Vaşinqtonda Ağ Evin yaxınlığındakı hasarları aşmış yük maşınının sürücüsü ABŞ-ın "prezidentini öldürmək" və "hakimiyyəti ələ keçirmək" istədiyini etiraf edib.

"Dogruxeber.az" bildirir ki, bu barədə çərşənbə günü NBC televiziya şirkəti məhkəmə sənədlərinə istinadən məlumat yayıb.

Onun sözlərinə görə, Missurian 19 yaşlı Sai Varşit Kandula hücumu altı ay planlaşdırıb, məqsədi "Ağ Evə girmək, hakimiyyəti ələ keçirmək" olub. Onun hakimiyyəti necə ələ keçirməyi planlaşdırdığı barədə suala şübhəli şəxs “prezidenti öldürməyi və qarşısına çıxan hər kəsə zərər verməyi” planlaşdırdığını deyib.

Bundan əvvəl CNN məlumat vermişdi ki, polis yük maşınının sürücüsünü ABŞ prezidenti, vitse-prezidenti və onların ailə üzvlərini öldürmək niyyətində ittiham edib. Kandula həmçinin təhlükəli silahla hücum etmək, ehtiyatsızlıqdan avtomobil idarə etmək, federal mülkiyyətə ziyan vurmaq və qorunan əraziyə qanunsuz daxil olmaqda ittiham olunur. Polis, ABŞ Məxfi Xidməti və Federal Təhqiqat Bürosu araşdırma aparır.

ABŞ Məxfi Xidmətinin məlumatına görə, bazar ertəsi axşam furqon sürücüsü Ağ Evin qarşısındakı Lafayette Meydanında təhlükəsizlik səddini aşıb. Ağ Evin mühafizəçiləri və əməkdaşlarından heç kim xəsarət almayıb. Reuters xəbər verir ki, hasarları aşırmış avtomobildə nasist bayrağı tapılıb.

DogruXeber.az
Jalə Asiman