Telegram Facebook Twitter Youtube Instagram
dogruxeber.az
dogruxeber.az

BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var?

BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var?
25-02-2020, 10:22 313 dəfə baxılıb

BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var?





Neftçala rayonunun bir neçə gün əvvəl Dövlət Təhlükəsizliyi Xidməti (DTX) tərəfindən həbs olunan icra başçısı İsmayıl Vəliyevin rüşvət və korrupsiya ilə bərabər, həm də bizneslə məşğul olduğu üzə çıxıb. Rayon ərazisindəki bir böyük bazar da daxil olmaqla, başçıya aid biznes obyektlərinin siyahısı açıqlanıb.

Lakin sözsüz ki, Neftçala heç də Azərbaycanın ən varlı rayonu hesab edilə bilməz. Yəqin ki, İ.Vəliyevin özü də ən böyük biznesi və ən çox obyektləri olan icra başçısı deyil.

DogruXeber.az “AzPolitika.info”a istinadən xəbər verir ki, araşdırmaçı jurnalist Cavanşir Həsənli bir neçə icra başçısına aid rəsmən qeydiyyatdan keçmiş sahibkarlıq subyektlərinə aid məlumatlar paylaşıb.

Həmin məlumatlar vergi orqanının rəsmi saytından götürülüb və təbii ki, əksər icra başçılarının qeyri-rəsmi, yaxud başqa şəxslərin adlarına sənədləşdirilən daha böyük və çoxsaylı biznes obyektləri mövcuddur.

C.Həsənlinin paylaşdığı məlumatlar Şəki, Şabran, Göyçay, Quba və Lənkəranın icra başçılarına aiddir. Həmin paylaşımları təqdim edirik:

Şabranın icra başçısı Asif Hüseynov - Şabranın icra başçısı Asif Həbib oğlu Hüseynov 2000-ci ildə qeydiyyatdan keçmiş "Səbinə-93" kiçik müəssisəsinin təsisçisi və qanuni təmsilçisidir.

Şəkinin icra başçısı Elxan Usubov - Vergilər Nazirliyində Şəkinin icra başçısı Elxan Zabir oğlu Usubovun adına iki şirkət qeydiyyatdadır.

"CHEMİCO CO LTD" MƏHDUD MƏSULİYYƏTLİ CƏMİYYƏTİ 1996-cı ilin iyulunda, "A.Q.T.İ.M." MƏHDUD MƏSULİYYƏTLİ CƏMİYYƏTİ isə 2003-cü ilin fevralında qeydiyyatdan keçib.

Hər iki şirkətin təsisçisi və qanuni təmsilçisi Elxan Usubovdur. Şirkətlər Elxan Usubov icra başçısı təyin olunmamışdan qabaq təsis edilib, lakin indiyədək ləğv edilməyib. İcra başçısı əvvəllər bizneslə məşğul olub.

Göyçayın icra başçısı Mehdi Səlimzadə - ”NIRRIN HEALTH & SPA” mərkəzi Qurban Xəlilov küçəsi 2-də yerləşir. Göyçayın icra başçısı Mehdi Səlimzadənin qızı Nəzrin Mehdi qızı Səlimzadəyə məxsusdur.

Nəzrin Səlimzadə 2013-cü ilin iyulunda Vergilər Nazirliyinin Bakı şəhəri Kiçik Sahibkarlıqla İş üzrə Baş İdarəsində qeydiyyata alınmış "NİRRİN" MƏHDUD MƏSULİYYƏTLİ CƏMİYYƏTİnin təsisçisidir. Ötən ilin iyunundan qanuni təmsilçisi Məsmə Xanım Məcidova Abbas qızıdır.

Lənkəranın icra başçısı Taleh Qaraşovun isə oğlunun adına MMC var. 2005-ci ildə qeydiyyata alınan "V.S.S" MMC adlı şirkət Samir Qaraşovun adınadır.

Qubanın icra başçısı Ziyəddin Əliyevin Ukraynada böyük biznesə malik olması haqda isə dəfələrlə yazılıb.

“Qubanın icra başçısı Ziyəddin Əliyevdən hələ nə Ukraynadakı o zavodun, nə də ora yatırdığı 7 milyon avronun hesabını soruşan olmayıb...”, - deyə, jurnalist qeyd edib.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Avqust 2021    »
BeÇaÇCaCŞB
 1
2345678
9101112131415
16171819202122
23242526272829
3031 
Telegram Facebook Twitter Youtube Instagram