Cənubi Afrikanın Şərqi Cape bölgəsində 100 ildir görünməyən Cənubi Afrika qaya pitonu tapılıb. Ölü tapılan ilanın may ayında rayonda 4 yaşlı uşağın yoxa çıxması ilə əlaqəsi olduğu ehtimal edilir.


Qkeberhadakı Bayworld muzeyinin herpetologiya üzrə kuratoru Verner Konradie, son dəfə 1927-ci ildə Şərqi Keyp səhrasında görünən Cənubi Afrika qaya pitonunun illər sonra yenidən canlandığını elan edib.

Görüntüləri sosial şəbəkələrdə yayımlanan nəhəng pitonun artıq ərazidə olmadığına inanılırdı.

Video və fotolarda ölü tapılan nəhəng pitonun 4 metr uzunluğunda və 3 nəfər tərəfindən daşındığı görünür.

"DogruXeber.az" haberglobal-a istinadən qeyd edir ki, satıldığı güman edilən ölü ilan hər yerdə axtarılır.

İlanın ərazidəki ovçular və ov itləri tərəfindən öldürüldüyü bildirilir. Bu qanunsuz əməllə bağlı araşdırmalara başlanılıb.

1980-ci illərdə bu növün bölgədə yenidən yaşaması üçün bir araşdırma aparılsa da, heç bir nəticə əldə edilməmişdir.

1994-cü ildə oxşar ilan qatar yolunda ölü tapılmışdı. Lakin qoruq ərazidən 50 kilometr aralıda yerləşdiyindən onu Şərqi Keyplə əlaqələndirmək mümkün olmayıb.

Bu ilanlar porsuqlar, sahibsiz itlər və kərtənkələlərlə qidalanır.


Ötən may ayında Nakane Lizani adlı 4 yaşlı uşaq itkin düşüb. Hələlik uşağın izi tapılmayıb. Bu hadisəyə görə ilanın məsuliyyət daşıması da qorxuludur. Lakin, ekspertlər bu boyda ilanın kiçik bir antilopu öldürə biləcəyini desələr də, onun uşağı öldürmə ehtimalının az olduğunu düşünürlər.

DogruXeber.az
Fatimə Kamalqızı