"DogruXeber.az"ın alarabiya.net-a istinadən məlumatına görə, Polşanın Daxili Təhlükəsizlik Agentliyi bu gün bildirib ki, partlayıcı kəmərdən istifadə edərək dövlət idarəsinə intihar hücumu planlaşdıran 18 yaşlı Polşa vətəndaşını həbs edib.

Agentlik, ABW, kommunikedə həbsin iyunun 16-da Polşanın cənub-qərbində baş verdiyini deyib. Həmin şəxsin İŞİD ekstremist qruplaşmasından ilhamlanaraq bir qrup başqa şəxslə birlikdə dövlət administrasiyasının ofislərinə hücumlar planlaşdırdığı bildirilib.

O, cinayət şəbəkəsində iştirak etməkdə, terror məqsədləri güdməkdə və çoxlu sayda insanın rifahı ilə yanaşı, həyatlarını da təhlükə altına qoya biləcək hərəkətlər planlaşdırmaqda ittiham olunub.

Günahı sübuta yetirilərsə, o, 10 ilə qədər həbs cəzası ala bilər.

DogruXeber.az
Kamal Əsgərov