İranın dəstəklədiyi silahlı qruplaşma ilə ölkələrin sərhədində həftələrdir davam edən sürtüşmədən sonra İsrail ötən gün Hizbullaha qarşı istənilən müharibədə Livanı "daş dövrünə qaytarmaqla" hədələyib.

"Səhv etməyin. Biz müharibə istəmirik. Amma, biz mülki vətəndaşlarımızı, əsgərlərimizi və suverenliyimizi qorumağa hazırıq", - deyə İsrailin müdafiə naziri Yoav Gallant Hizbullah üçün açıqlama verib.

Bu cür ritorika 2006-cı ildə İsrail-Hizbullah müharibəsindən bəri hər iki tərəfdən eşidilir. Lakin, bu, mart ayında İsraildə yol kənarına qoyulmuş bomba partlayışından sonra daha qabarıqlaşıb və bunu Hizbullaha sızan şəxsi günahlandırıb.

"DogruXeber.az" Routers-ə istinadən qeyd edir ki, qrup partlayışa görə məsuliyyəti üzərinə götürməyib.

Son həftələr Livanlı mülki şəxslər, ən azı bir qrup Hizbullah əməliyyatçısı və möhkəmləndirilmiş sərhədi keçən İsrail əsgərləri arasında qarşıdurma yaşanıb.

Dogruxeber.az
Ulduz Talıblı