Filippinin Maguindanao del Norte əyalətində baş verən faciəvi hadisə dəniz tısbağalarının istehlakının təhlükəsini bir daha ortaya qoyub.

"DogruXeber.az" xəbər verir ki, dəniz tısbağasının qaynadılmış ətindən istifadə edən 35 nəfər zəhərlənərək xəstəxanalara aparılıb, onlardan 3-ü dünyasını dəyişib.

Məlumata görə, istehlakdan sonra zəhərlənmə əlamətləri göstərən insanlar şiddətli qusma, qarın ağrısı və ishal kimi simptomlarla qarşılaşıblar. Zəhərlənmədən sonra xəstələrə tibb qrupları müdaxilə edib.

Səlahiyyətlilər dəniz məhsullarının istehlakdan əvvəl diqqətlə təmizlənməsi lazım olduğuna diqqət çəkərək, oxşar halların qarşısını almaq üçün ictimaiyyəti daha şüurlu olmağa çağırıb.

Filippində ətraf mühitin mühafizəsi qanunlarına əsasən dəniz tısbağalarının ovlanması və istehlakı qadağandır. Lakin bəzi icmalar tısbağa əti və yumurtaya olan tələbat səbəbindən bu qadağanı pozmağa davam edir.