Telegram Facebook Twitter Youtube Instagram
dogruxeber.az
dogruxeber.az

Qaz bazarında bahalaşma: - Azərbaycan yataqlarına böyük pullar gələ bilər

15-10-2021, 15:46

Qaz bazarında bahalaşma: - Azərbaycan yataqlarına böyük pullar gələ bilər

DogruXeber.az: - Avropada qaza yüksək tələbat Trans-Adriatik boru kəmərinin (TAP) buraxılış gücünün ikiqat artırılmasına təkan verə bilər.

Qeyd edək ki, ölkə üzrə III rübdə ixrac olunan təbii qaz həcmləri daha çox - 48% artırılaraq, 4,4 milyard kubmetr təşkil edib. Hesabat dövründə ölkə daxilində 2,4 milyard kubmetr qaz istehlak olunub ki, bu da ötən ilin müvafiq dövrü ilə müqayisədə 8% çoxdur. Avropada qaza tələbatın artması, eləcə də ixracın artması ilə bağlı bu gün ölkədə mövcud qaz hasilatı tələbatı qarşılaya biləcəkmi?

SOCAR-ın Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov Cebhe.info-ya bildirib ki, Azərbaycanın qaz ixracı sahəsində əsas qaz ixrac kəməri Cənub Qaz Dəhlizi və onun tərkib hissələri olan kəmərlərdir:

“Bu kəmərlər vasitəsilə azhəcmli qaz Gürcüstana, daha böyük həcmli Türkiyəyə və ən böyük həcmlər Avropaya gedir. Çünki Avropa bazarında tələbat digər bazarlardan daha çoxdur. Hazırda Cənub Qaz Dəhlizi vasitəsilə Türkiyəyə illik 6 milyard kubmetr, Avropaya isə 10 milyard kubmetr qazın nəql olunması nəzərdə tutulub. Bu həcm, yəni illik 16 milyard kubmetr boru kəmərinin yüklənməsinin maksimum səviyyəsinə çatması nəzərdə tutulub. Bu, o demək deyil ki, hər il boru kəməri məhz bu həcmdə işləyəcək. Məsələn, bu il, başlanğıc ilində bir qədər az olur, tədricən artırılır və nəhayət, yəqin ki, gələn ildən boru kəmərinin yüklənməsi maksimum səviyyəsinə çata bilər. Daha sonra hər bir yataq təbii olaraq işləməyə başlayır. Hazırda 16 milyard kubmetrdən əlavə olaraq imkanımız var ki, boru kəmərlərinin ötürücü gücünü ikiqat artıraq. Yəni bu gün Türkiyəyə Cənub Qaz Dəhlizi üzərindən 6 milyard kubmetr ötürülürsə, bu 12 milyard kubmetrə, Avropa üçün 20 milyarda qədər, artırıla bilər”.

İ.Əhmədov deyib ki, hazırda bizim başqa yeni yataqlar və suxurlar da işlənməkdədir. Abşeron yarımadasının Dayazsulu yatağında qazma işləri aparılır:

“Qazın ixracını artırmaq üçün imkanlarımız var. Bu ixrac artırılarsa, məhz TAP boru kəməri üzərindən artırıla bilər. Hazırda bazarda qazın qiyməti olduqca yüksəkdir. Ola bilər ki, bu vəziyyət davam etsin. Bu, o deməkdir ki, Azərbaycanda da qaz yataqlarının işlənməsinə daha çox sərmayə qoymağa maraq yarana bilər. Xarici şirkətlər daha çox fəallaşa bilərlər. Çünki qoyulan sərmayələrin rentabelliyi bugünkü bazar şəraitinə görə daha nikbin görünür”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
Telegram Facebook Twitter Youtube Instagram