Telegram Facebook Twitter Youtube Instagram
dogruxeber.az
dogruxeber.az

İran TIR-ları YENƏ DƏ Qarabağda... - "Azərbaycanın İrana nota verməsinə baxmayaraq..."

13-09-2021, 15:27

İran TIR-ları YENƏ DƏ Qarabağda... - "Azərbaycanın İrana nota verməsinə baxmayaraq..."

DogruXebər.az : - “Azərbaycan İrandakı soydaşlarımızın maariflənməsi, siyasi savadlanması üçün İrana yönəlik verilişlər yayımlayan TV-lər və radionların işə salınmasına sərəncam verə bilər. Azərbaycan İrana qarşı açıq təbliğat müharibəsi apara bilər”.

Bunu Azərbaycanın İrana nota verməsinə baxmayaraq, yenə də İran TIR-larının Qarabağa keçməsini və rəsmi Tehranın Azərbaycana qarşı mövqeyini şərh edən keçmiş dövlət katibi Qabil Hüseynli Yenicag.az-a açıqlamasında deyib.

Qabil Hüseynli bildirib ki, İran hər zaman Ermənistanın nəfisliyi olub:

“İran ikinci müharibəyə qədər Ermənistanın blokadasını aradan qaldıran ölkə idi. İran Ermənistan sərhəddinə özü körpü salaraq, erməniləri lazım olan hər şeylə təmin edirdi. Bu adi ticarət deyildi. Bu sadəcə olaraq işğalçı Ermənistanın daha da şirnikləşdirilməsi və daha çox Azərbaycan torpağını işğal etməsi üçün İrandakı molla rejiminin atdığı addım idi. İran Azərbaycanın istiqlalını qəbul etmirdi, Ermənistanın Azərbaycan ərazilərini işğal etməsinə ürəkdən sevinirdi. Müharibə dövrü İranın Azərbaycana qarşı necə kin-küdurət bəslədiyini açıb ortaya qoydu. Əvvəlcə Rusiyadan gələn hərbi yükləri öz hava limanında TIR-lara yükləyərək Ermənistana və Qarabağın dağlıq hissəsinə separatçılara göndərirdi. Cənubi Azərbaycandakı soydaşlarımız bunu biləndə iki TIR yükü yandırdılar və ayağa qalxdılar. Bundan sonra Rusiyadan gələn təyyarələr İrəvana enməyə başladı. Müharibənin qurtarmasına cəmi bir neçə gün qalmış İranın o zamankı prezidenti Ruhaninin dili ilə Azərbaycanın qələbəsinə sevinirmiş kimi mesaj göndərdi. Mesajla yanaşı İrandan Ermənistana və separatçılara maşın karvanları gəlməyə başladı. Əvvəlcə bu maşın karvanlarının seriya nömrələrini sərhəddə dəyişib, erməni seriya nömrələri qoyurdular. Azərbaycanın notasından sonra o qədər həyasızlaşdılar ki, nümayişkarənə şəkildə maşınların dövlət seriyalarını dəyişmədən, karvan halında, karvandakı maşınların hər birinin üzərinə İran bayrağını sancaraq hərəkət etməyə başladılar. Bu sözün əsl mənasında həyasızlığın, islami dəyərlərə hörmətsizliyin, faşist ermənilərlə əməkdaşlığın bariz nümunəsi idi.

Azərbaycan elə texniki imkanlara malikdir ki, ora gələn maşınların, konkret şəxslərin kimliyini müəyyənləşdirə bilir. Rəsmi qaydada İran maşınlarının Ermənistana və Qarabağa necə daxil olduqlarını, Rusiya sülhməramlıarının onlara necə şərait yaratdığının şahidi olduq. Əslində bununla Rusiya ilə İranın erməniləri Azərbaycanın üzərinə qaldırmasının kombinasiyası da üzə çıxdı. Azərbaycanın buna qəti etiraz etməsinə baxmayaraq İran öz əməlini davam etdirdi. Bundan sonra Azərbaycan tərəfi Gorus-Qafan yolunda polis nəzarəti tətbiq etməyə başlayıb. İrandan gələn maşınlar ciddi sürətdə yoxlanılır. Qarabağa gedən TIR-lar isə geri qaytarılır. Bu Azərbaycanın ciddi siyasi iradə ortaya qoyması deməkdir”.

Keçmiş dövlət katibi Azərbaycanın İrana qarşı anti-tədbirlər görmək imkanından da danışıb:

“Bu anti-tədbirlərin hamısını açmaq doğru deyil. Azərbaycan İrandakı soydaşlarımızın maariflənməsi, siyasi savadlanması üçün İrana yönəlik verilişlər yayımlayan TV-lər və radionların işə salınmasına sərəncam verə bilər. Azərbaycan İrana qarşı açıq təbliğat müharibəsi apara bilər. Bunu sadəcə olaraq ideya şəkildə İrana bildirib, rəsmi Tehranı əməllərindən əl çəkməsinə çağırmaq lazımdır. Bütün bunlar elə bir dövrdə baş verir ki, İranın üzərində buludlar qatılaşıb, ABŞ kualisiyası və İsrail İranın nüvə silahı əldə edə biləcəyini yazaraq, İrana hücum əməliyyatının anonsunu verirlər. Azərbaycan dəfələrlə İrana qarşı öz ərazisindən istifadə edilməsinə imkan verməyib. Onlar bunu bilməlidir”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 
Telegram Facebook Twitter Youtube Instagram