İranda qəribə hadisələr baş verir.

"DogruXeber.az" xəbər verir ki, ötən həftə SEPAH ölkə sərhədlərini möhkəmləndirmək məqsədi ilə 10 divizya əsgər və texnikanı bütün istiqamətlərdə yerləşdirib.

Qeyd edək ki, bu təxminən 120 min canlı qüvvə və xeyli sayda hərbi texnika deməkdir.

İlkin məlumatlara görə, əsas istiqamətlər İraq, Pakistan və Əfqanıstan sərhədləri olub. Həmin dviziyalardan ikisinin isə Türkiyə, Azərbaycan və Ermənistan sərhəddinə yerləşdirildiyinə dair məlumatlar var.

Lakin maraqlı məqam odur ki, dünən İran parlamentin Milli Təhlükəsizlik Komissiyasında daha bir təcili görüş keçirilib. Belə ki, komissiya üzvləri ilə İran DİN, ETTELAT və SEPAH-ın kəşfiyyat qurumlarının qapalı görüşü keçirilib. Həmin görüşdə daxildə və xaricdə gözlənilən mümkün təhlükələr müzakirə olunub.

İranın bu təlaş və tədirginliyinin nədən qaynaqlandığı bəlli deyil.