Yaponiya Meteorologiya Agentliyinin məlumatına görə, 6 nömrəli tayfun çərşənbə axşamı Kaqoşima prefekturasının yaxınlığından şimala doğru istiqamətlənib, güclü külək və yağışın Kyushuda siklonun nisbətən yavaş tempi səbəbindən cümə axşamı gününə qədər davam edəcəyi gözlənilir.

Bu gün saat 14:00-a olan məlumata görə, güclü tufan prefekturada Yakuşima adasından təxminən 120 kilometr cənubda şimal-şimal-qərb istiqamətində hərəkət edir, atmosfer təzyiqi 970 hektopaskal və küləyin sürəti saniyədə 30 metr təşkil edir.

"DogruXeber.az"ın JMA-ya istinadən bildirdiyinə görə, qasırğanın cümə axşamı gününə qədər Kyushunun qərb sahilindən şimala doğru hərəkət edəcəyi gözlənilir.

Agentlik, sabaha qədər qısa müddətdə güclü yağışların yağmasına səbəb ola biləcək xətti yağış zolağı ilə bağlı narahatlıqlar səbəbiylə, şimal və cənub Kyushu və Amami prefekturasında sakinləri yüksək ayıq olmağa çağırıb.

JMA-nın məlumatına görə, çərşənbə günü səhər saat 6-dan 24 saata qədər gözlənilən maksimum yağıntının cənub Kyushuda 400 millilitr, Amamidə 300 mililitr, Kyushu və Şikoku şimalında 250 mililitr və Tokayda 200 millilitr olacağı gözlənilir.

Qasırğa ictimai nəqliyyat sistemlərini də sıradan çıxarıb. Japan Airlines Co. və All Nippon Airways Co-nun məlumatına görə, çərşənbə axşamı səhər saatlarına qədər Kaqoşima və Haneda hava limanlarını birləşdirən ümumilikdə 164 reys ləğv edilib.

DogruXeber.az
Nərgiz Elnurqızı