İşçilərinə meydan oxuyan baş həkim jurnalisti də təhdid edir... - VİDEO FAKT

"DogruXeber.az" informasiya agentliyinin redaksiyasına Qobustan rayon"Poladlı" kənd sakini Rəhimov Seymur Ocaqverdi oğlu tərəfindən müraciət daxil olmuşdur.

Daxil olan müraciətdə vətəndaş Seymur Rəhimov bildirir ki:

- "Qardaşımın ayağına mismar batdı və ayağından xəsarət aldı. Biz onu dərhal öz maşınımızla Qobustan rayon Mərkəzi xəstəxanasına çatdırdıq. Qardaşımın ürəyi də zəifdir. Ona görə Qobustan rayon mərkəzi xəstəxanasında qardaşıma iynə vuruldu və bildirdilər ki, bizdə yer yoxdur, xəstənizi Şamaxı rayon xəstəxanasına aparın. Biz dedik ki, xəstəmizi aparmaq üçün bizə təcili tibbi yardım maşını verilisin . Məsələdən baş həkimin də məlumatı var idi. Bizə xəstəxanadan bildirdilər ki, "maşın yoxdur. Cəmi iki maşınımız var, kəndlərdədir". Amma, həyətdə də 4 təcili tibbi yardım maşını dayanmışdı.
Mən soruşdum: - "Bəs bu nədir?"

Cavab verdilər ki: "onlara sürücümüz yoxdur".

Uzun sözün qısası, bizə maşın vermədilər. Biz özümüz qardaşımı Şamaxı rayon Mərkəzi Xəstəxanasına apardıq.

Səhəri gün İcra Hakimiyyətinə gedib, Qobustan rayon Mərkəzi Xəstəxanasının baş həkimi Emin Hüseynli barəsində İcra başçısına şikayət etdim. İcra Hakimiyyətinin başçısı Adil Məmmədov baş həkim Emin Hüseynliyə zəng edib dedi: "Niyə vətəndaşları incidirsiniz? Niyə baxmırsınız şikayətlərinə?"

Adil Məmmədovun bu sözlərindən sonra, Emin Hüseynli dedi: "Gəlsin yanıma, kömək edim".

Səhərisi gün Emin Hüseynlinin qəbuluna getdim.

Məni görən kimi başladı təhqir etməyə ki: "Sən ara qatırsan. Adam satırsan. Köçəryanın adamısan. Səni öyrədirlər ki, aranı qarışdırasan".

P.S: Sözügedən məsələ barəsində qarşı tərəfin də mövqeyini dinləmək məqsədilə Qobustan rayon Mərkəzi Xəstəxanasının baş həkimi Emin Hüseynli ilə telefon əlaqəsi saxladıq.

Özümüzü təqdim edib, vətəndaş Seymur Rəhimovun redaksiyamıza müraciətini diqqətinə çatdırdıq.

Emin Hüseynli haqqında şikayətçi olduğunu eşidən kimi, dərhal aqressivləşdi. Gah dedi: "yeddidən sonra zəng edin", gah da özündən çıxaraq bizə "hədə-qorxu" gəlməyə başladı ki, "Siz elə bilirsiniz qarşınızdakı elə-belə adamdır. Elə etmiyin ki, qapınızı başqaları döysün".



Qeyd:
Moderator.az yazır: "Hazırda Qobustan Rayon Mərkəzi Xəstəxanasının baş həkimi vəzifəsində çalışan Emin Hüseyn əvvəlcə Astara Rayon Mərkəzi Xəstəxanasının baş həkimi vəzifəsində çalışıb. Onun rəhbərliyi dövründə Astara RMX-da korrupsiya, özbaşınalıq və səriştəsizlik halları baş vermişdir. 2 milyon manat vəsaiti mənimsədiyinə görə və Astara sakinlərinin çoxsaylı şikayətləri nəticəsində, 2015-ci ildə vəzifəsindən azad edilərək Qobustan Rayon Mərkəzi Xəstəxanasına baş həkim vəzifəsinə təyinat almışdır."

2: Qobustan rayon Mərkəzi Xəstəxanasında uzun müddət, yəni nə az, nə çox, düz 28 il Həkim-terapevt olaraq çalışmış, Emin Hüseynli tərəfindən işindən haqsız yerə azad olunmuş Bəylər həkim deyir:
- "Baş həkim Emin Hüseynli mən rayon Mərkəzi Xəstəxanasında işlədiyim dövrdə məndən dəfələrlə borc adı ilə pul alırdı. Bəzilərini qaytarırdı, bəzilərini qaytarmırdı. Mənim adıma bankdan kredit götürdü. Vaxtında ödəmədiyi üçün bank kreditləri mənim əmək haqqımdan çıxılırdı. Bununla bağlı da dəfələrlə Emin Hüseynli ilə söz-söhbətimiz olmuşdu. Mən cana doyduğum üçün borcumu tələb etməyə başladım. Bu səbəbdən E. Hüseynli artıq məni işdən çıxarmaq üçün bəhanələr axtarmağa başladı.
Nəhayət bir dəfə iclasa getmədiyimi bəhanə edib məni işdən çıxardı.
Mən E. Hüseynlinin rüşvətxorluğu, həmçinin xəstəxananın bütün çalışanlarına qarşı haqsızlıqları, kobud davranışları, onları söyüb - təhqir etməsi, hətta bəzilərini döyməsindən də xəbərdaram.
Dəfələrlə bu barədə hüquq-mühafizə orqanlarına müraciət etmişəm. Həmçinin uğradığım haqsızlığa dair birinci vitse-prezident Mehriban xanım Əliyevaya da online müraciət etdim. Sağ olsunlar, ordan dərhal reaksiya verildi. Yəni, mənə zəng edib əlavə suallar da verdilər. Lakin, təəssüflər olsun, hələ də bir nəticə yoxdur".



3. Qobustan rayon mərkəzi xəstəxanasının mətbəxində uzun müddət xadimə olaraq çalışan Dursun Səfərova deyir:
- "Uzun illərdir ki, mən rayon Mərkəzi Xəstəxanasının mətbəxində təmizlik işləri ilə məşğulam. Qızım da mənimlə bərabər mətbəxda qab yuyan olaraq çalışırdı. Emin Hüseynli bizim xəstəxanaya gələn kimi, özü ilə gətirdiyi Elnarə xanım məni yanına çağırıb dedi ki: "Sən daha orda işləyə bilməzsən. Gəl sənin yerini başqa işə dəyişək. Narahat olma, elə edəcəm qızınla birlikdə işləyəsən. Mən başqasından 2.000 (iki min) manat pul alıb, ora işə götürəcəm".
Mən də onu başa düşdüm və razılaşdım.

Sonra bizi başqa işə keçirdilər. Yəni 3 ay həyət süpürdük. O ərəfədə təmir gedirdi, həyət bərbad gündə idi. Mən oranı təmizə çıxardım.
3 aydan sonra Elnarə məni yenə yanına çağırıb dedi: "Sağ ol yaxşı təmizə çıxarmısan həyəti. Gəl səni başqa işə keçirək. Mən ora başqasından 2.000 (iki min) manat alıb, işə götürəcəm."
Daha bu dəfə mən dözməyib etiraz etdim. Bundan sonra E. Hüseynli məni yanına çağırdı. Qapıdan içəri girən kimi başladı məni söyüb, təhqir etməyə. Sonra dedi: "4 dəfə otur-dur, səni bağışlayım".
Mən dedim Xoşqədəm Hidayətqızının verilişinə gedib, şikayət edəcəm. O da Xoşqədəm Hidayətqızını da, ona baxanları da söydü. Mən tüpürüb, otaqdan çıxdım.

Bütün bunlar barəsində İcra Hakimiyyətinin başçısı Adil Məmmədovun qəbuluna gedib, şikayət etdim.
Adil müəllim E. Hüseynliyə zəng edib danışdı. E. Hüseynli dedi: "qayıtsın işinə bərpa edirəm".
Səhəri gün Adil Məmmədov İcra nümayəndəsini də mənimlə birlikdə xəstəxanaya göndərdi. Biz getdik, nümayəndənin yanında məni işimə qaytardılar.
Bura qədər hər şey yaxşı idi. Lakin, 3 gün işlədikdən sonra, məni E.Hüseynli yenidən işdən çıxardı.

Onu da qeyd edim ki, işdən çıxmazdan əvvəl 3 ay həyət süpürdüyümün maaşını da verməyib".



4. Rayon Mərkəzi Xəstəxanasında fəhlə işləyən, E. Hüseynlinin haqsız olaraq işdən çıxardığı daha bir şəxs Şıxıyev Məmmədağa deyir:

Mən 2005-ci ildən, 2015-ci ilə qədər Qobustan rayon Mərkəzi Xəstəxanasında fəhlə işləmişəm. 2015-ci ildə E. Hüseynli Qobustan rayon Mərkəzi Xəstəxanasına gəldiyi gündən başladı mənə təzyiq göstərməyə, təhqir etməyə. Təkcə mənə yox, elə mənim kimi xəstəxanasının bir çox işçilərinə qarşı belə kobud davranır.

Həyat yoldaşım ağır xəstədir. Bir dəfə yıxıldı, 4 barmağı qırıldı. E.Huseynli mənə bir gün icazə vermirdi ki, onu həkimə aparım. Hər dəfə ya qardaşım, ya qaynım mənim həyat yoldaşımı həkimə aparmalı olurdu. Bir dəfə də vəziyyəti ağırlaşdı. E. Hüseynli işdə olmadığı üçün icazə almadan təcili getmək məcburiyyətində qaldım. Buna görə E. Hüseynli məni təhqir etdi və döydü. Həmçinin də işdən çıxardı. Mən bu barədə hüquq-mühafizə orqanlarına da müraciət etmişəm."



Əslində E. Hüseynli haqqında bu kimi faktlara söykənən məlumatlar yerli medialarda kifayət qədərdir.

Həmçinin Qobustan rayon sakinlərindən birinin "DogruXeber.az" informasiya agentliyinin redaksiyasına göndərdiyi videogörüntüdə Emin Hüseynlinin saxta pensiya düzəltməsi sayəsində əldə etdiyi sərvətlərini izahlı şəkildə təqdim edir.



Haqqında bu qədər korrupsiya faktları, şikayətlər, özbaşınalıq və digər bu kimi məlumatlar olan, eyni zamanda bu kimi faktlar öz təsdiqini tapdığı üçün Astara rayon Mərkəzi Xəstəxanasının baş həkimi vəzifəsindən azad edilən, daha sonra Qobustan rayon Mərkəzi Xəstəxanasına baş həkim təyin edilən Emin Hüseynlinin redaksiyamızla bu cür danışması, bizə "hədə-qorxu" gəlməsi artıq "başa düşülən"dir.

Qapımızı kimlərin döyəcəyi, Emin Hüseynlinin sifarişlərini yerinə yetirənlərin kim, yaxud kimlər olduğu barədə heç bir fikrimiz yoxdu.

Onların dövlət qurumu, yaxud mafiya olmasını da bilmirik.
Bildiyimiz tək şey budur ki, biz haqqı tanınmayanların, məzlumların, məsumların yanındayıq. Haqq isə hər zaman qalib gəlir.

Emin Hüseynli "onu hər vəziyyətdə qoruyan mələyinə, yaxud mələkləri"nə güvənərək, bütün danışıqların qeydə alındığını bilə-bilə, bizi açıq şəkildə təhdid etməkdən çəkinmədi.

Emin Hüseynlinin haqqındakı şikayətlərə və şikayətçilərə bu cür soyuq münasibəti, daha doğrusu ümumiyyətlə məhəl qoymaması onu düşünməyə əsas verir ki, "güvəndiyi dağlar" onun özünə həddindən artıq uca görünür. Amma, bəlli ki, o hüquqi dövlətdə yaşadığını və o "dağ"ı quma döndərəcək "Fərhad külüngü"ndən güclü qanunlarımızın olduğunu unudub.

Odur ki, bu qanunları Emin Hüseynliyə xatırlatması, həmçinin müvafiq tədbirlər görülməsi üçün, redaksiyamız tərəfindən Hüquq-mühafizə orqanlarına bizi təhdid etməsi barəsində səs yazısı, eyni zamanda rəsmi müraciətlər göndərilməsi üçün hazırlanır.

Güman edirik ki, idarəçiliyi bacarmayan, daşıdığı vəzifəyə layiq davranmayan, işində təcrübəsi qədər də nöqsanları olan Qobustan rayon Mərkəzi Xəstəxanasının baş həkimi Emin Hüseynli barəsində aidiyyatı qurumlar lazımi tədbirlər görəcək və bununla da Emin Hüseynli kimi "ipə-sapa yatmayan" digər məmurlara, səlahiyyət sahiblərinə nümunə göstərmiş olacaqlar.

Məsələ diqqətimizdədir!

Redaksiyamız hər kəsin söz haqqını tanıyır!

DogruXeber.az


Oxunub: 1 381

Son xəbərlər

Ombudsman Xankəndidə erməni əsilli sakinlərlə görüşdü

Azərbaycanda işığın qiyməti ucuzlaşa bilər - VİDEO

Məktəbdə nöqsan aşkarlandı, direktor işdən çıxarıldı

Mərkəzi Bank uçot dərəcəsini azaltdı

Vüqar Qurbanovdan yeni baş həkim TƏYİNATI

2024-cü ildə bu rektorların səlahiyyət müddəti bitir - SİYAHI

Daşaltıda itkin düşmüş daha 73 nəfərin adı açıqlanacaq - Əli Nağıyev

Bu günə olan valyuta məzənnələri

Azərbaycan nefti ucuzlaşdı

Boşanma zamanı əmlakın bölünməsi ilə bağlı daha bir yenilik - VİDEO

Bu gün milli təhlükəsizlik orqanlarının əməkdaşlarının peşə bayramıdır

Bu gün ilk Qədr gecəsidir

“Makronun anti-Azərbaycan planı iflasa uğrayıb” - “Le Fiqaro”

Vətəndaşların nəzərinə: Bakıda və üç rayonda qazın verilişində məhdudiyyət olacaq

Bakıda Rusiya Kino Günləri keçiriləcək

D vitamini çatışmazlığının gözlənilməz əlaməti

İş adamı ilə Ədliyyə Nazirliyi arasında nə baş verir? - 3 milyonluq kredit mübahisəsi...

Siciliya Adalarında istirahətə yolanan təhsil rəhbərləri kimlərdir? ARAŞDIRMA

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

Yemək büdcəmizi “yeyir”

“Qazprom” təsdiqlədi: Ermənistanın qaz kəməri Azərbaycanın nəzarətinə keçir

Bu ölkədə beş əsgərin ölümündən sonra hərbi təlimlər dayandırılıb

Qəhvə içmək bağırsaq xərçənginə yoluxma riskini azaldır — ARAŞDIRMA

Azərbaycanda ardıcıl 5 gün iş olmayacaq — RƏSMİ

Qalada qanunsuz tikililər söküldü - FOTO // VİDEO

Əhməd təcridxanaya qaytarıldı

Parklanmadan daxilolmalar xərcləri qarşılamır - AYNA-dan AÇIQLAMA

Rusiya sanksiyalara görə Çin, Türkiyə və BƏƏ-dən neftin pulunu ala bilmir

Bakıda qəbiristanlıqda çayxana tikmək istədilər (VİDEO)

Sabah 21 dərəcə isti olacaq

Bütün xəbərlər