"DogruXeber.az" "news.am"a istinadən bildirir ki, Dövlət Departamentinin sözçüsü dünən TURANın Vaşinqton müxbirinə bildirib ki, ABŞ növbəti dəfə Azərbaycan hakimiyyətini siyasi məhbusları, o cümlədən insan haqları üzrə vəkil Elçin Məmmədi azad etməyə çağırır.

“Biz Elçin Məmmədovun və üzrlü səbəb olmadan azadlıqdan məhrum edilmiş digər azərbaycanlıların dərhal azad edilməsinə çağırırıq. Azərbaycanı söz, birləşmə və toplaşma azadlığına hörmət etməyə çağırırıq”, - deyə, mənbə bildirib.

Martın 30-da Elçin Məmmədovun internetdə Azərbaycanda insan haqlarının vəziyyətini tənqid edən hesabat dərc etdiyinə görə polis tərəfindən saxlanılmasından 3 il ötür.

Məmmədovun işi və bir neçə başqa iş Dövlət Departamenti tərəfindən “Ədalət yoxdur” təşəbbüsünün bir hissəsi kimi göstərilib. Bayden administrasiyası yanvar ayında bütün dünyada haqsız yerə həbs edilənlərin azad edilməsini müdafiə edəcəyini açıqlamışdı.

Martın 3-də Dövlət Departamenti 26 il müddətinə azadlıqdan məhrum edilmiş Nikaraqua yepiskopu Rolando Alvaresi “Ədalət yoxdur” təşəbbüsünün siyasi məhbuslar siyahısına əlavə edib.

DogruXeber.az
Jalə Əsədova