Yaponiyanın baş naziri Fumio Kişida çərşənbə axşamı Ukraynaya səfər edəcək. NHK telekanalı hökumətdəki mənbələrə istinadən xəbər verir ki, o, respublika prezidenti Vladimir Zelenski ilə görüşəcək.

Telekanal Yaponiya hökumətinin başçısının Polşa-Ukrayna sərhədindəki Prjemysl dəmir yolu vağzalında qatara minməsinin görüntülərini nümayiş etdirib. Qatar yerli vaxtla saat 01:30 radələrində Ukrayna istiqamətində yola düşüb. Oradan Kiyevə səyahət vaxtı təxminən 10 saatdır.

"DogruXeber.az" "Tass.ru"ya istinadən bildirir ki, Kisida rəsmi səfərdə olduğu Hindistandan Polşaya gəlib. O, martın 21-də günorta saatlarında Hindistanı tərk etməli idi.

Bu, Kişidanın Rusiyanın xüsusi hərbi əməliyyatı başlayandan bəri Ukraynaya ilk səfəridir. O, Yeddilik Qrupu (G7) ölkələrinin liderlərinin hələ belə bir səfərə çıxmamış sonuncusudur.

DogruXeber.az
Fatimə Kamalqızı