Telegram Facebook Twitter Youtube Instagram
dogruxeber.az
dogruxeber.az

“Naxçıvan dəhlizinin açılması ucuzlaşmaya səbəb olacaq” - GƏLİŞMƏ

“Naxçıvan dəhlizinin açılması ucuzlaşmaya səbəb olacaq” - GƏLİŞMƏ
18-01-2021, 17:07 145 dəfə baxılıb

“Naxçıvan dəhlizinin açılması ucuzlaşmaya səbəb olacaq” - GƏLİŞMƏ








"Naxçıvan dəhlizinin açılması üçün konkret işlər gedir. Mən hadisələri qabaqlamaq istəmirəm, amma bu dəhlizin açılması noyabrın 10-da imzalanmış Bəyanatda öz əksini tapıb. Ona görə də bu dəhliz mütləq açılacaq və bölgəyə yeni imkanlar gətirəcək. Bu yol gələcəkdə çoxtərəfli əməkdaşlıq üçün xüsusi əhəmiyyətə malikdir”.

Bu sözləri Prezident İlham Əliyev 2020-ci ilin yekunlarına həsr olunmuş videoformat müşavirəsində danışarkən deyib.

Qeyd etmək lazımdır ki, Naxçıvan dəhlizinin açılması həm də bəzi məhsulların ucuzlaşmasında da böyük rolu oynayacaq.

İqtisadçı Natiq Cəfərli Modern.az-a bildirib ki, nəqliyyat xərclərinin azalması, məhsulların qiymətində də dəyişikliyə səbəb olacaq:
"Türkiyədən daha qısa yolun Azərbaycana açılması nəqliyyat xərclərinin azalmasına səbəb olacaq ki, bu da öz təsirini məhsulların maya dəyərinin ucuzlaşmasında özünü göstərəcək.

Amma, bu yolun hansı şərtlər daxilində açılması, nə zaman fəaliyyətə verilməsi sual altındadır. Ümid edirik ki, yaxın zamanda istifadəyə verilər”.

N.Cəfərlinin sözlərinə görə, Naxçıvandan açılacaq yol daha qısa olduğu üçün tranzit xərclərində də daha sərfəli olacaq:
"Demək istəyirəm ki, Bakı-Tiblisi-Qars dəmir yolu işləyir, yəni dəmir yolu vasitəsi ilə yükdaşımalar həyata keçirilir. Sadəcə, Naxçıvandan açılacaq yol daha qısadır. Qısa olması həm zaman baxımından, həm də tranzit xərclərində daha sərfəli olacaq, nəqliyyat xərcləri daha ucuz başa gələcək. Buna görə də məhsulların qiymətində də dəyişikliklər baş verəcək.

Bunlar tələb və təkliflərdən, Türkiyədən gələn məhsulların ümumi çeşidindən, gömrük siyasətindən və gömrük rüsumlarından da aslıdır. Belə məsələlərə kompleks yanaşmaq daha düzgün olar.

Yeni yol açıldıqdan sonra Azərbaycan bazarında müəyyən məhsulların qiymətinin düşməsinin şahidi ola bilərik”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    İyun 2021    »
BeÇaÇCaCŞB
 123456
78910111213
14151617181920
21222324252627
282930 
Telegram Facebook Twitter Youtube Instagram