DogruXeber.az: - Ermənistan deyir ki, Azərbaycan sərhədə qoşun yığır.

"Artıq bu barədə Ermənistandakı diplomatik nümayəndəliklər məlumatlandırılıb."

Azərbaycan Ermənistanla sərhədə və separatçıların nəzarət elədiyi ərazilərlə təmas xəttinə qoşun toplayır.

"DogruXeber.az"ın məlumatına görə bunu "Azadlıq Radiosu"nun erməni xidməti yazır. Məlumatda deyilir ki, artıq bu barədə Ermənistandakı diplomatik nümayəndəliklər məlumatlandırılıb.

Hələ ki, Azərbaycan tərəfi bu barədə açıqlama verməyib, lakin Müdafiə Nazirliyi sentyabrın 6-da məlumat yayıb ki, Qarabağdakı qanunsuz silahlı dəstələr Azərbaycanın Laçındakı mövqelərinə yaxınlaşmaq məqsədi ilə səngər yolları qazmağa cəhd edib. Ermənistan tərəfi bu iddianı şərh etməyib.