Suriyada Bəşər Əsəd rejiminin devrilməsindən sonra Dəməşqin şimalında yerləşən Seyidnaya həbsxanasından bütün məhbuslar azad edilib.

"DogruXeber.az" xəbər verir ki, ölkədə hakimiyyəti ələ keçirmiş üsyançıların nümayəndələrinin sözlərinə görə, məxfi kameralar və yeraltı binaların daxil olduğu nəhəng kompleksin təftişi artıq başa çatıb.

"Ağ Dəbilqəlilər" kimi tanınan Suriya Mülki Müdafiə qeyri-hökumət təşkilatı itkin düşən yaxınlarını sağ tapmağa ümid edən ailələrə dəstək nümayiş etiridiv və ölənlərin yaxınlarına başsağlığı verib. Bir çox ailələr illərdir ki, amansız saxlanma üsullarına görə "ətçəkən" ləqəbli bu yerdə yaxınlarının sağ qala biləcəyinə inanır.

"Ağ Dəbilqəlilər"in rəhbəri Reid Əl-Salehin sözlərinə görə, bu həbsxanadan 150 minə yaxın insan keçib. Seyidnaya Əsəd rejiminin müxaliflərə qarşı tətbiq etdiyi repressiya və işgəncə simvoluna çevrilib.