Ukraynanın Donetsk vilayətinin Rusiya tərəfindən təyin edilmiş rəhbəri bu gün bildirib ki, Ukraynanın bölgənin paytaxtı Donetsk şəhərini atəşə tutması nəticəsində iki nəfər ölüb, dörd nəfər yaralanıb.

Denis Puşilin Telegram-da verdiyi açıqlamada bildirib ki, itkilər Ukrayna mərmilərinin mülki avtobusa düşməsi zamanı baş verib.

"DogruXeber.az" lenta.ru-ya istinadən qeyd edir ki, Donetskin rusiyalı meri ayrıca Telegram-da yanmış avtobusun şəkillərini dərc edib.

Donetsk şəhəri 2014-cü ildən Rusiyanın nəzarəti altındadır, lakin Ukrayna qoşunları onun kənarında mövqelərini saxlamağa davam edir və şəhər müntəzəm olaraq artilleriya atəşinə məruz qalır.

DogruXeber.az
Nərgiz Elnurqızı