İraqın səhiyyə naziri Saleh Əl-Həsnəvi İranla texnoloji əlaqələrin, xüsusən də səhiyyə sahəsində əlaqələrin genişləndirilməsini istəyib.

"DogruXeber.az" İrna-ya istinadən bildirir ki, Saleh Əl-Həsnəvi bazar ertəsi Tehran Beynəlxalq Sərgisində İran İnnovasiya və Texnologiya Evini və səhiyyə, əczaçılıq və tibbi avadanlıq şirkətlərinin məhsullarını ziyarət edib.

İranla əlaqələri genişləndirməyə çağıran Saleh Əl-Həsnəvi İranın səhiyyə sahəsində texnologiyalarının çox inkişaf etmiş və etibarlı olduğunu vurğulayıb.

İran və İraq əlaqələrinin dərin köklərə malik olduğunu deyən o, iqtisadi, ticarət və səhiyyə sahələrində qarşılıqlı əlaqələrin genişləndirilməsinin iki ölkə arasında əlaqələrin möhkəmlənməsində təsirli olduğunu deyib.

O qeyd edib ki, hər iki tərəf tibb, təhlükəsizlik və yoluxucu xəstəliklər sahələrində Anlaşma Memorandumu (MoU) imzalamaq niyyətindədir.

Saleh Əl-Həsnəvi bir daha qeyd edib ki, İran və İraq səhiyyə, məlumat, təcrübə və texnologiya mübadiləsi sahələrində ikitərəfli əlaqələri gücləndirməyə çalışır, həmçinin Ümumdünya Səhiyyə Təşkilatında texnoloji əməkdaşlığın genişləndirilməsini müzakirə edir.

DogruXeber.az
Rəna Gözəlova