Telegram Facebook Twitter Youtube Instagram
dogruxeber.az
dogruxeber.az

Deputat erməni terrorunda yaralanmış mülki şəxslərin də müalicə xərcini "Yaşat"ın ödəməsini təklif edir

Deputat erməni terrorunda yaralanmış mülki şəxslərin də müalicə xərcini
24-02-2021, 17:31 74 dəfə baxılıb

Deputat erməni terrorunda yaralanmış mülki şəxslərin də müalicə xərcini "Yaşat"ın ödəməsini təklif edir



















"Azərbaycanda şəhid ailələri, müharibə əlilləri və veteranlarının sosial müdafiəsinin təmin edilməsi, onların rifah halının yüksəldilməsi və problemlərinin həlli dövlət siyasətinin mühüm tərkib hissəsini təşkil edir. Prezident İlham Əliyev və Birinci vitse-prezident Mehriban xanım Əliyeva bu məsələni daima xüsusi diqqət mərkəzində saxlayırlar”.

Bunu APA-ya açıqlamasında Milli Məclisin deputatı Fatma Yıldırım deyib.

Deputat bildirib ki, eyni zamanda, bu istiqamətdə işlərə dəstək vermək üçün “Yaşat” Fondu yaradılıb: "Fond vasitəsilə vətəndaş cəmiyyəti həmrəylik göstərərək, bu kateqoriyadan olan insanlara dəstək olurlar. Hər kəsə məlumdur ki, 44 günlük müharibə zamanı xalqımız necə ağır sınaqlarla üz-üzə qaldı. O cümlədən, Bərdə və Gəncə şəhərlərində mənfur düşmən tərəfindən mülki şəxslərə qarşı amansızca terror aktları törədilib. Bu hücumların nəticəsində Bərdədə 29 mülki şəxs həlak olub, 103 nəfər yaralanıb. Onlardan bəzilərinin müalicələri hələ də davam etdirilir. Lakin müalicə xərclərinin ödənilməsi ilə bağlı müəyyən çətinliklərlə üzləşən vətəndaşlar tərəfindən bizə çoxsaylı müraciət daxil olur.

Ona görə də, təklif edirəm ki, müharibə dövründə terror nəticəsində yaralanmış mülki vətəndaşlarımızın müalicə xərclərinin də "Yaşat" Fondu tərəfindən ödənilməsi məsələsinə baxılsın. “Yaşat” Fondunun Müşahidə Şurasında təmsil olunan həmkarlarımdan xahiş edirəm, bu məsələni Şurada qaldırsınlar və həlli istiqamətində müvafiq köməklik göstərsinlər. Eyni zamanda, bu vətəndaşlarımıza əlilliyin təyinolunması ilə də bağlı ciddi narazılıqlar var və bunun həll edilməsində dəstək olmağımız çox vacibdir. Ümid edirəm ki, aidiyyəti qurumlar problemin həlli istiqamətində lazımı köməklik göstərəcək. Həmin terror aktlarından zərər çəkmiş insanlarımızın daim yanında olmalı, onların problemlərinin həllində əlimizdən gələni əsirgəməməliyik".






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    May 2021    »
BeÇaÇCaCŞB
 12
3456789
10111213141516
17181920212223
24252627282930
31 
Telegram Facebook Twitter Youtube Instagram