Sentyabrın 17-si bazar günündən etibarən Polşa Rusiyada qeydiyyatda olan avtomobillərin ölkəyə girişinə qadağa tətbiq edəcək.

"DogruXeber.az" xəbər verir ki, bu barədə Polşanın daxili işlər və administrasiya naziri Mariuş Kaminski məlumat yayıb.

O, bildirib ki, qadağa Ukraynadakı müharibə ilə əlaqədar Rusiya və onun vətəndaşlarına qarşı tətbiq edilən sanksiyaların daha bir hissəsidir.

Polşanın Sərhəd Xidməti qeyd edir ki, avtomobil və yük avtomobilləri də daxil olmaqla, əsasən 10 nəfərin daşınması üçün nəzərdə tutulmuş avtomobillərin və digər nəqliyyat vasitələrinin birbaşa və ya dolayı yolla Avropa İttifaqına alınması, idxalı və ya ötürülməsi qadağandır.