2022-ci ilin yazına qədər Türkiyə Suriya ilə sərhəd bölgəsini tam nəzarətə götürə biləcək

DogruXeber.az:- Türkiyənin Milli müdafiə naziri Hulusi Akar son vaxtlar Suriyanın şimalında PKK/YPG terror təşkilatı tərəfindən Türkiyəyə edilən hücumlara münasibət bildirib. Nazir qeyd edib ki, Türkiyə Suriya ilə bağlı razılaşma üzrə öhdəliklərini ciddi şəkildə icra edir: “Akar dünyada və regionda müdafiə və təhlükəsizlik məsələləri başda olmaqla ciddi dəyişikliklərin baş verdiyini bildirib.

İraq və Suriyanın şimalında, Şərqi Aralıq dənizi və Kiprdə baş verən prosesləri yaxından izlədiklərini vurğulayıb. Suriyanın şimalında ABŞ və Rusiya ilə əldə edilən razılaşmalara toxunan Akar qeyd edib ki, Türkiyə öz üzərinə düşən öhdəlikləri ciddi şəkildə yerinə yetirir. Məlum olduğu kimi Suriyanın Azez bölgəsində PKK/PYD terrorçuları Türkiyə polisinə hücum edib. Hadisə “Fərat qalxanı” əməliyyat zonasında baş verib. Post-patrul xidməti aparan polis əməkdaşlarına hücum zamanı 2 asayiş keşikçisi həlak olub, daha 2 nəfər yaralanıb. Bəzi ekspertlərin fikrincə, son günlərdə Yaxın Şərqdə PKK və YPG güclərinin fəallaşması, xüsusən Türkiyənin hədəf alınması heç də təsadüfi deyil. Onların sözlərinə görə, Türkiyənin regionda və dünyada fəallığı bəzi güclərin narahatlığına səbəb olub.

Türkiyənin Suriyada yenidən anti-terror əməliyyatına başlaması ilə bağlı “Şərq”ə danışan Vəhdət Partiyasının sədr müavini Vasif Əfəndiyev deyib ki, Suriyanın şimalında gərgin vəziyyət bölgədə davamlı sülhün yaranmasına ciddi maneədir. Partiya rəsmisinin sözlərinə görə, bu, ilk növbədə Türkiyə üçün ciddi təhdid olan PKK/YPG terror birləşmələrinin qardaş ölkənin sərhədlərindən uzaqlaşdırılması üçün zəruridir:

“ABŞ, Rusiya və Türkiyə üçlüyünün gəldiyi razılığa əsasən, Suriyanın şimalında təhlükəsizlik zonası yaradılıb və bu ərazidə birgə patrul xidməti aparılır. Eyni zamanda Türkiyə PUA-ları bölgəyə nəzarət edir. Razılaşmaya əsasən, PKK və YPG qüvvələrinin Türkiyə sərhədlərindən 30-40 km. uzaqlaşdırılması nəzərdə tutulsa da, proses başa çatdırılmayıb. Türkiyə Xarici İşlər Nazirliyi mövcud vəziyyətlə barışmayacağını bildirərək terrorçuların zərərsizləşdirilməsi üçün addımların atılacağını bildirib. Bəşər Əsəd isə öz növbəsində bəyanat verərək Türkiyə ordusunun Suriyadan çıxmasını istəyib. Həm də Türkiyə sərhədlərinin toxunulmazlığı öhdəliyini götürüb. Moskvaya arxalanan Əsəd bu bəyanatla indiyə qədər əldə olunan razılaşmalara qarşı gedir. Bu mövqe Rusiya tərəfindən dəstəklənsə də, YPG-ni dəstəkləyən ABŞ üçün qəbul olunan variant deyil”.

V.Əfəndiyev vurğulayıb ki, Azez bölgəsində türk konvoyuna silahlı basqın çox ciddi siqnaldır:

“Bu terror hadisəsi Türkiyəyə şans verəcək ki, 2016-cı ildə “Fərat qalxanı” və 2018-ci ildə “Zeytun budağı” əməliyyatlarını təkrar edərək, daha 2 min kv.km ərazidən terrorçuları təmizləsin. Hər iki əməliyyatlar zamanı Türkiyə 4 min kv.m əraziyə nəzarəti təmin etmişdi. Terrorçuların arxasında hansı güclərin dayanmasından asılı olmayaraq, Türkiyənin bölgədə daha çox ərazilərə nəzarət etməsinə nə ABŞ, nə də Rusiya mane ola biləcək. Amerika NATO müttəfiqinə qarşı siyasi məzəmmət etsə də, ona qarşı hərbi müdaxilə etməyəcək. Türkiyə Prezidenti cənab Ərdoğan Rusiya ilə xarici siyasətdə kifayət qədər güclü mövqe nümayiş etdirir. Moskva Suriyada Türkiyəyə qarşı hərbi müqavimət göstərmək gücündə deyil. Hesab edirəm ki, 2022-ci ilin yazına qədər Türkiyə Suriya ilə sərhəd bölgəsini tam nəzarətə götürə biləcək. Bundan sonra Suriyanın gələcək taleyi masada müzakirə edilə bilər”.


Oxunub: 256

Son xəbərlər

"Qala Sığorta" vətəndaşın pulunu ödəmir - NARAZILIQ!

Qarabağdakı erməni silahlılar tərk-silah edilməlidir - Bunu aradakı anlaşma da zəruri edir...

Ceyhun Bayramov iranlı həmkarı ilə telefonla danışdı

Ermənilər Kəlbəcəri ATƏŞƏ TUTDU

Eldar Əzizov onu Aparat rəhbəri TƏYİN ETDİ

Səhiyyə sistemindəki dəyişikliklərlə bağlı RƏSMİ AÇIQLAMA

Niyazi Bayramovun qoçuları Gəncədə MEYDAN SULAYIR... - NARAZILIQ VAR!

İcra Başçısı “Qırmızı Kitab”A Düşən Ağacları Kəsdirir

Əfv Komissiyası 400-dən çox müraciətə baxıb

Müharibə başlayandan Azərbaycan Ukraynaya nə satıb? - SİYAHI

BƏƏ-nin yeni Prezidenti SEÇİLDİ

Ermənistanın yubatdığı DANIŞIQLAR... - "Antiterror əməliyyatı həyata keçirmək lazımdır"

Şəkidə baş həkimin maşınını yandıran Muradın işinin TƏFƏRRÜATI

Cavanşir Feyziyev vəzifəsindən AZAD EDİLDİ

Lukaşenko Rusiyada Putinlə görüşəcək

Gecə 13-15° isti, gündüz 23-25° isti olacaq

Novruz Məmmədovun kürəkəni tanınmış müğənni imiş - FOTO

Hikmət Hacıyev İstanbulda TDT-in toplantısına qatıldı

Azərbaycan Avropaya doğru, amma: dayana-dayana, çəkinə-çəkinə - İNCƏLƏMƏ...

Azərbaycanın ƏN YAŞIL ŞƏHƏRİnin QARA GÜNLƏRİ - Mingəçevirin kim altını-üstünə çevirir...

“Binə” Ticarət Mərkəzinin rəhbəri Vətən müharibəsi qazisinin “belini qırıb” - İLGİNC İDDİALAR...

Ukraynada döyüşlərlə bağlı SON VƏZİYYƏT

MİDA evləri ilə bağlı daha bir SƏS-KÜYLÜ HƏBS - “300 min alıb qaçmaq istəyirdi”

Bu sahədə çalışanların maaşı artdı

Fəzail Ağamalıda bunca sərvət hardandır? - SİYAHI

Azərbaycan neftinin qiyməti 117 dolları ötdü

Əgər Rusiya bizim dostumuzdursa... - Overçuk İrəvana niyə gedib?

Ölkədən qaçan sabiq aparat rəhbəri axtarışa verilib - TƏFƏRRÜAT

Ordubadda camaat HAQQINI ALA BİLMİR... - GİLEY

“Whatsapp”da yeni funksiya

Bütün xəbərlər