Fələstinin HƏMAS hərəkatının lideri İsmayıl Haniyə təxminən iki ay əvvəl Tehran iqamətgahına qoyulan bomba partlayışı nəticəsində ölmüş ola bilər. 

"DogruXeber.az" xəbər verir ki, bu barədə “The New York Times” mənbələrə istinadən yazır.

Nəşr qeyd edir ki, Haniyyə lazımi otağa gəldikdə partlayıcı qurğu uzaqdan işə salınıb. Hadisə yerindən görüntülərdə partlayışın bir neçə pəncərənin sındığı və divarın bir hissəsinin uçduğu görünür. Materialın müəllifləri iddia edirlər ki, bu cür dağıntı raket zərbəsi deyil, partlayış nəticəsində ola bilərdi.

Jurnalistlərin fikrincə, HƏMAS Siyasi Bürosunun rəhbərinin öldürülməsi əməliyyatı bir neçə ay idi ki, planlaşdırılıb.

ABŞ-dəki bir sıra mənbələr əmindirlər ki, Haniyənin qətlinə görə məsuliyyət İsrailin üzərinə düşür.