"İcra başçısı, millət vəkili və bələdiyyə sədrimizi  yalnız televizorda görürük" - Problemli Mingəçevir sakinlərindən giley // VİDEO

Hər zaman olduğu kimi "DogruXeber.az" redaksiyasına Mingəçevir sakinləri tərəfindən müraciətlər yağış kimi yağdırılır desək, yerinə düşər. Özü də o müraciətlərin demək olar hamısının bir ortaq nöqtəsi var - İcra Hakimiyyəti və şəhər bələdiyyəsi barəsində narazılıq.

Onların göndərdikləri narazılıq yaradan səbəblərin görüntülərini gördükdə, haqlı olduqları da aydın görünür.

Bu görüntülər, yaxud məlumatlar yayımlandıqda isə istər icra hakimiyyəti olsun, istərsə də şəhər bələdiyyəsi "daş atıb, başını tutur" ki, "yayımlandığınız görüntülər həqiqəti əks etdirmir".

İfadəyə diqqət etdiniz?

"Yayımladığınız görüntülər həqiqəti əks etdirmir".

Demək, bir neçə gün əvvəl redaksiyamıza Mingəçevir şəhər sakinləri tərəfindən, sakinlər arasında "Əli qəbristanlığı" deyilən şəhər qəbristanlığının videogörüntüləri göndərilmişdir. Hansı ki, oradakı məzar daşları məişət tullantıları və kol-kosun içində güclə sezilirdi. Özü də xatırlayırsınızsa, o kolluqda belə məzar yeri üçün "qəbristanlıq müdiri", eyni zamanda bələdiyyə işçisi olan Rafael Məmmədovun ölü yiyəsindən 300 (üç yüz) AZN tələb etdiyi iddiası da sakinlər tərəfindən irəli sürülürdü. Biz də həmin videogörüntüləri "MUM.TV" YouTube kanalımızda yayımladıq. Həmin görüntülərin şərh bölməsində Mingəçevir Şəhər İcra Hakimiyyəti yazıb ki, "yayımladığınız görüntülər həqiqəti əks etdirmir". Özünü hər zamankı kimi sözdə "aydan arı, sudan duru" göstərmək üçün, heçolmasa yazılı məlumatlara bu cür "rəy" yazsaydılar bu qədər gülünc görünməzdi ən azından.

Əlqərəz...

Bir yazıda hər müraciətə toxunmaq üçün yazmağa bizə, oxumağa da sizə çox uzun vaxt lazımdır. Çünki, bir deyil... iki deyil... Üç deyil...
Odur ki, birbaşa keçid edək Mingəçevir Şəhər İcra Hakimiyyətinin dili ilə desək, növbəti "həqiqəti əks etdirməyən" görüntülərə.



Görüntülərdə gördüyünüz şəxslər Mingəçevir şəhərinin Mingəçevir qəsəbəsinin sakinləridir. Onlar qəsəbədə kanalizasiya xəttinin olmadığından gileylənirlər. Adamlar bildirir ki, bunun üçün dəfələrlə İcra Hakimiyyətinə müraciət ediblər. Hər dəfə də söz verilib, yola salınıblar. Hətta, sakinlər bildirir ki, bir dəfə bunun üçün İcra Hakimiyyəti tender keçirib. Tenderin qalibləri də gəlib sakinlərlə görüşüb, tezliklə problemin aradan qaldırılacağını bildiriblər. Lakin, onların verdiyi sözün də ömrü, icra hakimiyyətinin verdiyi sözün ömrü qədər olub.

Sözügedən ərazidə küçələrə yeni asfalt döşənib. Sakinlər deyir, - "Bura asfalt döşənəndə etiraz etdik ki, kanalizasiya xətti çəkin, sonra asfaltlayın. İkiqat xərc olmasın. Amma, "Narahat olmayın, tələbiniz təmin olunacaq" - deyib, yollarını çəkib, gediblər. Sakinlər demişkən, "Yəqin sonra da asfaltı söküb, kanalizasiya çəkib, təzədən asfalt döşənəcək". Bu da büdcə israfı.

Yeri gəlmişkən, sakinlər onu da deyir ki, əvvəlki icra başçıları qəsəbəyə gəlməzdən bir neçə gün əvvəl sakinlərə xəbər verilirdi ki, "filan vaxtı icra başçısı gələcək. Kimin nə sözü, şikayəti, müraciəti varsa, filan saatda, filan yerə gəlsinlər başçıya desinlər. Amma, İlham İsmayılov icra başçısı gələndən bəri biz onun qəsəbəyə gəldiyini televizorda görürük. Güya qəsəbədə olub sakinlərlə görüşüb. Eyni adamları yığıb, özlərini təriflətdirib gedirlər. O da çox təsadüf hallarda. Biz gedirik, heç qəbul da etmirlər. Kanalizasiya suları məcburiyyət qarşısında həyətimizə axıdılır. O da ki, sabunlu sular bitkilərimizi yandırır."

Təsəvvür edirsiniz?

Mingəçevir sakinləri, hazırda Gəncə sakinlərinin saymazlığından cana doyduğu, haqqında saysız vətəndaş narazılıqları olan, keçmiş Mingəçevir şəhər icra başçısı Niyazi Bayramov haqqında - "sağolsun, Niyazi Bayramov yenə buna baxanda yaxşı idi" - deyirlər ki, bu da İlham İsmayılovun "bacarığı sayəsində" yaranıb. "İlham İsmayılov imkansızı bacarıb" demək, daha doğru olar.

Bələdiyyəyə gəldikdə isə sakinlər deyir axırıncı dəfə seçkiqabağı ona səs verərlərsə, "nə xarüqələr yaradacağ"ının anonsunu verməyə gələndə gördükləridir. Seçiləndən bəri, nənələrimiz demişkən - "üzünü görən cənnətlik". Bu yerdə "Planet Parni iz Baku"nun bir tamaşası yada düşür. Deyir: - "Mənə səs versəniz özümə maşın alacam, özümə villa tikdirəcəm, qohumlarımı işə götürəcəm, oğlumu əsgərlikdən saxlatdıracam"...

Bəli, bu da bizim "tragikomedik" vətəndaş yaşamımız.

Qaldı Mingəçevir sakinlərinin problemlərinə, heç düzələcək kimi görünmür. Amma, yenə də "ümid ömrü uzadır" deyirlər...

Redaksiyamız hər kəsin söz haqqını tanıyır.

DogruXeber.az


Oxunub: 420

Son xəbərlər

Şok-Şok Bərdədə dövlət meşələrində kütləvi "soyqırım" faktı_Video

Şəhid ailələri etiraz aksiyası keçirib - VİDEO

Nazirlik şagirdlərin elektron yerdəyişməsi ilə bağlı məlumat yaydı

Üç güləşçimiz İslamiadada finala yüksəldi

Ermənilər Şuşa üzərində uçuşlar keçirməyə cəhd göstərib

Bloger İşxan Verdyan məhkəməsində iştirak etmək üçün İstanbuldan Yerevana qayıtmağa hazırdır

Kürdəmirdə vətəndaşlara qarşı dələduzluq edən rayon sakini saxlanılıb

Bu müəssisələr keyfiyyətsiz qənd istehsal edir - SİYAHI

"Azərsu" ASC-nin idarə rəisi işdən azad edildi - Köçərili Həsənov kimin əmisi oğlunu yenidən vəzifəyə gətirir?

Sabah temperatur 41 dərəcəyədək yüksələcək

Şirvanda oğurluq və narkotik

Kürdəmir rayon sakininin yaşadığı ünvandan yarım kiloqrama yaxın narkotik və çətənə bitkiləri götürülüb

Əmrləri pozanlara qarşı qətiyyətli tədbirlər davam etdiriləcək - Nazirdən XƏBƏRDARLIQ

Nazir sülhməramlıların yerləşdirildiyi ərazilərlə bağlı GÖSTƏRİŞ VERDİ

Teyyub adlı iş adamı “Aysberq” hoteli bağlanmaqdan necə xilas edə bilib - ARAŞDIRMA

Bəzi xarici jurnalistlərin akkreditasiyasından imtina olunacaq - SİYAHI

“Milyonerlər məhəlləsi”ndə ÖLÜM HADİSƏSİ

Pozduran Dadaş, “Demirören Holding”, “Scientific Games” və milyonlar…

Kim Çen In maska rejimini ləğv etdi

İlham Əliyev Ermənistana xəbərdarlıq edib

Azərbaycan nefti ucuzlaşdı

700 bal toplayan qız Azərbaycan universitetlərindən imtina ETDİ

12 avqust-Beynəlxalq Gənclər Günü münasibəti ilə Zərdabda günərzi yay düşərgəsi təşkil olundu

1 milyondan çox istifadəçi “Nar”+dan yararlanır!

"Dağın təpəsinə hansı yoldan çıxarsansa çıx, mənzərə eynidir"- Göyçay RMX-də vəziyyət hər gələn gün ötən günə nisbətən daha da çətinləşir.

Prezidentdən Azərpaşa Nemətovla bağlı SƏRƏNCAM

Prezidentdən 3,2 milyon manatlıq SƏRƏNCAM

Rəisi və Putin istəməsə də:Türkiyə artıq Qafqazdadır - GƏLİŞMƏ

Səfər Mehdiyevin GÖMRÜKDƏKİ LƏPİRİ... - "RAMAL-TRANS" HOQQASI DAVAM EDİR...

"İpoteka kreditinin şərtləri yumşaldılıb" - Mərkəzi Bank

Bütün xəbərlər