Ötən gün portalımızda Xəzər rayonunun Binə qəsəbəsi ərazisində aparılan qanunsuz tikintilərlə bağlı yazı dərc edib, həmin tikintilərə aid fotoları təqdim etmişdik. Həmçinin bildirmişdik ki, görüntüləri daha ətraflı şəkildə "Kanal14"ün efirində yayımlayacağıq.

Görəsən icra başçısı ağşsaqqala güvənərək qanunsuzluqlara göz yumur? // FOTO + VİDEO

"DogruXeber.az" bildirir ki, ötən gün sözügedən görüntülər söz verdiyimiz kimi, "Kanal14"ün efirində canlı yayımlandı.



Videoda da göründüyü kimi kateqoriyası təsərrüfat təyinatlı ərazilərdə çoxsaylı yaşayış evlərinin tikintisi aparılır. Hansı ki, həmin ərazilər işıq, mavi yanacaq və digər kommunal xətlərlə təmin olunmayıb.

Ötən gün də qeyd etdiyimiz kimi, bu tikintilərin aparılmasında Xəzər rayon icra hakimiyyətinin başçısı Elşən Salahovla bərabər, TTN agentliyinin rəisi Cəbrayıl Xanlarov, ARXKOM rəisi Anar Quliyev və ƏMDX sədri Mətin Eynullayev də məsuliyyət daşıyır və adı çəkilən qurum rəhbərlərinin hər birinə də bununla bağlı tərəfimizdən rəsmi sorğular göndərilib.

Lakin, Sabunçu rayonu Sabunçu qəsəbəsi Qambay Vəzirov küçəsində neft şirkətinə məxsus ərazidə qanunsuz inşa olunan 3 mərtəbəli iaşə obyektini görə-görə, bilə-bilə susan və tikintinin başa çatmasına açıq-aşkar şərait yaradan bu qurum rəhbərləri hələ də sorğularımıza verməyə cavabları olmadığı üçün susmaqda davam edirlər.

Bizim tikinti aparan vətəndaşlara heç bir iradımız yoxdur, çünki onların böyük əksəriyyəti sonra sənədləşmə zamanı məhz yuxarıda sadalanan qurumlarda yaşayacaqları problem və süründürməçilikdən bixəbərdirlər. Bu gün isə verdikləri rüşvət qarşılığında aldıqları yağlı vədlərin sevinci ilə dəridən-qabıqdan çıxıb, yaşayış evi tikməkdə davam edirlər.

Növbəti yazımızda bu qurumların vətəndaşlara yaratdıqları problemlər və yarıtmaz fəaliyyətləri ilə dövlət siyasətinə kölgə salaraq, xalqda dövlətçiliyə qarşı nifrət oyatmalarına cəhddən bəhs edəcəyik.

Mövzunu davam etdirəcəyik.

Redaksiamız hər kəsin söz haqqını tanıyır.

DogruXeber.az