirilib.



Redaksiyamıza məlumat və görüntülər daxil olduqdan sonra 4 saylı regional Ekologiya və Təbii Sərvətlər İdarəsi ilə telefon əlaqəsi saxlayıb, məsələni diqqətə çatdırıb, münasibət bildirmələrini istədik. Regional idarədən həmin ərazi üzrə müfəttiş İbad adlı şəxsin telefon nömrəsini verib, onunla əlaqə saxlamalı olduğumuzu bildirdilər.

Belə də etdik. İdarənin verdiyi telefon nömrəsi vasitəsilə ETSN-nin ərazi üzrə məsul əməkdaşı İbadla əlaqə saxlayıb, məsələni diqqətinə çatdırıb, münasibət bildirməsini istədik. İbad adlı şəxs məsələdən xəbərsiz olduğunu, qısa zaman ərzində sözügedən ərazidə məsələni aydınlaşdırıb, sonra bizə münasibət bildirəcəyini dedi. Lakin, bir iş günü ərzində ETSN əməkdaşı İbad təkrar bizimlə əlaqə saxlamadı. Bu səbəbdən də biz təkrar İbadla telefon əlaqəsi saxladıq. Bu dəfə isə İbad bizə çox aqressiv şəkildə - "Sizə açot verməliyəm?" -deyə sualla cavab verdi.

Onun bu cavabından özünün vəzifə səlahiyyətlərindən, həmçinin media qanunlarından məlumatsız olduğunu anladıq və bütün bunlar barəsində onu izahlı şəkildə məlumatlandırmağı özümüzə "borc" bildik.

Bizim ətraflı izahımızdan sonra İbad bəy üzr istəyərək, kobud davranışını ağrılarından qaynaqlanan əsəbinə bağladı və növbəti iş günü daha ətraflı araşdırıb sonra əlaqə saxlayacağını bildirdi.

Ertəsi gün İbad bəy bizə zəng etdi və bildirdi ki, "sözügedən əraziyə gedib baxdım. Həqiqətən 12 ağac kəsilib. Mən obyektin sahibi Üzeyirlə görüşmək istədim. İşçiləri zəng etdi xəbər verdi, amma o, gəlmədi. O ağaclar çoxdan kəsilib. Ağac kəsiləndə ekspertizanın rəyi əsasında olur. Yəqin ki, onlara da ekspertiza icazə verib".

İbad bəylə danışdıqdan sonra Ekologiya və Təbii Sərvətlər Nazirliyinin Dövlət Ekspertiza İdarəsinin rəisi Mirsalam Qəmbərova zəng edib, məsələyə münasibət öyrənmək istədik. Mirsalam Qəmbərov məsələdən məlumatsız olduğunu, araşdırıb bizə də məlumat verəcəyini bildirdi. Lakin, Mirsalam Qəmbərovla telefon danışığımızdan demək olar ki, bir həftə keçməsinə baxmayaraq, hələ də bizi arayıb, münasibət bildirməyib.

Yeri gəlmişkən, onu da qeyd edək ki, verilən məlumatlarda o da bildirilir ki, sözügedən ünvanda kəsilən ağacların bir neçəsi də obyektin qarşısında olub və kəsildikdən sonra üzəri asvalt örtüyü ilə qapadılıb. Digər 12 ədəd ağacın isə kökləri aydın şəkildə görünür.

Mövzuya qayıdacağıq.

Redaksiyamız hər kəsin söz haqqını tanıyır.

DogruXeber.az

Təbiət "qatilləri" iş başında.../VİDEO-FOTO


Oxunub: 884

Son xəbərlər

Əfv Komissiyası 700-dən çox müraciətə baxdı

Paşinyan demarkasiyanın aparıldığı xəritələri göstərdi - VİDEO

"Ölkəmizdə 10 ballıq bölgələr də mövcuddur" - Qurban Yetirmişli

Bakının bu prospektində nəqliyyatın hərəkəti məhdudlaşdırılacaq

Misirin XİN rəhbəri 44 ildən sonra ilk dəfə İrana gedib

Bu ölkədə 38 məktəblini ildırım vurdu

İsrail əsgəri məsciddə "Qurani-Kərim"i yandırdı

Bu ölkədə quş qripinə ilk yoluxma qeydə alındı

Nazir yeni idarə rəisi təyin etdi - FOTO

Daxili Qoşunların Ali Hərbi Məktəbinin adı dəyişdirildi - FƏRMAN

İlham Əliyev Prezident Administrasiyasının Hərbi məsələlər şöbəsinə müdir TƏYİN ETDİ

Maaşlarda nə qədər artım olacaq? - AÇIQLAMA

Azərbaycanda işləməyən şəxslərə pul verilə bilər

Jurnalistlər binasında bütün kommunal xidmətlər dayandırılır

Sabah 27° isti olacaq

Şahin Mövsümov istefa verdi - Yerinə Anar Quliyev seçildi

Erməni milyarderlə toyu baş tutmayan Səbinə Əhmədova yeni sevgilisi ilə görüntüləndi

Bişkekdə bomba xəbərdarlığı - Hava limanı boşaldıldı

Dünya ölkələrinin təəccübləndirən qadağaları

İsrail bu 2 ölkədəki səfirlərini geri çağırdı

Bakı İlahiyyat Kollecinə qəbul elan edildi

Hərbçilərə təminat xərcliyinin 70 faizi həcmində əmək pensiyası ödəniləcək

Deputatların əmək pensiyasına əlavələr yeni qaydada hesablanacaq

Bu şəxslərin pensiyasına əlavələr yeni qaydada hesablanacaq

Neftimiz ucuzlaşdı

Əli Əsədov və Ceyhun Bayramov Rəisinin anım mərasiminə gedir

Bu günə olan valyuta məzənnələri

Rusiyada nüvə silahı təlimləri başlayıb

Alimlər "şimal işıqları" deyilən yaşıl şüanın sirrini açdı

Təhlükəli səviyyədə civə miqdarı olan balıq növləri aşkarlanıb

Bütün xəbərlər