Telegram Facebook Twitter Youtube Instagram
dogruxeber.az
dogruxeber.az

Ekologiya və təbii sərvətlər nazirliyi bir qrup saxtakara xidmət edir

25-09-2021, 12:51

Ekologiya və təbii sərvətlər nazirliyi bir qrup saxtakara xidmət edir

DogruXeber.az: - Son vaxtlar ölkədə ekologiyanı əhatə edən bütün sahələrdə ciddi problemlərin oldığına dair kifayət qədər faktlar medya vasitələrində dərc olunub.
Qeyd olunan problemlər konkret harada, hansı ərazidə baş verir kimi sualların yaranmasına imkan vermir.Çünki baş verənlər o,qədər şəffaf,o qədər açıqdır ki,bunu körpə uşaq da görə,dərk edə bilər.
Yəni ki, ekologiya sahəsində cərəyan edən proseslər bir başa nazirlik tərəfindən himayə və kordinasiya olunur.Meşələrin qırılması, qanunsuz kömür istehsalı, meşə təsərrüfatı mərkəzlərinin ərazilərinin məhv olunaraq işbazlara ayrı-ayrı məqsədlər üçün verilməsi və sair qanunsuz əməlləri durdura biləcək bir şəxs,stop deyəcək bir təşkilat tapılmır.
Ekologiya və təbii sərvətlər nazirliyinin rəhbər şəxsləri açıq şəkildə ölkə təbiətinə qənim kəsilib.Nazir müavinləri,departament rəhbərləri və sairlərin adları müxtəlif maxinasiyalarda hallanır.Hətta deyilənlərin həqiqiliyinə kölgə salacaq bir fakt belə tapmaq mümkün deyil.Başqa bir fakt budur ki, regional ekologiya və meşə təsərrüfatı mərkəzlərinə qohum-əqrəba mafiyasının fəaliyyəti üçün münbit şərait yaradılıb.Eyni zamanda həm nazirlik səviyyəsində,həm də yerlərdə təhsilsiz və qeyri ixtisaslı şəxslərin meşə və ekologiya sahəsinə yerləşdirilməsi elə gələcəkdə meşələrin daha maneəsiz talan olunmasına hesablanıb.
Məsələn.Ekologiya və təbii sərvətlər nazirliyinin meşələrin mühafizəsi və inkişafı xidməti departamentinin rəisi Namik Xıdırov bu vəzifəyə kənd təsərrüfatı nazirliyindən gətirilib.Namik Xıdırov kənd təsərrüfatı nazirliyində işləyən zaman işindəki ciddi nöqsanlara yol verdiyinə görə tutduğu vəzifədən azad edilib və açıq şəkildə bu dövlət qurumundan qovulub.Ancaq çox keçmədən qeyd olunan şəxs ekologiya və təbii sərvətlər nazirliyində yeni,həm də yüksək bir posta təyinat alıb.Fikir verin,belə bir insana ölkə təbiətini etibar ediblər.Əlhəttə ki,nəticə də belə olacaq.Namik Xıdırov həm də bu sahəyə uyğun olmayan, qeyri-ixtisaslı kadrdır.
Namik Xıdırov regional ekologiya idarələrinə və meşə təsərrüfatı mərkəzlərinə öz dost-tanış və qohumlarını yerləşdirib.
Məsələn.5 saylı regional ekologiya idarəsinin rəisi əmisi oğlu Qabbar Xıdırov.Buna görə ərazidə ekoloji vəziyyətin gərgin olduğunu demək tam asandır.Quba-Qusar meşələrinin talan olunmasına görə Qabbar Xıdırov da məsuliyyət daşıyır.
Baxın Pərviz Amrullayev hərbidə müddətdən artıq hərbi xidmət sahəsində çalışıb,ancaq indi Quba meşə təsərrüfatı mərkəzinin Quba rayonu üzrə meşə mühafizəsi mühəndisidir.
Hüseyn Abdulhüseynov,Alpan,Quba,obasının meşəbəyisidir.
Tərlan Rzayev əməyin mühafizəsi üzrə baş mütəxəssis və həmkarların sədridir.
Bu şəxslərin hamısı Elvin Baxışovun dostlarıdır və meşələri istədikləri kimi, istismar edirlər.Bu adamların hamısı qeyri-ixtisas və təhsili olmayan şəxslərdir.Bu adamlar Quba meşə təsərrüfatı mərkəzinin rəhbəri Şahların dostları olduğu üçün onlara yaşıl işıqdır.
Namik Xıdırovun Lənkəran regional meşə təsərrüfatı mərkəzinin ərazisi olan Haftoni ərazisindəki meşələri məhv elətdirərək beta-tea çay şirkətinə verməsində də kifayət qədər qanunsuz əməlləri ortaya çıxdı.
Lerik meşələrinin məhv olunması"Razvandoband"meşəbəyliyində baş verən qanunsuzluqları, kütləvi qırıntılar barədə bütün faktların ortaya qoyulmasına baxmayaraq heç bir tədbir görülmədi.Əksinə,Namik Xıdırovun dostu "Razvandoband" meşəbəyliyinin baş meşəbəyi si Nazir Orucov ərazidə olan qanunsuz əməllərinə baxmayaraq vəzifədən azad olunmadı, əksinə ərazidə olan jurnalisti nazirliyin əməkdaşlarının gözü qarşısında döyərək təhqir etdi.Baxmayaraq ki, haqqında 3 dəfə DİN qaynar xətt 102-yə şikayət olundu,bu günə kimi araşdırılmamış saxlanıldı.Bütün bu qanunsuzluqların başında ekologiya və təbii sərvətlər nazirliyinin mötəbər şəxsləri dayanır,şəxsən Namik Xıdırov ölkə boyunca meşələrin qırılmasına səbəb olur.
Namik Xıdırovun əmisi Şəmistan Xıdırov İsmayıllı rayonunda Ruşan,Vəng meşəbəyliyində baş meşəbəyidir və həmin ərazidə artıq bir dənə də olsun böyük ağac tapmaq mümkün deyil.Çünki hamısı doğranılıb və qonşu rayonlara və sair satılıb.Namik Xıdırovun dostu və kəndçisi Əfqan Qəribov Şamaxı regional meşə təsərrüfatı mərkəzinin rəisidir.Doğrudur ki, Əfqan Qəribov bu əraziyə rəis təyin olunan vaxtadək sabiq rəis İlqar Qəribov meşələri məhv etmişdi.Ancaq real vəziyyət budur ki, regional meşə təsərrüfatı mərkəzlərinə rəis vəzifəsinə təyin olunan şəxslərin hamısı Departament rəisi Namik Xıdırovun yaxın çevrəsinə daxil olan şəxslərdir.
Ümumiyyətlə,bu sahədə ciddi qanun pozuntuları mövcuddur,ancaq rəhbərlik yerində olmadığı üçün tədbir görülmür.İdarə rəisləri və nazir müavinləri,nazir Muxtar Babayevi saxta məlumat və statistika ilə aldadırlar.Qeyd olunan sahə ilə bağlı araşdırmalarımız davam edir.
Redaksiyadan: Yazıda adları çəkilən şəxslərin də mövqeyini dərc etməyə hazırıq.//azerinfo.az






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
Telegram Facebook Twitter Youtube Instagram