DogruXeber.az: - “İcra başçıları rayonlarda atamanlıq edirlər. Onlar dövlət başçısının tapşırıqlarını yerinə yetirmirlər, bir anarxiya yaranıb. Heç kim heç kimin kitabını oxumur. Ona görə də Əhəd Abıyev kimilər adam da döyəcək”.

Bunu Müasir Müsavat Partiyasının sədri Hafiz Hacıyev deyib. H.Hacıyev İcra Hakimiyyətlərinin ləğv edilməsini məqsədəuyğun hesab etdiyini bildirib:

“İcra başçıları rayonlarda atamanlıq edirlər. Onlar dövlət başçısının tapşırıqlarını yerinə yetirmirlər, bir anarxiya yaranıb. Heç kim heç kimin kitabını oxumur. Ona görə də Əhəd Abıyev kimilər adam da döyəcək. Tək Əhəd olsa nə var ki, bunların hamısı o gündədir. Ümumiyyətlə, bu sahəyə rəhbərlik edən insanlar düşünməlidir ki, bu cür hərəkətlərə reaksiya verilməlidir, qəti fikir bildirilməlidir. Amma görünür, o sahəyə baxanlar da hələlik Azərbaycanda xaosun olmasını istəyirlər, o arzudadırlar və dövlət başçısını nüfuzdan salmaqdan ötrü bütün variantlara əl atırlar. Hər halda, qəti qərar qəbul olunmalı, tədbir görülməlidir. Rayonların hamısı bu vəziyyətdədir, nə bilirlər, onu da edirlər.

Düşünürəm ki, rayon icra başçılarının yerlərdə qalması yersizdi, İcra Hakimiyyətləri artıq bir quruma çevrilib, çünki nə zavodu, nə də fabriki var. Heç bir şeyi yoxdursa, icra başçıları camaatı soymaqla, incitməklə məşğuldurlarsa, bu kimlərə lazımdır. Bu baxımdan rayon İcra Hakimiyyətləri ləğv edilməlidir, nümayəndəliklər olmalıdır. Otuz il icra başçısı işləmək olar?! Ona görə belə hərc-mərclik yaranıb. İcra başçıları şəhid ailəsini döyürlər, rayonlarda ağalıq edirlər deyə xalq arasında böyük narazılıq yaranıb”.

Qeyd edək ki, dünən Daşkəsəndən olan bir qrup şəhid valideyni Müdafiə Nazirliyinin qarşısına gələrək icra başçıları Əhəd Abıyevdən şikayət ediblər. Hətta şəhid analarından biri Əhəd Abıyevin onu döydüyünü bildirib.//moderator.az