Belarus Dövlət Sərhəd Komitəsi Polşa hərbi helikopterinin Belarusun hava məkanını pozduğunu bildirib.

"DogruXeber.az" xəbər verir ki, Belarus Dövlət Sərhəd Komitəsindən verilən açıqlamada Polşanın Mi-24 tipli hərbi helikopterinin Qrodno vilayətinə daxil olduğu bildirilib.

Polşanın Belarus hava məkanını pozduğuna dair açıqlamada helikopterin Belarusdan 1,2 kilometr içəri girdikdən sonra geri döndüyü qeyd edilib.

Belarus Xarici İşlər Nazirliyinin açıqlamasında bildirilir ki, Polşanın müvəqqəti işlər vəkili nazirliyə çağırılıb və ondan qanun pozuntusu ilə bağlı izahat tələb olunub.///Sonxeber.az