İranın “Taktik Səyyad” hava hücumundan müdafiə sistemi 180 kilometr məsafədə 24 hədəfi aşkarlaya və eyni vaxtda 12 hədəfi vura bilir.

"DogruXeber.az"ın "Tasnim" agentliyinə istinadən məlumatına görə, İran müdafiə nazirinin tədqiqat və sənaye işləri üzrə müavini deyib ki, - “Taktik Səyyad” orta hündürlüklər üçün uyğun yerli havadan müdafiə sistemidir.

Afşin Naderi Şərif qeyd edib ki, yeni raket sisteminin Xordad-3 və Xordad-15 hava hücumundan müdafiə sistemlərindən üstünlüyü onun özünümüdafiə sistemidir.

“Taktik Səyyad”ın siloslarından birində qısa mənzilli özünümüdafiə sistemi var ki, bu da silahı aşağı hündürlük təhlükələrinə qarşı immunitetli edir.

Qurum rəsmisi qeyd edib ki, yeni hava hücumundan müdafiə sistemi onun radarları və raket buraxılış qurğuları vahid avtomobildə birləşdirildikdən sonra daha çevik olub.

Naderi Şərif izah edib ki, Taktik Səyyad 180 kilometr məsafədə 24 hədəfi aşkar edib izləyə və eyni vaxtda 120 kilometr məsafədə 6-12 hədəfi vura bilir.

Avqustun əvvəlində İran ilk dəfə Rusiyada keçirilən ARMY-2023 Beynəlxalq Hərbi Forumunda Taktik Səyyad hava hücumundan müdafiə sisteminin surətini nümayiş etdirib.

İranın raket sisteminin xaricdə keçirilən sərgidə nümayiş etdirilməsi onun bütün sınaqlardan uğurla keçərək İranda fəaliyyətə başlaması deməkdir.

DogruXeber.az
Rəna Gözəlova