Ramanada xırda məmurun `BÖYÜK İŞLƏRİ`... - Bunları görən YOXDURMU?

DogruXeber.az:- Sabunçu rayonu ilə bağlı konkret mövzuya keçməzdən öncə onu qeyd edək ki, Bakı şəhərində qanunsuz tikililər neçə illərdir ki, çox ciddi problemə çevrilib.
Hətta məsələ o dərəcədə ciddiləşib ki, Beynəlxalq Təşkilatlar Azərbaycandakı 500 mindən artıq olan qanunsuz tikililərin sənədləşdirilməsi üçün lazım olan vəsaiti ayırmağa hazır olduqlarını bəyan ediblər.
Bu barədə dəfələrlə cənab Prezident İlham Əliyev də müvafiq dövlət qurumlarına göstəriş verib ki, qanunsuz tikililərin sənədləşdirilməsi üçün bütün lazım olan materiallar toplanılsın. Hətta bir-iki il əvvəl bu məsələyə girişdilər də.
Sözümüzün canı odur ki, qanunsuz tikililərin sayı yenə durmadan artır.
Bu isə ciddi problemlər deməkdir. Birincisi həmin qanunsuz tikililərdə yaşayan 10 minlərlə vətəndaş uçotdan kənar qalır. Sabah hər hansı cinayət hadisəsi baş verəndə onu operativ həll etmək olmur.
Digər problem odur ki, ərazidə yaşayan əhalinin uçotu olmadığı üçün məktəb, xəstəxana, uşaq bağçası və digər obyektlərin kontingentini müəyyən etmək çətin olur.
Ən dəhşətlisi odur ki, bu qanunsuz tikililər sabah söküləndə, dövlət büdcəsindən milyonlarla kompensasiya ödənməli olacaq.
Axı, nəyə görə, hansısa məmur 5 min alıb qanunsuz tikiliyə icazə versin və əvəzində sabah dövlət 50 min kompensasiya ödəsin.
Sözün düzü, bu məsələ ekspertlər tərəfindən dəfələrlə ciddi müzakirə olunduğu üçün üzərində geniş dayanmaq istəmirik.
Ancaq onu qeyd edə bilərik ki, bu qanunsuz tikililərə mülkiyyət hüququ verilsə….büdcəyə mülkiyyət vergisi olaraq külli miqdarda pul gələr.
Digər tərəfdən vətəndaş öz sənədli mülkiyyətini banka qoyub kredit götürə, iş qura bilər. Yəni bu cox ciddi məsələdir. Amma təəssüf ki, bu problem hələ də öz həllini tapmır. Nəinki tapmır, hətta qanunsuz tikililərin sayı durmadan artır.
Belə qanunsuz tikinti poliqonlarından biri də Sabunçu rayonudur.
Bəli, paytaxtın mərkəzi rayonlarından fərqli olaraq Sabunçu kənd tipli rayondur, rayonun az qala onlarla kəndi və qəsəbəsi var. Yəni bu rayonda qanunsuz tikinti üçün münbit şərait var.
Və biz əminliklə qeyd edə bilərik ki, bu məsələdən Sabunçu Rayon İcra Hakimiyyətinin başçısı Adil Vəliyev tam məlumatlı deyil, yəni icra başçısının ərazi üzrə nümayəndələri bundan istifadə edərək külli miqdarda pul qazanır və insanların həyatını təhlükəyə atırlar.
Belə ki, Sabunçu RİH başçısı Adil Vəliyevin rəhbərlik etdiyi rayonda, Ramana qəsəbəsi inzibati ərazi dairəsi üzrə nümayəndəsi Osmanov Arif Məlik oğlu olaraq, ərazidə əməlli-başlı tikinti “bazarı” açıb.
Arif Osmanov hər yerdə deyir ki, mənim icazəm olmadan kimsə Ramanada daşı-daş üstə qoya bilməz, gəlib məni görməlisiniz, sonra tikintiyə başlamaq olar. Bu adam özünü az qala rayonun sahibi kimi aparır. Olsun, biz heçnə demirik. Bu gün dövlətin adından möhürü, ştampı olan Ramana qəsəbə isra nümayəndəliyi fəaliyyət göstərir. Rəsmi sənəddə olduğu kimi, gərək problemlərin həllində də bu məmur adını daşıyan Arif Osmanov məsuliyyət hiss etsin. Yəni, mən bu qəsəbənin ərazi icra nümayəndəsiyəm, əlimə “tüpürüm” bütün torpaqların üzərində icazəsiz tikinti aparılmasına şərait yaradım, əsla belə olmaz. Tikinti aparmaq üçün arxitektura komitəsinin qarşısında illərlə gözləyib, qanuni sənəd ala bilməyənlər var. Bu haqda sonrakı yazımızda…
Nə isə, Ramananın problemləri bitib-tükənən deyil. Bütün bunlar azmış kimi rayonun məşhur neft milyonçusu Murtuza Muxtarovun adını daşıyan qəsəbədə isə vəziyyət dözülməz həddə çatıb.
Birincisi, onu qeyd edək ki, qəsəbə zir-zibil içərisində itib batır. Lap rəhmətlik Maksim Qorkinin keçən əsrin əvvəllərində təsvir etdiyi mazutlu ərazini xatırladır. Amma əraziyə məsul şəxslər nəinki kənar ərazini, hətta neft quyularının kənarlarını da tikinti obyektləri üçün satırlar. Yəni bu xırda məmurların gözünü pul o qədər tutub ki, sabah baş verəcək fəlakətləri nəzərə almırlar.
Axı, neft quyusunun ətrafında sabah iraq olsun hər cürə yanğın, partlayış və digər qəza halları baş verə bilər.
Belə olan halda kim məsuliyyət daşıyacaq..?
Biz Sabunçu rayonu ərazisində baş verən qanunsuz tikinti poliqonlarından bir neçəsinin adını çəkdik. Hətta lazım olarsa əlimizdəki samballı və kifayət qədər dəqiq informasiyaları təqdim edə bilərik.
Yaxud başqa bir nümayəndəliyə nəzər salaq.
Sabunçu rayon İcra hakimiyyətinin başçısı Adil Vəliyevin Bakıxanov qəsəbəsi üzrə təyin etdiyi nümayəndə Orucov Ruhin Eyvaz oğlu, qəsəbənin İvan Anaşkin küçəsini əməlli-başlı tikinti meydançasına çevirib. Küçə başdan-başa 3-4 mərtəbəli villalarla əhatə olunub. İcazəsiz mülklərin tikintisi əlbəttə külli miqdarda rüşvət müqabilində tikilə bilər. Yəni, 1 mərtəbəyə icazəsi olan şəxslər, 3 mərtəbəli mülklər ucaldırlar. Hətta, məktəb ərazisi üçün ayrılan bataqlıq ərazilərin qurudularaq müxtəlif şəxslərə satılması əyani sübutdur.
Hətta qəbristanlıqların ətrafı, məktəblərin ərazisi, ərazidəki gölün ətrafı, bataqlıq ərazilər tikinti üçün müxtəlif şəxslərə satılır. Heç kim nəzərə almır ki, Anaşkin küçəsinin bütün hissələri bataqlıq ərazilər olub. Günün birində çökmə baş versə kim məsuliyyət daşıyacaq, dəymiş ziyanı kim ödəyəcək? Suallar çoxdur. Amma bu suallara cavab tapmaq üçün gərəkir ki, əziyyət çəkilsin.
Redaksiyamıza müraciət edən Ramana sakinləri bildirirlər ki, qəsəbənin icra nümayəndəsi Arif Osmanov deyir ki, mən icra başçısı Adil Vəliyevin qohumuyam.
Biz bir media olaraq bəyan edirik ki, kimin kimlə qohum olması önəmli deyil, önəmli olan dövlətin maraqlarıdır.
Adil Vəliyev bizim də dostumuz ola bilər. Və biz Adıl Vəliyevi təsərrüfatcıl, işgüzar icra başçısı kimi tanıyırıq və inanırıq ki, bu qanunsuz tikinti halları barədə onun kifayət qədər məlumatı yoxdur.
Ona görə də Adil müəllimdən xahiş edirik ki, zəhmət olmasa kabinetinizdən bayıra çıxasınız, əraziləri, qəsəbələri gəzib-dolaşasınız və təyin etdiyiniz nümayəndələrin qanunsuz əməlləri ilə tanış olasınız. İnanın, bu belədir, onlar sizi aldadırlar.
Yoxsa bəzi işbazlar, maklerlər, pulu hər şeydən üstün tutanlar neft quyularının, göllərin, bataqlıqların ərazisini Arif Osmanov kimi məmurlarla birləşib satacaqlar.
Əgər icra başçısı hörmətli Adil Vəliyev istəsə biz rayon ərazisində baş verən qanunsuz tikinti ilə bağlı faktları çatdıra bilərik.
Həm də, cənab başçı, nəzərə almalısınız ki, qanunsuz tikililərlə bağlı Prezident İlham Əliyev cənabları konkret fikrini bildirib. Buna qarşı getmək sizin nümayəndələr üçün yaxşı heç nə vəd etmir.
Qarşı tərəfin mövqeyni dərc etməyə hazırıq. //gundelik-baku.com//


Oxunub: 181

Son xəbərlər

Bu şəxslər də pensiya ala biləcək

Həbsdə olan vəzifəli şəxsin ailəsindən 52 min alıblar - TƏFƏRRÜAT

Beyləqanda harınlamış məmur... - KİMƏ BELƏ GÜVƏNİR?

Qanun hamı üçün qanundur - Bura Azərbaycandır ! // VİDEO - YENİLƏNDİ

Xorvatiyada təyyarə qəzaya uğradı

Bu ay 32 narkotacir tutulub

"Fəhləni ən aşağı insan kimi qəbul edirlər" - Bazar qəhrəmanları

Tehranda partlayış baş verdi

Putin iqamətgahını tikdirdiyi şəxsi həbs etdirdi - SƏBƏB

Kadırova "stomatologiyada xidmətlərinə görə" ordeni verildi

Tovuzun bu kəndlərində elektrik şəbəkəsi yenidən qurulur

Ruslan Əliyev abonentlərə əlavə borc yazılmasına iddialarına cavab verdi

Uşaqları günvurmadan necə qorumaq olar?

“Nar” eşitmə məhdudiyyətli şəxslər üçün peşə təlimləri layihəsinə yenidən start verdi

Tovuzda obyekt yandı

Azərbaycanlı idmançılarla eyni hoteldə qalan ermənilər qorxuya düşdü

Azərbaycanlı idmançılarla eyni hoteldə qalan ermənilər qorxuya düşdü

Qaçqın və məcburi köçkünləri "İNSANİYYƏTDİKDƏN MƏHRUM" adlandıran məmur...

"Suriyada müharibədə 306 mindən çox dinc sakin həlak olub" - BMT

Masallıda ekoloji fəlakət - VİDEO

Genç yaşta büyük başarı ‘Esad Fidan’

Azərbaycanda şagirdlərə Xameneiyə həsr olunan mahnı öyrədilir

“turbo.az”, “tap.az” və “bina.az”ın sahibi 1 milyard dollar itirdi - İLGİNC FAKT

OTTO gecə klubu ÇƏKİŞMƏSİ... - TƏFƏRRÜAT

Rusiyada deputat SAXLANILDI

SINMAYAN QADIN

Rayonlara leysan yağıb - FAKTİKİ HAVA

Azərbaycanda gəlini ilə dalaşan qayınata evini YANDIRDI

Xaricdə təhsil almaq istəyənlərin NƏZƏRİNƏ

Bakıda fəhlə faciəli şəkildə ÖLDÜ

Bütün xəbərlər