İspaniyanın Daxili İşlər Nazirliyi ötən gün bildirib ki, keçmiş britaniyalı rep sənətçisi və yaraqlı İspaniyada həbsdə ölüb.

"DogruXeber.az"ın ktvz.com-a istinadən məlumatına görə, Nazirlik bildirib ki, Abdel-Majed Abdel Bary çərşənbə axşamı İspaniya həbsxanasında ölü tapılıb. Ölümün səbəbi hələ təsdiqlənməyib.

Abdel Bari 2020-ci ildə silahlı terror təşkilatına rəhbərlik etməkdə ittiham edilərək həbs edilib. Onu 9 ilə qədər həbs gözləyirdi. İyulun 14-nə hökm oxunması üçün məhkəmə təyin edilib və o, hökmü gözləyirdi.

32 yaşlı Abdel Bari 2013-cü ildə Londonu tərk edərək "Əl-Qaidə" qruplaşmasına, daha sonra isə Suriyadakı İŞİD silahlılarına qoşulub. O, sosial media saytlarında özünü qurbanlarından birinin kəsilmiş başını qucaqlayaraq göstərərək ad çıxarıb.

Qrupa qoşulmazdan əvvəl Abdel Bari Cin adı altında repçi söz yazarı kimi çıxış edirdi.

O, 1998-ci ildə Afrikadakı ABŞ səfirliklərində 224 nəfərin ölümü ilə nəticələnən partlayışlarla bağlı hadisələrə görə məhkum edilmiş Əl-Qaidə terror təşkilatının misirli əməliyyatçısının oğlu idi. Abdel Bari atasının terror ittihamı ilə ABŞ-a ekstradisiyasından çox keçmədən musiqini dayandırdı.

İspaniya polisi Abdel Bari və daha iki kişini 2020-ci ilin aprelində Əlcəzairdən qayıqla Cəbəllütariq boğazını keçdikdən qısa müddət sonra həbs edib.

O, internet bankçılıq fırıldaqları və “terror fəaliyyətlərini maliyyələşdirmək” üçün kriptovalyuta alveri ilə məşğul olmaq üçün özünün və digər iki nəfərin yaratdığı silahlı terror təşkilatına rəhbərlik etməkdə ittiham olunurdu.

DogruXeber.az
Anarə Muhəmməd