"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

Artıq, bir aydan çox müddətdir ki, ara-sıra "DogruXeber.az" informasiya agentliyinin tabeliyində fəaliyyət göstərən "Kanal14" YouTube kanalında İmişli rayon sakini Əkbərova Əsmər Allahyar qızının redaksiyamıza müraciəti barəsində qısa məlumatlar veririk. Hətta, ötən həftə dərc etdiyimiz yazıda xanımın iddiaları barəsində aidiyyatı üzrə qurumlara - eləcə də Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinə də rəsmi sorğular göndərdiyimizi vurğulamışdıq.

Əlbir olub bələdiyyə icra ilə...

Əvvəla onu qeyd edək ki, xeyli müddət keçdikdən sonra, nəhayət ki, ötən gün Azərbaycan Respublikasının Baş Prokurorluğundan "cavab" gəldi. Cavab deyəndə ki, daha doğrusu İmişli rayon Prokurorluğuna yönləndirilmiş işin bir surəti də redaksiyamıza göndərildi.

Belə olan halda isə işin nəticəsi indidən aydın görünür, çünki yerli prokurorluqların nə qədər "geniş ürəy"ə sahib olduğunu hamımız bilirik və bir neçə illik media təcrübəmizdə bu kimi halların dəfələrlə şahidi olmuşuq.

Əlqərəz...

Yeri gəlmişkən, bildiririk ki, yuxarıda qeyd etdiyimiz xəbər linkini facebook sosial şəbəkəsində də paylaşmışdıq. İmişli Rayon İcra Hakimiyyəti dərhal həmin paylaşımında şərh bölməsində məlumatları təkzib etmək niyyətilə belə məzmunlu qısa mətn qeyd edib.

"Bildiririk ki, İmişli şəhər sakini Əkbərova Əsmər Allahyar qızının İmişli bələdiyyəsinin sədri Mehman İsmayılov tərəfindən onun aylıq əmək haqqını mənimsəməsi və Rayon İcra Hakimiyyəti başçısının bu məsələdən xəbərdar olması ilə bağlı etdiyi müraciət tam əsassızdır. Belə ki, Ə.Əkbərova qeyd etdiyi məsələ ilə bağlı RİH-də qəbulda olmamışdır. Vətəndaş 06.12.2022-ci il tarixində müraciəti əsasında İmişli bələdiyyəsində müvafiq işlə təmin edilmiş, lakin daimi olaraq işə gəlməyərək əmək intizamını pozduğu üçün 03.07.2023-cü il tarixində onunla bağlanmış əmək müqaviləsinə xitam verilmişdir. Buna baxmayaraq, Ə.Əkbərovanın iş qrafikinə uyğun iş yerində olacağını söz verməsi, həmçinin onun mövcud yaşayış durumu nəzərə alınaraq 18.09.2023-cü il tarixdən İmişli bələdiyyəsində əvvəlki işinə bərpa edilmişdir."

İndisə gəlin İcra Hakimiyyəti tərəfindən verilən "açıqlama"nı bir də biz açıqlayaq, təbii ki, onların olmadığını iddia etdikləri əsaslarla.

Əvvəlcə aşağıda sizə təqdim etdiyimiz videonu sonuna qədər diqqətlə izləyin!



Bəli, gördüyünüz kimi Bələdiyyə sədri Mehman İsmayılov özü də, "DogruXeber.az" informasiya agentliyinin rəhbəri Kamal Əsgərov mövqe öyrənmək üçün onunla telefonla danışarkən məsələdən nəinki İcra başçısı Elçin Rzayevin xəbərinin olduğunu, hətta birbaşa başçının tapşırığı olduğunu iddia edir. Hələ üstəlik başçıya "haqq qazandırmaq" üçün deyir ki, "cənab başçı demədi ki, onu həmişəlik işə götür, dedi 3-4 aylıq götür, qoy o, sosialını alsın, sonra kəsməyəcəklər."

Təsəvvür edirsiniz?
Bir dövlət qurumunda rəhbər vəzifədə çalışan şəxs (Elçin Rzayev) digər dövlət qurumunu (Əmək və Əhalinin Sosial Müdafiəsi Nazirliyini) aldadır. Amma, heç bir halda "özünümüdafiə tədbirləri"ni də əldən vermir. Sözügedən qanunsuz işlərin bütün məsuliyyətini İmişli şəhər bələdiyyəsinin üzərində cəmləyir.
Ən azından planı belə olub. Hər halda Mehman İsmayılovun və Əsmər Əkbərovanın telefon danışıqları belə deməyə əsas verir.

Söz yox ki, 19 ildir bələdiyyə sədri işlədiyini, amma bu vəzifədən heç bir qazancı olmadığını iddia edərək, "ağlaşma açan" Mehman İsmayılov da aciz adam deyil.

Əvvəla ona görə ki, bunu uşaq da bilir ki, qazanc olmayan bir işdə kimsə 19 il çalışmaz, ikincisi ona görə ki, rayon sakinlərinin redaksiyamıza verdiyi məlumata görə Mehman İsmayılov İcra Hakimiyyəti ilə əlbir olaraq, şəhərdə bir çox əraziləri hərracsız, yaxud saxta hərrac yolları ilə satıb.

Siz onun telefon danışığında ümumiyyətlə torpaq satmadığını, daha doğrusu satılan torpaqların üstündə onu kimsənin görmədiyini iddia etdiyinə baxmayın, bizdə o torpaqların da bir neçəsinin siyahısı var.

Ən gülməlisi də odur ki, güya özündən arxayın adamlar kimi israrla iddia edir ki, "tanıdığınız adamlardan soruşun, görün Mehman nətər oğlandır", gah rayon sakinini qanunsuz işə götürən və ona çatacaq pulu xərclədiyinə görə elə qanunsuz da işdən çıxaran oğlan - Mehman İsmayılov bizə insanlıqdan nümunə gətirib nəyəsə görə möhlət istəyir, gah da görüşə dəvət edir...

Hə yeri gəlmişkən, onu da qeyd edək ki, bu özünə güvənən oğlan bugünə qədər üzərimizə az minnətçilər də göndərmədi, lakin görünür, bütün cəhdlərinin uğursuz olduğunu anladıqdan sonra çarəni Əsmər Əkbərova barəsində verdiyi əmri ləğv edib, onu işə bərpa etməkdə görüb. Daha doğrusu, məlumatı İcra Hakimiyyəti verdiyinə görə belə təsəvvür yaranır ki, deyəsən o, yenə də "cənab başçının məsləhəti ilə" bu addımı atıb.

Başçı demişkən, Elçin Rzayevin bələdiyyə sədrinə verdiyi tapşırıqlar da onun İmişli rayonuna rəhbər təyin olunduğu vaxtdan bugünə qədərki fəaliyyəti kimidir.

Mehman İsmayılovun sözlərinə inansaq, Əsmər Əkbərovaya qarşı güya "humanistlik edən" Elçin Rzayev məzarları ilə "fotosessiya" etdirdiyi şəhid ailələrinə qarşı sanki aqressivdir.

Bunu bizə şəhid ailələrinin özləri deyir.

Redaksiyamıza binanın sakinləri tərəfindən verilən məlumata görə İmişli rayonunun Xanhüseyn Bəylərov küçəsində yerləşən və şəhid ailələrinin yaşadığı yaşayış binasının zirzəmisi rütubətli və iyrənc vəziyyətdədir. Üstəlik, yağan yağış da birbaşa evlərin içərisinə dolur. Bununla bağlı şəhid xanımı Elçin Rzayevin qəbulunda olub, mövcud durumla bağlı kömək istəyib, Elçin Rzayev isə cavabında, "Mənim üstümə niyə gəlmisən, get yuxarı şikayət elə, onsuz da sən öyrənmisən şikayət etməyə" dəyərək, onu öz "vəzir-vəkillərinin" yanında pərt edib.

Sual yaranır, bələdiyyə sədri demişkən, Cənab başçı, bu adamlar şikayət etməyə necə olub öyrənib?

Əgər sənin fəaliyyətində hər şey qaydasındadırsa, şikayət etmək üçün mövzunu hardan tapırlar?

Bircə demə ki, şəhid ailələrinin, ümumiyyətlə rayonun sakinlərinin səni "gözləri götürmür"...

Əslində, heç sakinlər heç bir söz deməsə belə, şəhərin əsas yolları, küçələri özü adama hər şeyi danışır...

Həzi Aslanov küçəsi:
"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO

"Əlinin papağını Vəlinin başına, Vəlinin papağını..." - İcra başçısı ilə bələdiyyə sədri nə işlər çevirir? // VİDEO + FOTO


Qeyd edək ki, mövzu burda bitmədi, gözləyək görək İmişli Rayon Prokurorluğu məsələyə necə yanaşacaq. Odur ki, dəyərli oxucularımız, bizi izləməkdə davam edin, sizə danışası hələ çox məlumatlarımız var...

Redaksiyamız hər kəsin söz haqqını tanıyır.

DogruXeber.az


Oxunub: 1 171

Son xəbərlər

Bu uşaq evləri Agentliyin tabeliyinə verildi

Rusiya və İran bu barədə saziş imzaladı

“Nar”dan “Dinlət” xidməti ilə tərzini PAYLAŞ

Bu müəssisələr Sosial Xidmətlər Agentliyinin tabeliyinə verildi - QƏRAR

Moskva Kiyevlə danışıqlara hazır olduğunu AÇIQLADI

Bu yolda sürət həddi endirildi

Tarif Şurasından qiymətlərlə bağlı QƏRAR

Professor: “Nazirlə düz 3 saat danışdım, axırda dedi “elə bu?”

Hərbçilərin mənzillə təminatına dair yeni proqram hazırlanır

İsrail ordusu “Kəbə əməliyyatı”na hazırlaşır – 44 illik plan işə düşür

Nazir müavininin oğlu Naxçıvanda da yağ satacaq - 2023-cü ildə 14 tender

Şuşaya 2026-cı ilin sonuna qədər 2 min ailə köçürüləcək

Mərkəzi Bankın baş direktoru işdən çıxarıldı

Prezident Şuşa-Laçın yolunun yenidən qurulmasına 6 milyon manat ayırdı

Borclu vergi ödəyicilərinə şad xəbər. Hesablarına qoyulan sanksiya ləğv olunacaq

90 nəfəri işlə təmin edəcəkləri vədi ilə aldadaraq böyrəklərini satdılar

Enerji balansı hazırlanacaq

Bankların yeni fəaliyyət növləri müəyyənləşir

Bu şəxslər 7 min manat cərimələnəcək

Azərbaycanda Ağdərə rayonu yaradıldı

Şuşanın bir sıra kəndləri Xocalıya verilib

Sabah yağış və qar yağacaq

Milli Məclisin və Hesablama Palatasının xərclər smetası müəyyənləşdi

Bu məhsullar gömrük rüsumundan azad edilir

Əhməd İsmayılov öz dediklərini inkar edirsə, medianın gələcəyi sual altındadır...

Siqaret və alkoqollu içkilərin aksiz dərəcələri artırılıb

Gələn il yaşayış minimumu və ehtiyac meyarı 270 manat olacaq

Türkiyədə jurnalist yazdığı məqaləyə görə həbs edildi

Vergi Məcəlləsinə dəyişikliklər təsdiqlənib

Bu ölkədə viza verilməsi qaydaları sərtləşdirilir

Bütün xəbərlər