Telegram Facebook Twitter Youtube Instagram
dogruxeber.az
dogruxeber.az

"Veysəloğlu" bu dövlətin OĞLU DEYİLMİ? - Vergidən yayındığı deyilir...

4-08-2021, 16:08

"Veysəloğlu" bu dövlətin OĞLU DEYİLMİ? - Vergidən yayındığı deyilir...

DogruXeber.az: - Veysəloğlu Şirkətlər Qrupundan, şirkətin sahibi Aydın Talıbovdan söhbət düşmüşkən, bir maraqlı və aktual məsələyə nəzər salaq.
Deməli, bir neçə il öncə Ermənistan parlamentində 23 leqal milyonçu deputatın olduğunu oxuyanda xeyli təəccübləndik.
Görəsən, niyə Ermənistandan dəfələrlə, bəlkə də 100 dəfə artıq iqtisadi və maliyyə potensialı olan Azərbaycanda bircə nəfər də olsun milyonçu deputat yoxdur.
Nəinki deputat, hətta rəsmi olaraq milyonçu biznesmenlərimiz də yoxdur.
Hansı ki, Azərbaycandakı milyonçu icra başçıları, milyonçu polis rəisləri, hətta milyarder nazirlər, komitə sədrləri, milyarder monopolist biznesmenlər N qədərdir.
Bəs bunlar niyə öz var-dövlətlərini, mülklərini, milyonlarını leqallaşdırmırlar ?
Məmurları başa düşmək olar. Çünki məmurların bizneslə məşğul olması qanunla qadağandır. Bəs biznesmenlər niyə gizlənirlər ?
Təxminən bir il əvvəl az da olsa Azərbaycanda leqal milyonçu xanımların olduğu barədə informasiya yayıldı.
Onda da bəlli oldu ki, milyonçu xanımların çoxu məmur arvadları, qızları, gəlinləridir. Yəni məmurlar xalqdan oğurladığı milyonları öz xanımlarının, qızlarının, bacılarının adına “oformit” ediblər.
Sözün qısası, bizim milyonçular gizlənməyi sevirlər.
Yuxarıda qeyd etdiyimiz kimi məmurların “qarınağrısını” başa düşdük. Bəs biznesmenlərimiz ?
Məsələn, Veysəloğlu Şirkətlər Qrupunun sahibi Aydın Talıbov milyonçu, hətta on milyonçu, yüz milyonçu olduğunu niyə gizlədir ?
Axı, o məmur deyil, nədən çəkinir, nədən qorxur ?
Bəli, milyonlar, on milyonar, hətta yüz milyonlar ortaya çıxsa, sual olunacaq ki, ay adam, dövlətə nə qədər vergi ödəmisən ?
Bax, buna görə də bizim milyonçu biznesmenlər öz gəlirlərini gizlətməyi və vergidən yayınmağı sevirlər.
Təsəvvür edirsiniz, Qafqazın ən kasıb ölkəsi olan Ermənistanda, Gürcüstanda nəinki milyonçu, hətta leqal milyarderlər var. Bəs bizdə niyə yoxdur ?
Veysəloğlu və onun kimi şirkətlərin sahibləri nəinki vergidən yayınır, milyonarını gizlədir, hətta bəzi məhsulları, qida və ərzağı inhisara alırlar və deməli bazarda süni qiymət artımı yaradırlar.
Azərbaycanda ən böyük problemlərdən biri, bəlkə də birincisi, inhisarçılıqdır. Əbəs yerə deyil ki, prezident İlham Əliyev cənabları dəfələrlə inhisarçılıqla mübarizə barədə konkret tapşırıqlar verib. Ancaq vəziyyət hələ də dəyişmir.
Azərbaycanın qida sektorunun ən böyük inhisarçılarından biri də Veysəloğlu Şirkətlər Qrupudur. Qrup 90-cı illərdən etibarən ölkəyə ərzaq məhsullarının əsas idxalatçılarından, 2000-ci illərdən isə pərakəndə satıcılarındandır.
Veysəloğlunun müxtəlif şəhər və rayonlarda marketlərinin sayı 300-ü keçib. Onlarla supermarketlər, minimarketlər, böyük satış anbarları, bir sözlə, Veysəloğlunun biznes imperatoprluğu.
Şirkətlər Qrupunda 17 min nəfər işçi çalışır. Ancaq bircə dəfə də olsun Əmək Müfəttişliyi şirkətdə əmək qanunvericiliyinin pozulması ilə bağlı monitorinq keçirməyib. Əmək müqavilələrinin olub-olmaması ilə maraqlanmayıb.
QİDA agentliyi, konkret olaraq agentliyin baş direktoru Qoşqar Təhməzli maraqlanmır ki, yüzlərlə satış mərkəzi olan Qrupda ərzaq və qida məhsulları standarta uyğun gəlirmi, ya yox ?
Niyə, Qoşqar Təhməzli Veysəloğlunun “Ulduz” şokolad fabrikindəki məhsullar ilə maraqlanmır ?
Axı, istehlaklçıların bu qədər şikayətləri mediada tirajlanır, yayılır. Bunu dövlət qurumları görmür ?
Təsəvvür edirsiniz, “Veysəloğlu”nun “Araz” supermarketlər şəbəkəsindən AQTA-ya 563 istehlakçı şikayəti olub, bunların 59-u vaxtı keçmiş, istifadə müddəti bitmiş qida məhsulları ilə bağlıdır. Bəs, görəsən, AQTA hara baxır ?
Bəs, görəsən, Dövlət Vergi Xidməti bu işlərə nə üçün reaksiya vermir?
Ötən il Dövlət Vergi Xidməti Veysəloğlu Şirkətlər Qrupuna nə az, nə çox – 2 milyon manat maliyyə sanksiyası tətbiq edib. Buna səbəb olaraq şirkətin külli miqdarda vəsaiti vergidən yayındırdığı göstərilirdi.
Bəs, nəticə nə oldu ? Heç nə.
İndi Veysəloğlu ilə bağlı 2 rəqəmə nəzər salaq:
Qrupa məxsus “Araz” və “Oba” marketlərində birgə 17 min nəfərdən artıq işçi çalışır.
Və bir gündə müştəri sayı 640 min nəfərə çatır. Təkcə “Oba”nın bir günlük müştərisi 300 min nəfərdən artıqdır.
İndi özünüz deyin: Bu boyda şirkətlər qrupunun sahibi nəinki milyonçu, hətta milyarderdir, yoxsa, yox ?
Bəs, onda niyə gizlənir ?
Və ən əsası vergidən neçə milyonları gizlədir ?
Bu artıq medianın deyil, dövlət qurumlarının vəzifəsidir. //gundelik-baku.com//






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 
Telegram Facebook Twitter Youtube Instagram