Telegram Facebook Twitter Youtube Instagram
dogruxeber.az
dogruxeber.az

Masallıda qədim qəbristanlıq dağıdılır –İCRA BAŞÇISI ORADA OBYEKT TİKDİRMƏK İSTƏYİR?

Masallıda qədim qəbristanlıq dağıdılır –İCRA BAŞÇISI ORADA OBYEKT TİKDİRMƏK İSTƏYİR?
8-01-2020, 17:16 188 dəfə baxılıb

Masallıda qədim qəbristanlıq dağıdılır –İCRA BAŞÇISI ORADA OBYEKT TİKDİRMƏK İSTƏYİR?






Masallı rayonunun Hişkədərə kəndindəki qədim qəbristanlığı sökərək, yerində obyekt tikmək istəyirlər. DoğruXəbər.az JAMAZ.İNFO -a istinadən xəbər verir ki, artıq qəbristanlıq hasara alınıb və orada tikinti işləri aparmaq üçün hazırlıq görülür.

Bildirək ki, Hişkədərə kəndindəki qədim qəbristanlığın bəzi tarixçilərə görə, yaşı orta əsrlərə qədər gedib çıxır. Lakin həmin qəbristanlıqda aşkarlanan küp qəbirlər isə bu tarixin 2000 ilə qədər gedib çıxdığını deməyə əsas verir. Hal hazırda Hişkədərə qəbristanlığı qədim mədəniyyət abidəsi kimi Mədəniyyət Nazirliyi tərəfindən qeydiyyata alınıb.

Kənd sakinlərinin JAMAZ.İNFO-ya verdikləri məlumata görə, 6 ay bundan əvvəl başlayan prosesdə ən fəal adamlar Masallının sabiq icra başçısı, hazırda Ağcabədi rayonuna icra başçısı təyin edilmiş Rafil Hüseynov, kənd icra nümayəndəsi Humra Cəfərova və kəndin axundu Söhrab Ağayev olublar. Onların bildirdiyinə görə, bir qrup şəxsin marağında olan bu tikinti işini həyata keçirənlər fəaliyyətə başlamaq istəsələr də, camaatın etiraz etməsi, prosesi bir qədər yubadıb. İddia edilir ki, həmin obyekti inşa etdirmək istəyən şəxs elə Masallının icra başçısı Rafil Hüseynov olub. Sadəcə, bir qrup adamı qabağa verib.

Tarixi Abidlərin Bərpası və Qorunması İdarəsinin Masallı rayon şöbəsinə bununla bağlı müraciət edilsə də, onlar da səslərini çıxarmayıblar. Daha doğrusu, işin içində icra başçısının marağının olması səbəbindən səslərini kəsiblər.

Hişkədərə kənd sakini Arif İmanov JAMAZ.İNFO-ya deyir ki, yaşı təxminən 2500 ilə qədər gedib çıxan tarixi bir qəbristanlığı ticarət obyektinə qurban vermək, təkcə, ədalətsizlik deyil, həm də cinayətdir. Onun sözlərinə görə, belə bir tarixi qorumaq, tədqiq etmək əvəzinə, hansısa maraqlara görə, məhv etmək yolverilməzdir və bunun qarşısı alınmalıdır. "Məsələ ilə bağlı birbaşa Mədəniyyət Nazirliyinə müraciət etmişik. Onlardan cavab gözləyirik. Bizə deyiblər ki, yavarın 10-na kimi cavab gəlməlidir. Əks təqdirdə, kənd sakinləri öz tarixlərini qorumaq üçün qanunun tələb etdiyi şəkildə mübarizəyə başlayacaq”.

İmanov mediadan xahiş edir ki, məsələni diqqət çərkəzində saxlasınlar.

Xatırladaq ki, Masallıda mədəniyyət və tarixi abidələrin dağıdılması hadisəsi ilk deyil. Belə ki, hələ bir neçə il əvvəl də Meşəkanar kəndi yaxınlığındakı qədim kurqanları dağıdaraq, onun torpağını kərpic zavoduna satmaq istəyirdilər. Yerli camaatın və medianın məsələni gündəmə gətirməsindən sonra zavod rəhbərliyi geri çəkilməli olmuşdu. Lakin buna qədər həmin kurqanlardan birinin torpağı tamamilə daşınmışdı. Onu da deyək ki, qeyd olunan hadisədə də keçmiş icra başçısı Qəzənfər Ağayevin adı hallanırdı.

Yazıda adı keçən şəxslərin mövqeyini dərc etməyə hazırıq.

Masallıda qədim qəbristanlıq dağıdılır –İCRA BAŞÇISI ORADA OBYEKT TİKDİRMƏK İSTƏYİR?






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    May 2021    »
BeÇaÇCaCŞB
 12
3456789
10111213141516
17181920212223
24252627282930
31 
Telegram Facebook Twitter Youtube Instagram