Telegram Facebook Twitter Youtube Instagram
dogruxeber.az
dogruxeber.az

İranın Xankəndi təxribatı: Azərbaycan hansı addımı atacaq? - AKTUAL

16-09-2021, 09:35

İranın Xankəndi təxribatı: Azərbaycan hansı addımı atacaq? - AKTUAL

DogruXeber.az: - “Azərbaycan region ölkələri ilə həmişə dinc şəkildə əməkdaşlığın və münasibətlərin inkişaf etdirilməsinin tərəfdarı olub, hər zaman da öz mövqeyində bunu aydın nümayiş etdirib. Dünya ölkələrinin ərazi bütövlüyü məsələsinə ölkəmiz həmişə hörmət göstərib. Ona görə, eyni mövqeni dünya ölkələrindən tələb etmək haqqına da malikdir”.

Bu sözləri Modern.az-a Azərbaycan-İran parlamentlərarası əlaqələr üzrə işçi qrupunun üzvü, deputat Elşad Mirbəşiroğlu Gorus-Qafan yolunda İran yük maşınlarının iki sürücüsünün Azərbaycan polisi tərəfindən saxlanılmasından danışarkən deyib.

Deputat vurğulayıb ki, Azərbaycan ərazilərindən istifadə edərək, qanunsuz yükdaşımaları həyata keçirənlərə haqlı olaraq Azərbaycan qanunlarına uyğun şəkildə sərt reaksiya nümayiş etdirilir və etdiriləcək:

“Konkret İrana məxsus yük maşınlarının “Stepanakert, Armenia” sənədi əsasında Azərbaycan ərazilərində qanunsuz hərəkəti qınanılan halıdır. Bu, Azərbaycan-İran münasibətlərinin xarakteri ilə heç cür uzlaşmır. İran Azərbaycan ərazi bütövlüyünü tanıdığını, ölkəmizlə münasibətlərə önəm verdiyini həmişə dilə gətirib, amma belə hallar iki ölkə arasındakı münasibətlərə müəyyən soyuqluq gətirə bilər. Belə hallara olduqca həssas yanaşılmalıdır”.

Elşad Mirbəşiroğlunun fikrincə, “Stepanakert, Armenia” qeydi olan sənədlərdən istifadə ciddi düşüncələr üçün də əsas yaradır:

“Ermənistanın ölkəmizə qarşı təxribatlarının bir istiqaməti də region ölkələri ilə Azərbaycanın münasibətlərinə soyuqluq gətirməyə, gərginlik yaratmağa hesablanıb. Ona görə düşünürəm ki, məsələni dərindən araşdırmaq lazımdır. Burada erməni izinin, erməni təxribatlarının olmağını da nəzərdən keçirmək mütləqdir. İran tərəfi də öz sərhədləri boyunca ciddi nəzarəti həyata keçirməlidir. Azərbaycan ərazilərində heç bir halda qanunsuz hərəkətlərə yol verilməməlidir. Qafan-Gorus yolunun 21 kilometr ərazisi Azərbaycanın nəzarəti altındadır. Bu ərazidən qanunsuz yüklərin keçməsinə təbii ki, yol verilməyəcək. Düşünürəm ki, İran tərəfi də münasibətlərə zərər gətirəcək addımların qarşısının qətiyyətlə alınmasında maraqlı olmalıdır”.

Qeyd edək ki, Ermənistan mətbuatı Gorus-Qafan yolunda İran yük maşınlarının iki sürücüsünün Azərbaycan polisi tərəfindən saxlanıldığı barədə məlumat yayıb. Səbəb kimi həmin sürücülərin Xankəndinə yük daşımasını təsdiq edən sənədlərinin olması göstərilib. Yayılan sənədlər İranın Xankəndinə yük daşıdığını bir daha sübut edir. Sənədin üzərində çatdırılma ünvanı “Stepanakert, Armenia” yazılıb.

İran dövləti öz sürücülərinə verdiyi rəsmi sənəddə Xankəndinin Ermənistan şəhəri olduğunu yazmaqla Azərbaycanın ərazi bütövlüyünü şübhə altına alıb.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
Telegram Facebook Twitter Youtube Instagram